بنت الخليج 000
وعليكم السلام يا اختي
اول شي لازم نعرف جم مدة الرحلة والميزانية ومتي السفر اي شهر
عشان نحدد لكم المناطق والفنادق
ونبدي معاكم خطوة بخطوة اوكي يا اختي
وهذا الرابط فيه كل شي يفيدك
https://artravelers.com"5">
اخوكم :- عبدالله الكويتي
bigbin609

هلا اختي ،،
تايلند ما يبي لها شرح وتعقيد للامور ،، بلد يسهل السفر لها والتنقل فيها ،،
تابعي تقارير الاعضاء وراح تستفيدين كثير ،،
واذا تبين نرتب لج الرحلة كاملة عطينا تفاصيل اكثر مثل:
1-مدة الرحلة وتاريخ الذهاب والعودة
2-ميزانية السفر
3-ميزانية السكن بالفندق لليلة الواحدة
وبإذن الله راح نرتب لج الرحلة شاملة المناطق والفنادق اللي ننصح فيها والطيران الداخلي واماكن التسوق والرحلات الترفيهية طوال السفرة.
كله ببلاش خ

هلا اخوي احتمال تكون السفره بشهر 6 ان شاء الله وما احاول اقعد اكثر من اسبوع لان الميزانية ما تكفي
واتمنى الفنادق ما تكون غاليه يعني كل شي يكون بسعر معقول لو ما عليكم امر

بنت الخليج 000
4 ليالي بوكت فندق تارا بيتش
3 ليالي بانكوك فندق لاندمارك او ماجستيك

هلا اختي سفرتج بنفس الشهر اللي بروح فيه لغرض شهر العسل بعد خ ،،
ترا تايلند مو غالية وهي ارخص من سفراتج لدول الخليج والعربية ،، انتي ما ذكرتي لي تواريخ محددة ولا الميزانية حتى انضم لج السفرة ضروري تعطيني جم الميزانية كاملة وجم حاطين للسكن في الليلة مثلا تبون فندق ب 20 او 30 اواقل .. وطبعا ابي الميزانية الصافية من غير احتساب سعر تذاكر السفر حتى تسهلين الموضوع ..
على العموم دام سفرتج تبيها اسبوع ولو اني اشوفها ما تكفي لشهر العسل لكن التقسيم بيكون:
4 ايام بوكيت للوناسة والرحلات والاستجمام
3 ايام بانكوك للوناسة والتسوق

الفنادق اللي ذكرخا الاخ العزيز بيق بين يمكن تكون غالية عليج اختي وخاصة اللي ببانكوك لان اللاندمارك والماجستيك جراند الليلة ما تقبل عن 40 دينار ..
لذا عطينا المطلوب واللي ذكرته لج بردي الاخير

اخوي تاريخ السفر ما حددته للحين
بس انه احب اعرف اكثر عن المناطق والفنادق والاسعار اهم شي ما تكون غاليه انه ودي اقعد اسبوعين بس انه باخلي السفرة اسبوع لان الميزانية كلش ما تكفي
وثاني شي اسعار الفنادق يا ليت انها ما اتكون غاليه وي حدود العشرينات اذا كلش كلش ثلاثينات بس يفضل الارخص ما يهمني يكون الفندق واو بس اهم شي نظيف

من ناحية الفنادق لا تحاتين امرهم سهل وبنعطيج افضل الفنادق والمناطق بنقولج وين تروحين وشتسوين، بس بعد ما حطيتي لنا الميزانية جم ؟؟؟
بدون الميزانية ما نقدر نرتب سفرتج ؟ وثاني شي يمكن ميزانيتج تكفي اكثر من اسبوع بس لو تحديدين لنا جم المبلغ علشان نعرف وحطي المبلغ بدون ما تحسبين تذاكر السفر
بعطيج امثلة شهر عسل لمدة اسبوع بميزانية مقترحة :
تكاليف السكن لمدة اسبوع : 220 دينار ( بمعدل 30 دينار لكل ليلة وطبعا بتلقين ارخص وزيدنا 10 دينار للاحتياط )
طيران داخلي لشخصين: تقريبا 60 دينار
تكاليف التنقل بالتاكسي طوال الرحلة : 150 دينار (( والمبلغ ممكن يطلع اقل بوايد بس للاحتياط وضعنا هالمبلغ ))
تكاليف الرحلات السياحية للجزر والحدايق طوال الرحلة : 250 دينار (( والمبلغ ممكن يكون اقل من المذكور بس الاحتياط واجب ))
نثريات للمطاعم والمشتريات والهدايا : 320 دينار
المجموع للبرنامج 1000 دينار من غير تذاكر السفر الدولية.

1. تستاهلون انكم تعيشون احلى ايام فيها والله

بنت الخليج 000
اولا مبروك الزواج يا بنت الجيران
ثانيا حبيبتي ويايد مهوله الموضوع ومصعبته يا عمري
السفر الى تايلاند مافي اسهل منه واخف منه
اتركي عنج الخوف والرهبه والصعوبه
ابد بلاد كله حريه وذوق واحترام للسائح طبعا
بلد شنو ماتبين فيه عندهم حر مطر صيف ربيع خريف رطوبه شتاء خفيف
ماعدى اللي خبرج خبري واللي ذابحنا الغبار اللي مكدس بس عندنا الحمدلله والشكر
بلد متنوع من مستويات الفنادق من نجمه الى 6 نجوم ومطاعم متنوعه من عربي وشرقي وخليجي وبحري وبري
وكل شي يا قلبي اهم شي البطن
الرحلات متنوعه وكثيره بتكاليف مختلفه اللي يريحج عندج فلوس راهيه وايد وقاعده على جبدج صرفيها على الرحلات يا عمري رحلاتهم وحده احلى من الثانيه
طبعا الرحلات مختلفه بحر جزر العاب سينما رمايه عرض شو فلكلوري الذهاب الى المعابد
حدائق وعروض بعدد فيها
عندهم منتجعات جميله وراقيه دام انكم معاريس جدد تدلعي على زوجج يا قلبي وحجزي منتجع 3 ايام او 2 اذا رحلتكم طويله

تستاهلون انكم تعيشون احلى ايام فيها والله

طبعا في بعض او اقلب الفنادق الفطور على الفندق والغداء والعشاء عليكم يا اختي عاد انتي لكي حريه الاختيار مره بحري مره شرقي مره ياباني مره كيفج اللي يريحج يا عمري
والتنقل للرحلات والسوق المطاعم والى اخره بالتكاسي والقطار والطائرات اقصد الطائرات لامكان بعيده مثل الذهاب الى بوكت او شنق ماي وعندهم ولازم تجربينه هذا دام معاريس جدد دلعي زوجج فيه الا وهو التوكتك فاجايه فيه واطلبه ل تجربه جميله وتستاهل انج تهدينها لزوجج يا قلبي
واخيرا التسوق عديل الروح اتركيه في اخر ايام الرحله ياقلبي حتى لا يتذمر المعرس ويقول شهالعروس الطفقانه على السوق خليج طيبه من بداية الرحله الى قرب نهايتها بعدها اكشفي عن انيابك والحقي الى المجمعات واصرفي واشتري على كيف كيفج
حبيبتي صرف وتحويل الفلوس متوفر هناك وبكل مكان
وشكرا لج على القرائه وطولت البال
اختك الصغيره ليمونة حزينة الكويتيه