الأخت سفريات
29-01-2022 - 06:06 pm
السلام عليكم و رحمة الله وبركاته
في البدايه كل عام وانتوا بخير
وهذي العيديه مني لكم
رن جرس البيت اليوم الظهر طبعا وبأسرع من الصاروخ رحت أفتح الباب على بالي حد غريب
والا اشوف الخادمه وفي يدها ظرف بريدي
دققت ....
فتحت الظرف ....
ظهرت رسالة لتأكيد الموعد اللي طلبته من مركز باراكير لطب العيون في برشلونه ...
مركز باراكير لطب العيون في برشلونه http://www.co-barraquer.es/indexe.htm
الموعد مثل ما واضح في الرساله .... يوافق يوم الاثنين تاريخ 7/ مارس/ 2005 ..... والساعه 9.5 صباحا ....
أقتنعت نوعا ما بأختيار الخطوط البريطانيه ... شو رايكم ؟؟؟ .... لأنها تطلع من مطار بوظبي و ما في بديل أفضل منها ...
وشبه مقتنعه اني اسكن في فندق سيتادين رامبلا ... والخيار الثاني هو فندق مونتكارلو
وبعدني اتشاور في فكرة اني أجلس في لندن 3 أيام قبل الموعد ..... بس سالفة الفيزا سالفه
واذا عزمت على لندن .... فندق رويال لانكستر في لندن يمدحونه ..... بس لازم أجري استطلاع في الانترنت عنه ....
طبعا اللي اريده منكم أولا دعوه في ظهر الغيب ...
ثانيا اللي عنده أي معلومات ... أو استفسارات المجال مفتوح لمشاركة الجميع .... لتعم الفائده .
دعواتكم ...
كل عام وانت بخير وبين أسرتج أن شاء الله ....
ان شاء الله تروحين وتردين بالسلامة ..... والعافية قدامج غناتى .....
بالنسبة لفنادق لندن ....
الفترة الي بتقعدين فيها هل سياحية أو شوبنج أو علاج ....
وفندق رويال لانكستر يطل على الهايد بارك تعبرين الشارع بس ....الفندق قديم والمنطقة نفسها ما فيها شئ مميز
واذا تبين أكسفورد بتركبين مواصلات لانه الجو بارد .....الافضل أختاري فندق مكانه مناسب وجديد....
حاضرين لاي خدمة .....
موفقه أختى ...بس طمنينا عليج .....