1. Selamat sore


2. Apa kabar


3. ( اول من نزل من الطيارة لان وراك امم):bounce8:

بسم الله الرحمن الرحيم

Selamat sore

Apa kabar

الله لا يعيدك يا تسو نامي الله لا يعيده الله لا يعيده الله لا يعيده قولوا آمين كان بتروح علينا السفرة للعمة بعد الاتفاق مع الخوي على أي ديره بنسافر اتفقنا على العمة؟؟ العمة وغيرها الام المفروض تسمى العائلة واخيم يومين في المنتدى الي يهبل قص ولزق والله ما قصرتوا يالاعضاء الله يعطيكم العافية وقصينا التذاكر وفيزنا وبعدها بيومين جاكم تسونامي ما حد يعيقة وخر عن طريقة الله لا يعيدة وهبطت العزيمة 1% عندي اما الخوي جته ام الركب و...... وحنا بالرياض وحلفت امه انه ما يسافر خير شر حاولات معه ما نفع هذا تسونامي الرياض قال بنغير لمصر او المغرب قلت معصي لا بد من التغير قلت له وش رايك بأبها !!!!!! :112:
ولأنها الرحلة الأولى إلى العمة ووحداني ولعدم الإلمام باللغة الانجليزية والاندونيسية يعني الوضع يقول لا تروح لا تروح لا تروح الآن إني شددت حزامي وعزمت على وين يا مسافر مسافر للعمة بعد التوكل على الله وطارت الجارودا من الرياض إلى جاكرتا ويا زين الروحة ولا الرجعه فيه ناس تعرف لغتك !!!!!!!!
العفش شنطة ظهر زى شناط طلاب المدارس تقول رايح المدرسة بطيارة:icon_stud وأكثر ما فيها الورق الورق كله معلومات عن اندونيسيا من المنتدى الله يسلم الأعضاء والله ما قصروا0عند كل سفرة ما اخذ الا شنطة صغيرة فيها الحاجيات المهمة وغيار واحد من الملابس والشيء الدارج أذا كانت أول رحلة لك إلى دولها ما زرتها ومع مدح الشباب يعني ما فيه نوم اشتياق للعمة بسبب الأعضاء الحلوبين من الصوروالكتابات ويقولون سحابهم اخضر لازم نشوف بلاش نوم وتم الوصول بحمد الله ويا زين مطارهم كله ربيع وتعاملهم الممتاز وين البخشيش اللي يقولون عنه ظلموكم يالماسات وبعد النزول من الطيارة ما هي ألا خمس دقايق

( اول من نزل من الطيارة لان وراك امم):bounce8:

