- السلام عليكم
السلام عليكم
اعضاء وزوار وضيف هذا المنتدى الرائع اكتب لكم هذه الاسطر من فندق الصن واي لاقون بعد وصولنا اليوم من الرياض على طيران الاتحاد وان شاء الله احاول اعرض عليكم الرحلة باسلوب مختلف بعد اكتمال الملف عندي ان شاء الله بس عندي بعض الملاحظات حبيت اوردها هنا للفائدة
بعد وصولنا الى المطار وكان كل شيء بحمد الله على مايرام وتم على وجه مرضي واخذنا سيارة فان كيا الى فندق الصن واي والذي بدا لي من الخارج كما عهدته في زيارتي السابقه قبل سنوات وتحديدا يونيو عام 2000 ......وكان حجزي غرفتين ديلوكس مطلة على البارك عن طريق وكالة بالرياض وكان الحجز اوكيه وعملت تأكيد من الرياض بالاتصال على الفندق ولكن عند وصولي واثناء عملية الدخول والتي كانت سريعة جدا لم تتجاوز الخمس دقائق فاجأتني موظفة الاستقبال بقولها حجزك غرفتين بدون بلكونة وانا عملت لك ترقية الى غرفتين ببلكونة وفي الحقيقة في بادئ الامر فرحت ومسكت الاولاد وقلت اجلسوا عاقلين ترى الجماعه ماقصروا واعطونا غرفتين احسن من اللي حجزنا تكفون لاتفشلونا معهم وخلوكم عاقلين عشان مايغيرون رايهم واتممت اجراءات الدخول واول ما تفاجأت فيه انك تنزل من اللوبي للغرفة ماتطلع فوق .... انقبض قلبي بس سكت وقلت للاولاد ماعليش اللوبي مرتفع .... وصلنا الغرفة وحقيقة تفاجأت بالمستوى المتدني للغرفة تلفزيون ذكرني بعصور الاريال عندنا قبل 20 سنة او اكتر واباجورات متكسرة وحمام اكرمكم الله صغير ومستهلكات الحمام حق شخص واحد فقط وزاد الطين بله ماتشوف المنتجع المائي ابدا الا مسبح صغير بينه وبين البلكونه بضعة امتار رغم قولها انكم في الدور السابع ... كرسي الجلوس واحد فقط.... يعني بصراحة ماعملت لنا ترقية( ابقرايد) الا عملت تخفيض مستوى (داون قرايد) ورجعت لها قلت يا اختي انا متنازل عن الترقية اللي عملتي قبل شوي بس اعطيني غرفة زينة ولها طلة على البارك وفي الاخير وبعد مناوشات قالت لي مافيه غرف الا اللي عطيتك تبيها والا ما حن مسئولين عنك.... طيب ابي فوق اعلى شوي قالت مافيه يمين يسار قالت اطلعك فوق بس تدفع الفرق ... ماشي الحال بس كم الفرق ؟؟ وبعد حسابات طلع الفرق 900 دولار على 3 ليالي لغرفتين.....وحتى لا اعكر صفو الرحلة قبلت بالغرفتين على امل التغيير غدا وان كان ماعندي امل في ذلك.....
االظاهر انه الان بعض الفنادق تعيش على الاسم فقط فيما يبدو .....
حبيت استوضح اذا كان هذي متعمده عشان انا خليجي ؟؟؟او لا؟؟؟وهل حصلت لاي احد قبلي؟؟؟
تقييمي للفندق ومن خلال هذه الغرفة ومقارنة بفنادق الخمس نجوم في دبي مثلا لا يتعدى 3 نجوم
النت متوفر 38 رنجنت للساعه او 58 رنجنت لمدة 24 ساعه......
ملاحظات عامه
الجو غيوم ليس هناك مطر الحرارة معتدلة والرطوبة معتدلة
انا حاب اوضح لك امر يغفل عنه الكثيرون ...
تسعيرة الغرف تختلف من طابق الى طابق كما هو المعروف من نوع غرفة الى غرفة .. وللأسف الشديد المكاتب السياحية عندنا ما تخبرنا بهذا الشئ ..
لربما المكتب الذي حجزت عنده وجدت سعر منافس من وكيل في ماليزيا بدون انيسأل عن موقع الغرفة ..
عموما هذا درس تعلمناه ولو دققت في الموضوع اكثر لوجدت لنفسك حل بدون دفع فرق .. مثلا تقول احتاج تفصيل لموقع الغرفة الذي وفرتموه للوكيل .. او أن الامر مجرد غرفة شاغرة ...
وبالمناسبة خالصين من موضوع لانك خليجي او عربي ... معاملتهم لنا غير مثل جدة غير ...
تعرف جدة يقولوا غير .. لكنها والله غير بكل انوع السوء ... بلاش اطول عليك .. اتمنى يكون تقريرك مفيد وغير شِكل دمت بكل الود عزيزي ..