الكااااس
17-03-2022 - 05:44 pm
السلام عليكم ورحمة الله وبركاته
اشحالكم عساكم بخير؟
اولا ودي بس اشكر مؤسسي واداريي ومراقبي وأعضاء هذا الموقع الجميل على ما يقدموه من مواضيع تساهم في الحصول على كل ما هو مفيد لقضاء أجمل رحلات السفر وتيسيرها علينا من خلال طرح تجاربهم وآرائهم
ان شاء الله اخوكم مقبل على الزواج في شهر 7 ميلادي, وبما اني ما احب السفر ابدا كانت الخطة الاصلية قضاء شهر العسل في الامارات, بس نفس ما تعرفون الجو في الصيف ما يساعد ابدا ابدا , فتوكلت على الله وقررت السفر الى احدى الدول الاوروبية, وخلال البحث عن معلومات دخلت الى هذا الموقع الرائع ووصلت للي ابيه, ولكني تفاجأت بجمال دولة في آسيا وهي ماليزيا , وهنا فكرت لعدة ايام وغيرت رأيي في السفرة وقررت التحويل الى ماليزيا. وبعد قراءتي لبعض التقارير والتي كانت واضحة جدا رسمت مخطط مبدئي للرحلة وارجوا مشاركتي بآرائكم واقتراحاتكم
طبعا الرحله 11 يوم و ب 10 ليال, لظروف ما اقدر ازيد الايام للاسف, من تاريخ 3/7 الي تاريخ 14/7 ان شاء الله
الرحلة راح تكون على طيران الامارات تاريخ 3/7 الساعه 10:30 صباحا والوصول الى مطار كوالاميور الساعة 9:30 مساء
طبعا الجدول مبين تحت بالترتيب
سلانجور ليلتين
لنكاوي 3 ليال
الكاميرون ليلتين
كوالامبور4 ايام
والله كلفت على عمررك خ
يابوي وليه ماتخليها شهر وتقرى التقارير خ بس ماعليه بنعديها لك لانك عريس طازه
اقول لك لازم تزود المده شوي .. الليالي مرره ..
ماقلت لنا ميزانيتك للفنادق
عموماً
سيلانقور صن واي لاقون
لنكاوي بيلانجي بيتش اكواخ او ويستن .. فندق راقي لكن غالي
الكاميرون دي لافرينس جناح
كوالالمبور ميلينيوم او رويال شولان
الاسواق :/ شارع العرب .. تايمز سكوير. . بي بي بلازا وسونغ وينغ . السوق الصيني . سوقو
المجمعات الغاليه مثل سوريا وبافليون .
التكاسي مثل النمل لاتتقيد برقم معين لان اللي لاحظته الارقام الموزعه بالنت سواقينه يستغلون الناس بالسعرر ويرفعونه فوق
فلذلك خذ تكاسي من هناك بس قل للفندق ابي تاكسي او وقف عند الباب بتلقاهم قدامك وعليك بالمكاسر
ام
الهدايا تلقاها بكل مكان على حسب ذوقك . وش تبي
مواقع للحجز مثل بوكينج واسيا ترافل وكثيره
الطيران ماليزي واسيا اير الاقتصادي لازم تراعي نقطة الوزن عند الحجز فيه
من كوالالمبور للكاميرون تاكسي من المطار .. وكل ماقلت فخامة السياره قل السعر والعكس.