أهلا بك أخ سائح تفضل هذه ملاحظاتي على برنامجك 1. توزيعك للبرنامج ممتاز جداً فقط خذ يوم من بورت ديكسون لكوالا لأنها تستحق أكثر من 3 أيام
بينما بورت ديكسون يكفيها يوم للإسترخاء وأخذ قسط من الراحة قبل رحلة العودة ومافيها شيء يستحق غير المنتجع والسكن في فيلا بمسبح داخلي 2. بالنسبة للجدول : بتروجايا تبعد نصف ساعة عن سلانقور وتروح لها بالتاكسي تتفق مع التاكسي جولة بالساعة ب 25 رنقت يأخذ من الفندق ويمشيكم في بتروجايا وتطلعون على معالمها الجميلة ومسجدها الرائع وحديقتها الغناء وبحيرتها الخلابة ثم من هناك تستأجرون قارب يأخذكم في جولة بحرية ف البحيرة ثم تعووت للفندق الزيارة تأخذ منك من 4 إلى 6 ساعات 3. في كاميرون هايلاند ماعندك إلا يوم أعط الأولوية لمزارع الشاي لأن الوقت ربما لايسعفك لزيارة الشلالات لأنها بعيدة جدا وطريقها صعب فتكتفي بشلالات لنكاوي لكن لاتفوتك مزارع الشاي والزهور 4. في كوالا أضف زيارة منتزه المطل وبالتوفيق إن شاء الله

يعطيك العافيه على المعلومات الجميلة وانا اعتذر عن تحديد اسماء اعضاء لافادتي ولكن سبب ذلك يعود الى طلب المعلومة الدقيقة ويوجد كمان بعض الاستفسارات المهمه يا ليت تفيدني فيها:
1- كيف طريقة استخدام قطار المورنوريل وطريقة شراء التذاكر هل هي من المحطه؟ اخواك اول مرة يستخدم قطار معليش .
2- حجز الباص من بينانج الى كاميرون هايلاند عن طريق الفندق او محطة الباصات ومتى افضل وقت وايش اسمها؟ ومن الكاميرون الى كوالا واريد الباصات vip?
3- تذكرة الرحلة الى جزيرة القرود في بينانج من وين اشترتيها من المطار او مكتب سياحي او من سوق الليل.
4- هل اشتري رحلة المنجروف بس ورحلة الغروب ولا هي وحده ؟ ومن وين افضل مكان لشرائها؟
5- افضل مطعم في لنكاوي ؟ وهل برنامج لنكاوي ممتاز ؟
ولك تحياتي ولجميع الاعضاء واسف على ازعاجكم وشكرا على تعاونكم وهذي عادتكم .

اخواني المشرفين انا بانتظار ردكم ولكم تحياتي

ولا يهمك:
1. قطار المونويل من أقرب محطة بجنبك في شارع العرب تقص التكت وتركب برنقت ونص وبوجد موضوع في البوابة تثرير مصور عن المونوريل بالصور والخريطة
2. أفضل شيء شكرة نايس والتكت إسأل الفندق ولو ما عندهم تلقاها في الأكشاك اللي على الشاطيء أو في مجموع كونسبي وصاحب التاكسي يساعدك
3. من المكاتب اللي بجوار السوق الصيني أو من عند القوارب لا تشيل هم زي ماقلت لك بس قول لصاحب التاكسي وهو يسوي لك كل شيء
4. من وجهة نظري مطعم القصر بجوار منتجع بلانجي بيتش أروع شيء وبرنامجك في لنكاوي حلو وشامل
وبالتوفيق إن شاء الله

يعطيك العافية وما قصرت واشكرك على مرورك وتوجيهاتك. وانتظر تقرير بعد العوده ان شاء الله
ولك مني اطيب تحية

