- والله يا حبايبي اني اعرف واحدانسرق جوازه وتذكرته هناك
- وبا لتحديد في سوكا بومي ( انتبهوا منها)
- المهم
- هنا بداية المطاريس
والله يا حبايبي اني اعرف واحدانسرق جوازه وتذكرته هناك
وبا لتحديد في سوكا بومي ( انتبهوا منها)
السالفة ان الرجال عزم له اثنين واحد قال له انه تونسي والثاني قال يماني(لاحد يطق على صدره ويقلط خلق الله) المهم جاب لهم عصير او شاهي ودخل لدورة المياة ورجع ويقول شربت شوي من العصير وبعدها جاني النوم المهم استاذن منهم ودخل وقفل الباب على نفسه ونام يقول : قمت الصبح لقيت الشنط من نوع سمسونايت شاقينها بسكين وما خذين اللي فيها كله من فلوس والجواز والتذكره وكل شي ما خلو له شي ابد
المهم
هنا بداية المطاريس
راح للسفارة قالوا له راح للشرطة وجب محضر تبليغ وراح للشرطة وبعد اخذ وعطى معهم ولازم برضه تدفع للشرطة بس مادري وشو حقه المهم فيه دفع (ياخي لو تدخل دورة المياه هناك قالوا لك ادفع) وجاب المطلوب والسفارة الله لا يجزاهم خير بما انة مسجل جوازة (لو ما سجله كان علوم انتبهوا للنقطه هذي)ويمرمطونه 4 ايام بين روحة ورجعة ويحولونه على الجوازات الاندونيسيه (يازين جوازاتنا عندهم) اوه عاد الجوازات ما فيه احد ما يشوفه الا ياخذ لة اقل شي خمسين الف عشان يفتح فمه ويدله على المكاتب مع العلم ان معه اندونوسي يقول اعرفة من اكثر من 10 سنوات ، واكثر البلاوي ما تجي الا من خويه الاندنوسي (اصله حضرمي) وجايبه مستفزع به عشان يترجم له.
ومن يد نشيط للي انشط منه المهم طلبوا منه التذكر ة ويشتري التذكره ويواعده واحد حرامي من الجوازات في المطار بعد اسبوع او اكثر (يعني 8 او 9 ايام)، بعد ما خذ له 3 او 4 ايام في الجوازات ، ويجي اليوم الموعود وهو ينتظره بفارغ الصبر يبي يرجع لاهله وعياله (واحفاده) ما ودة يجلس في الدير ة ولا ساعة ويروح للمطار من الصبح وينتظر وينتظر ألى ان جاء حرامي عفواً موظف الجوازات
والله ويبدأ الرجال ياخذ ويعطي معة الا ان وصلوا لاتفاق انة يعطيه الجواز ويخليه يمر عن طريق الجوازات الى ثلاثه مليون ، دخل معة الموظف الى ان وصل للصاله ومشى خوينا بعد معاناة تصل إلى اسبوعين ، ووالله ان السفارة ما نفعوة ولا بريال بس ان الرجال حاسب حسابه لليوم الاسود وحاط في السفتي بوكس مبلغ جيد للحالات الطارئه.
انا اعرف ان القصه طويله بس والله ان الشخص الذي كان يقولها لي ونحن عائدين من جاكرتا ولحسن حظي انه جلس بجواري ، واخبرني عن معاناته
واحببت ان اذكر لكم هذة القصة لكي ينتبه الناس وان يهتموا اكثر بجوازات سفرهم .
والله الحافظ،،،،،،
وشكراً
قدر الله وما شاء فعل .