ألا أنا عند مكتب كاها واحجز بقولدن وطلعت للمواقف واخذ تاكسي بلو ببرد شارط عليهم الشوفير شايب وأعطيه العنوان والشايب خالف التوقعات سرعة جنونية وتجاوزات يعني خياطه وأمد يديني واشر له شوي شوي اقل من أربعين وبالثالث من أولها تمشية من المطار إلى الفندق ويا زين طريق مطارهم ولا المطار الصحراوي الخضرة والمياه شمال ويمين خففت من التوتر شوي وبعد الوصول إلى فندق قولدن وأعطي الشايب خمسين ريال وما عرف كم تساوي بالروبية شاور الشيال وشافوا الصورة وأعجبتهم 0 قولدن ما يسوى قديم والغرف باهته والأثاث قديم النوافذ ستايرها خشب ما تنسحب الا بالقوة تقول باب خزنة وأحط الشنطة ما فيه نوم وعلى طول إلى منقا دوا واصرف روبية واطلع شريحة جوال واشتري شنطة وأترسها ملابس ما جبت معي من الرياض ألا أوراق وارجع إلى قولدن المغبر ونسوي مساج ياهوه معاناه شكل الولدة الله يجزاها خير تراكتني بالمهاد سنين:icon_smur ونومه حتى المساء ثم جولة بالفندق أحلو بالليل :11sted_coونمر بالمطعم ونطلب أكلهم ساتي أيام ونانسي قورنق والله حلو بالمرة وأصبحنا على خير واتصل على خليل عايش ونعم الرجل ويرسل سواق محترم يتكلم عربي وهذا الأهم وعلى طول للجبل جاكرتا زحمه وازعاج وتلوث (احد الأعضاء يحب ريح الديزل من هو ) سبحان الله على الطبيعة هذا وأنا على طريق الجبل وبعد الوصول السكن بمجمع جياكرتا حلو وقريب من السنتر وجلست بالجبل 16 يوم مع الضباب والمطر شيء ما يحصلش عندنا وكان ودي نركب برشوت الا كان الضباب عائقا واغير السكن سكنت بقولف التغير حلو ثم غيرت السكن سكنت بفله خاصة دوريين من إني لوحدي وثم نزلت إلى باندوق وعلى الطريق نهر غاية الروعة والتسدح حوله لابد من تصويره( صورته تحت) نصيحة عامة عدم الذهاب لباندوق أيام العطل زحمه زحمة سكن و مواصلات ونمر البركان واغطس رجليني( اكرمكم الله ) حتى جهز الغدا والغدا بيض شيء والله( صورته تحت) و نمر المياه الحارة ساعتين بالموية انسلخ جلدي بس غاية في الروعة وامدد رحلة العودة على إيش مستعجل وارجع إلى الجبل يا سعد حظ من سكن بالجبل مدى الحياة شيء خيالي وارجع إلى جاكرتا لاقتراب موعد العودة إلى الرياض السكن بالأتريوم حلو وموقع مميز لازم يغير اثاثه ونمر على شاطئ انشول عادي أحسن ما فيه الجلوس على الشاطئ عند الشروق والغروب وعند الجلوس على الشاطئ قررت التمديد مرة أخرى على ايش حريص على الرجعة !!!!!!
ونغير الاتريوم ونسكن اوسيس أمير والله التغير حلو ومفيد أحس أني طولت بالسرد مع أني مختصره
أعجبني فيها شعبها لطيف ودود وخدوم ويا زين طرارتهم يطرون بأدب وسلوك مهذب مو زي اللي انتم خابرين غصب نعطيهم !!!!!!!!
1يوم ما أكلت في مطعم عربي إلا مرة واحدة في حضر موت و لا يسوى انصدمت يوم شفت المطاعم العربية على بالي زي المطاعم اللي عندنا طلعت ما تسوى لا من ناحية النظافة ولا الأكل .
فيه بنشر مقابل اوسيس أمير اذا هبط الليل انقلب مطعم سمك ودجاج مشوي قدام العين ما ينسي الله يعيده
من ناحية المواصلات في أوقات الذروة مالك ألا دباب مع أني 21 يوم ولا شفت حادث عساه دوم
اما الأسواق ما فيه زي سوق منقادا دوا وسوق كري فور
وإليكم الصور المتواضعة التي تم تصويرها عن طريق الجوال وسامحونا على القصور لأنها أول مرة اكتب وأول مرة بالمنتدى .
Sampai ketemu
بحيرة الألوان وصادف ذهابي اليها ضباب وأمطار
صورة من الجبل
دوار من الزهور في حديقة الزهور
صورة من حديقة الزهور
دهاليز حديقة الزهور
صورة جامعه لنورس وغزال من سفاري
قمة الجبل
الشلال الكبير
فله مجمع قولف نمط سكن غير مألوف لدينا
الفله الخاصة مع الشغالة والحارس 200 ألف
حديقة الفله
هذه الدوريين تحداني الشوفير على أكلها ولا عاقت بسبب رائحتها
منظر عام للمنطقة المحيطة بالبركان
صورة للبركان من الاعلى
البيض وجبة الغداء
النهر على طريق باندوق
من إعجابي بالأكل الاندونيسي والبساطة تم التقاط هذه الصورة
شباب من الوطن وعدتهم بالصورة بتكون على الموقع
صورة من اوسيس امير لشقق اللسون
صورتين لشاطىء انشول