مرحبا فيك أخوي عجيب والله
طبعا لست انا المؤهلة هنا لترتيب الرحلات ......
لأن عندنا الأخوان الشاب والمنقلب أصحاب الخبرة الأكبر .....
بس بما اني ما صار لي أسبوع واصلة من برشلونه و باريس
أقتراحي هو كالآتي ...
الخطوط الفرنسية .... أفضل هي أفضل خيار
بالنسبة لبرشلونة تكفيها خمس ليالي .....
باريس أيضا خمس ليالي تكفيها .....
ممكن أساعدك في الفنادق .... في برشلونة و باريس ....هذا اللي أقدر عليه
بس ممكن تقولي متى ناوي تروح وكم حاط لك ميزانية لليلة الوحده ؟؟؟

اهلا اختي سفريات والحمد لله على السلامة
انا من المتابعين لموضوعك عن الرحلة الي برشلونه والذي اتمنى أن يكتمل سريعا !!
انا افكر في السفر في شهر احرسطس !!
وحيث ان الجو سيكون حارا فلعل التجوال البحري بين برشلون وما يوركا يكون مفيدا !!
المشكلة لدي في السكن في باريس والمعيشة !!
فهل ما يقال عن غلاء البلد من وسائل مواصلات وسكن صحيح ؟

عجيب والله
تريد تعرف حقيقة الغلا في باريس ؟؟؟؟؟؟؟؟؟؟؟؟؟؟
تبى الصدق والا ولد عمه ؟؟؟؟
غاليه غاليه غاليه .... واليورو مرتفع ...... فكل شي صاير بأسعار خيالية
حبينا ننقل من فندق الى اخر والمسافه ين الفندقيين بالمشي ما تاخذ 3 دقايق .... بس لأنه عندنا شنط قلنا لابد من تاكسي نحمل فيه الشنط .....
تدري كم خذا علينا التاكسي ....؟؟؟؟
6يورو والمسافه لا تتجاوز كيلو ....
6في 5 = 80 ريال هذا وفي نفس المنطقه ........... وعلى فكرة عداد التاكسي ما يوقف اذا وقف التاكسي ... يعني لو تكون في مكان زحمه العداد يزيد والتكسي ما يتحرك وكله بتدفعه من جيبك
لين المطار أحسن تاكسي اللي ما يبالغ في الاسعار بياخذ منك 50 يورو ... 250 ريال .... واذا كان واحد طماع بيقولك على الشنط زياده 15 يورو ....يعني بسهولة عادي انك تصرف من المطار لين الفندق 400 ريال
بس أخويه انته تقدر تحاول انك تقتصد في باريس ....اذا ما كنت من النوع اللي يحبون يدلعون عمارهم مثلنا ...
استخدم المترو والباصات ..
لا تاكل من مطاعم في المناطق الغالية مثل الاوبرا والكونكورد و الشانزليزيه .....
لا تكثر من سيرة الاسواق والمشاري ....
أبحث عن السكن الرخيص ....
انته قولي كم ميزانيتك لليلة الوحده وفالك طيب بدور لك في برشلونة و باريس ....؟؟؟ شاطرة في الفنادق انا

والله مشكلة !!
يعني 800 ريال للتنقل من المطار الي باريس !!
ثم نواجه مشكلة السكن !! فهل سعر 200 ريال للشخص لليلة مناسب ؟؟
من خلال كلا مك اقنعتيني بفكرة !!
انا من الاصل كنت انوي التوجه والبقاء في برشلونه بدون التفكير في باريس ولكني قلت بما اني مسافر اليها فمن الغير مناسب المغادرة بدون رؤيت لو حتى ايفل !!
لذلك افكر في ان لاتزيد الرحلة الي بريس عن يومين !!
والبقاء في برشلونه ستة ايام ويومين في مايوركا !!
فهل اجد بنفس المبلغ السابق ؟؟
ثم كيف انتقل وبكم الي مايوركا !!
وهل فرق الغلاء كبير يعني هل برشلونه ارخص من باريس بكثير !!
عارف ان الاسئلة غير مرتبة وكثيرة ولكن من انتخا النشامى تناخوله ...

الله يحييك أخوي
هي تعتمد على شيئين
1- متى ناوين تروحون لأنه إذا انكم طالعين في الصيف روحوا ماربيا أما إذا أنكم طالعين قبل فلا تروحون ماربيا
2- هل فيكم حيل تنقل ولا لأ
لأنه إذا فيكم حيل تنقل وأنتم مجموعة شباب فممكن تروحون لبرشلونة 3 أيام وبعدها مايوركا يومين وبعدها ماربيا 5 أيام
واللي قد جرب رحلة في عشرة أيام بهذي الطريقة هو أخوي المنقلب وهو اللي بيعلمك هل هي رحلة متعبة أو لا
وبما أنكم شباب سووا الحجوزات من هناك عدا حجز برشلونة

عجيب والله
لا بد لك من زيارة باريس .... ما دام انك واصل ..... لأنه باريس هي أجمل مدينة و أقرب مدينة الى قلبي على الاطلاق ...
خاصة انك ما شفتها قبل ... يعني خل عزمك على باريس و لا تهون
بالنسبة ل سعر 200 للشخص .... عادي ممكن تلقى ...
بس خبرني انته اي شهر ناوي
لأنك كاتب.... انا افكر في السفر في شهر احرسطس
اسمحلي ..... كل التقاويم ما فيها شهر احرسطس ..... ممكن توضح لي هذا اي شهر ؟؟؟؟ وهل تقصد أغسطس ؟؟؟
وانشالله مايصير خاطرك الا طيب ....
اما فرق الغلا بين باريس و برشلونة .... اكثر شي في التكاسي الفرق .... يعني التكسي في برشلونة نص سعر التكسي في باريس .... السكن بعد في فرق ....
الاكل مب وايد فرق
بس انشالله ما تهون عن باريس وانا بطلع لك فنادق 3 نجوم في مناطق ممتازه باسعار ممتازه .....
الأخت سفريات

بارك الله فيك ياعزيزتي
نعم انا اقصد شهر اغسطس ولكن كما تعرفين انه شهر الحر !!
ولعل الرحلة تكون من 1 اغسطس الي 11 من نفس الشهر ..
وعلى فكرة ..
اتمنى لو تكلميني عن الفيزا وطريقتها
اخوي الشاب ..........
بالنسبة للتنقل بين برشلونه وماربيا وباريس ماهو افضل الطرق بالطائرة او القطار او ماذا ؟؟

كلها بالطائرة لأن المسافات بينها بعيدة وسعر الطيران الداخلي ماهو غالي وخاصة إذا سويت الحجز من بدري