حياك الله
موفق إن شاء الله
بانتظار تقريرك

اخوي المغادرون 2007 بخصوص صلاة الجمعة انا عندي يومين جمعة في السفر و
1- يوم 13-4 وهو اخر يوم في سيلانجور ورحلتي الساعة 3:15 هل عند وقت اصلي في سيلانجور الجمعة وإذا كان قيه وقت وش اقرب مسجد من فلل صنواي ومتى يخلصوا وكما تبعد سيلانجور عن المطار ؟
2- يوم 20-4 وهو اهم يوم في كاميرون هايلاند لكن الصلاة اهم طبعا عند زيارات لشلالات وحديقة الزهور ومزراع الشاي ولكن اريد يكون جدولي مرتب مثلا يكون ازور الشلالات الصباح من الساعة 9 الى 11 وبعد كذا ارجع استعدد لصلاة الجمعة واخلص صلاة جمعة على وحده ممكن واطلاع ازور مزارع الشاي وحديقة الزهور هل هذا البرنامج ممتاز بهذي الطريقة ؟ وش اقرب جامع جمعة من فندق كاميرون هايلاند رزويرت؟
وهل في هذه الجوامع مصلى نساء؟
ولك تحياتي

بعد الأذن من ( غالينا ) المغادرون ... راح أجيب
رحلتك الساعة ( 3 ظهرآ ) ... وصلاة الجمعة تنتهي عندهم ( 2 ظهرآ ) ... ماعندك وقت بصراحة
لأنك لازم تكون في المطار قبل الرحلة بثلاث ساعات ... يعني ( 12 ظهرآ ) لازم تكون في مطار
كوالا ... والمسافر ( يعذر ) من صلاة الجمعة إن كان على سفر ... حسب أقوال أهل العلم
وللعلم : سلانجور تبعد عن المطار ( 40 دقيقة ) ...
وفي الكاميرون ( المساجد قليلة جدآ ) للأسف ... لأنها منطقة أغلب سكانها ( هندوس ) ...
لكن أسأل صاحب التاكسي وراح يدلك بأذن الله ... على أقرب مسجد لصلاة الجمعة ..
فيه مسجد كنت أصلي فيه ... في منطقة ( تاناراتا ) وسط الكاميرون ... معروف جدآ وتسمع الأذان
قريب من ( فندق الكاميرون هايلاند ريسورت ) ... يمكن تقريبآ ( 10 دقايق فقط ) ....
المسجد ( مرتفع ) وتشوف المئذنة من الشارع العام ... والوصول له سهل بأذن الله ...
وبصراحة أهنئك على حرصك على الصلاة ... كثر الله من أمثالك .. وزادك من فضله ونعيمة
الصلاة هي ( عمود الدين ) ... فطوبى لمن حافظ عليها في السفر أو الحضر ...
وبخصوص الجدول اليومي .. تكفيك جولة بتاكسي خاص لمدة ( أربع ساعات ) بسعر 100 رنقت
هذه الجولة تزور فيها ( الشلالات ومزارع الشاي وحدائق الفراولة والعسل ) ...
وأخيرآ :
أهديك تقريري هذا عن ( الكاميرون ) ... وبأذن الله يعجبك

شكرا وافي بزمن جافي وانتظرت مرورك ولا يهون اخونا المغادرون كفى ووفىء وبالنسبه لتوضيح الله يبيض وجهك وهذا لابد يكون ديدن المسلم في سفره المحافظة على عبادته والمسافر مرخوص صحيح لكن من باب فضل الجمعة والجماعة وبالنسبه للجدول المرفق فيه توضيح زيادة مع العلم بأن اخونا المغادرون ماقصر وبيض الله وجهه بس ودي توضح لي اكثر عن القطار لان لك تجربه فيه هل اشتري تذكرة مسبقة الدفع وكيف اقدر احصل عليه عن طريق مكائن ولا كاشير وهل الافضل لزيارة لكوالا هي ثلاث ايام اخذ تذكرة كل ماابغى اطلع القطار ولا مسبقة الدفع افضل ومن وين اشتريها وهل الوصول الي القطار محطة medan tuank صعب يعني اخذ تاكسي من شيراتون امبرايال ولا مشي ؟ وتقرير القطار المورنيوريل استفدة منه كثير .
وتحياتي للجميع