1. والثاني انها تقع في منخفض فالجو هناك حدث بلا حرج وايد حار

السلام عليكم ورحمة الله وبركاته
طبعا حدي حدي قاطعه عن المنتدى بس بسبب انه السفره اللي فاتت كانت جدا سيئه بسبب انه معانه وحده تمشي على كرسي متحرك ومعاها بنتها عمرها سنتين واللي بس تبجي فأنتوا تخيلوا السفره شلون كانت أترك التعليق لكم
كنت أغلب الأيام في الفندق أبدا أبدا ماطلعت باستثناء طلعتي وقت الغداء لا وماأباعد أروح اتغدا بفندق قصر الشرق بحكم انه قريب من الفندق علشان أرجع بسرعه
لكن دام اني اكتشفت انكم زعلانين علي خلوني اراضيكم بديزني لاند هونغ كونغ وشوية صور من الصين وعاد أرضواا لأنه ماعندي غيرهم يعني لاتزعلون
اول شي مثل ماانعرف انه ديزني لاند مكانها بهونغ كونغ بصراحه شخصيا انا ماحبيتها لسببين الأول انها صغيره وايد وألعابها ماتناسبنا احنا الكبار وانا احب ألعب فالقهر كان جدا كبير بالنسبه لي

والثاني انها تقع في منخفض فالجو هناك حدث بلا حرج وايد حار

فنصيحتي قبل لاأبدأ التقرير حاولوا دايما تتأخرون بالروحه حق ديزني يعني روحوا الساعه 3 العصر لاتشتطون وتروحون الساعه 10 ترى بتموتون من الحر وترجعون قبل الالعاب الناريه مثل ماصار فينا:112: بعدي حاقده ع اللي معاي اهما السبب والله
والحين يالله حياكم بدينا التقرير
لحظة وصولنا بالسلامه لديزني ترى احنا يايين بتاكسي ياحسافه ماركبنا هالباص ع الأقل أحس بطفولتي اللي راحت هدرا ******** محد قال هدرا من قبل الا أنا وهتلر

أيوا أيوا قصينا التذاكر ويايين بندخل على بالي بستانس مادري انه وراي يوم منيل على نيله

ياحياكم الله في ديزني لاند اقلطو اقلطو مافي احد غريب بس ميكي وميني والباجي قاعدين بالديوانيه

اهني الدرب أول ماندخل على يمينا ويسارنا سوقه وهالشي خفف علي شوي

وهذي الصوره واحنا مجبلين على مادري شنو نسيت ياأخوان والله

واهني سنواايت والله انها سنو وايت غربلها الله انا لو مايبقى ماسك بالدنيا احطه بويهي ومايصير ويهي جذي بعرف بس شمسويه بعمرها هذي

اما هذا الساحر قصته قصه والله انه سحره مثل ويهه والمشكله الناس يصفقون بضمير واهوا اسوأ ساحر مر بحياتي يعني تخيلوا ينقالكم مسوي سحر يطلع العصاة جدام الناس من داخل قميصه بس يقولهم غمضوا عيونكم صايد الحركه يعني

اما اهني ههه تذكرت السالفه تخيلوا احنا قاعدين نمشي ع الجسر هذا والأخ قاعد يصورنا جان أقول أنا أوريك مثل ماتصورنا والله لأأصورك وعقب استوعبت انه قاعد يصورنا ههه

والحين بحط لكم صور سريعه ماتحتاج تعليقات

وبالنهايه سامحوني ع القصور
وان شاء الله راضين علي كلكم وخصوصا أبا جوري