السلام عليكم جميعا
باذن الله ناوي أروح برشلونة في أواخر شهر 8 وبالتحديد تاريخ 25 -8 الى 30 -8 طبعا 2007
وبحط بهالموضوع تصوراتي للرحلة وأبي ملاحظاتكم الحلوه والمفيده عشان لا آكل مقالب محترمه
السفر سيكون على الخطوط الأردنية
خط الرحلة ( كويت - عمان - برشلونة - عمان - كويت ) مادري ينكتب جذي خط الرحله ولى لأ
سعر التذكرة 287 دينار كويتي
سبب الزيارة الرئيسي : -
حضور مباراة بين فريقي
برشلونة والأنتر
والمباراة راح تصادف تاريخ 29
الملعب : الكامب نو
سعر التذكرة : 56 يورو ( تقريبا 25 دينار كويتي )
بودي أحجز في قسم ( cat2 ) داخل الملعب
يعني راح اشوف المباراة بهالصوره
وهذا السايت فيه كل شي بالنسبة للأقسام في الملعب وأسعارها
وهذي شوية منتجات من الماركة
عالعموم
السكن راح يكون بفندق HLLORET أو فندق Apsis 40 ( محتار بينهم يعني --> طبعا نبي رايكم
وهذا موقع الفندق الاول
http://www.hlloret.com/
وعلى ما اعتقد يقع مباشرة على شارع الرمبلا
وسعر الليلة 51 يوروأما الفندق الثاني وهو من فئة نجمتين
صاير بعيد شوي عن الرمبلاا وهذي خريطة توضح مكانه بالضبط :
وهذي بعض الصور للفندق
وأهم شي الانترنت المجاني
وهذي بعض المعلومات عن الغرفة الواحده أو ( single room ) : -
Breakfast: EUR 8.56 per person per day.
Room info: Including taxes, Excluding breakfast, Including VAT.
Room Facilities: Shower, Safety Deposit Box, TV, Telephone, Air Conditioning, Toilet, Bathroom, Heating, Hairdryer, Wireless Internet
واذا تبون تقرون أكثر عن الفندق تفضلو --->
وسعر الليله فيه تقريبا 75 يوروبالنسبة لفيزة الشنغن
راح اخلي مكتب يخلصها ويسلمني الفيزة في 10 أيام الى 12 يوم كحد أقصىالأماكن السياحية في برشلونة عرفتها من المنتدى يعني ما راح أتعبكم وأسأل عنها
بس بغيت أستفسر عن درجة الأمان في برشلونة
لأني رايح بروحي
وتدرون بعد الأهل يخافون علي
من حقهم طبعا
واذا تعرفون أماكن فيها ملابس رياضية ياريت لو ادلوني عليها
واذا ناسي شي ضروري ذكروني
وهذا الي حظرني ألحين
أنتظر تفاعلكم مع موضوعي
واذا عندي استفسارات بعد
راح أحطها وماراح استحي منكم
لأانكم بحسبة خواني
وآسف عالاطالة