شدعوه يااخوان مافيه احد يساعدني؟؟

لا تستعجل إن شالله يردون عليك الأخوان اللي سافروا تايلند.. قول ان شاء الله ..

السلام عليكم
ومبروك مقدماً
انا ممكن أفيدك عن تايلند فقط أما المالديف ماعندي فكرة عنها بس إحتمال تلاقي معلومات عن المالديف في هذه البوابة https://artravelers.com
بخصوص السياحة في تايلند انصحك بزيارة ( شنغماي وبوكت وبانكوك )
شنغماي يكفيها 3 ليالي
وبوكت يكفيها 4 ليالي
و بانكوك حدها 3 ليالي
المجموع صار 10 ليالي
بالنسبة للفنادق
ما حددت فئة الفنادق اللي تبي تسكنها هل هي 5* أو 4* أو 3*
عموماً هذا موقع يحتوي على مجموعة كبيرة من الفنادق موجوده في Phuket
في منطقة Patong Beach
http://phuket-hotelguide.com/hotels/Thailand/Phuket/Patong%20Beach/index.htm?OVU
بخصوص شنغماي للأسف ما رحت لها
تحياتي

مشكوره اختي بنت البحرين على مرورك وردك
بالنسبة للفنادق انا حاط ميزانيه 100 دولار لليله الوحده فأنتي حددي وش اسكن يعني كم نجمه؟؟
وبالنسبة للحجاب هناك هل فيه مشكله لزوجتي؟؟
وكذلك بالنسبة للفلوس هل اخذ كاش والا بالفيزاوالا شيكات سياحيه؟؟
شاكر لكي مساعدتك..

1. 2- ابي اسماء فنادق حلوه ونظيفه وكم اسعارها ؟


2. ج 4 : ماعندي علم يالغالي .

مرحبا اخوي خالد 15
والف الف مبروك
الله يهنيكم ويسعدكم ..
إجابة على استفساراتك .. كالآتي ::.
1- بالنسبة للحجاب للحرمه هل هو عادي او فيه مشاكل؟؟
ج 1 : عادي جداً وخذ راحتك .. واذا تبغاها تتغشى ( تغطي وجها ) بعد عادي .

2- ابي اسماء فنادق حلوه ونظيفه وكم اسعارها ؟

ج 2 : 1 : فندق ( باتوموان برينسيس هوتيل ) منطقة سيام وف قلب افضل مجمع في بانكوك ( ام ب ك ) .. وسعره للغرفه العاديه ( سوبريير ) تقريبا 300 ريال ، انصحك فيه وبشده خصوصا انكم عرسان وابغي ابعد عنكم احتياجكم للتاكسي .
3- كم اسعار التذاكر وعلى اي خطوط ؟
ج 3 : حسب علمي القطرية عن طريق احدى مطارات السعودية مثل الدمام ب : 2500 ريال
4- هل فيه خط طيران يروح لتايلاند ثم يروح للمالديف؟

ج 4 : ماعندي علم يالغالي .

5- كم تقريبا بتكلف الرحلة 12 يوم تايلاند + 3 ايام للمالديف ؟ (سعر تقريبي شامل التذاكر والاقامه والاكل ومصاريف اخرى )
ج 5 : بالنسبة للمالديف حسب معلوماتي انها غاليه ، راح اجاوبك على تايلاند .. دائماً تكون التكلفة عزيزي على حسب طريقتكم في صرف المبالغ .. اذا كنتوا راح تعتمدون على الاكل والشرب من الفندق دائماً راح يكلفك مبلغ كبير ، اذا كنت راح تستخدم سيارة خاصة من الفندق للتنقل راح تكلفك ... اذا كنتوا راح تتسوقون من مجمعات الماركات الأصلية مثل ( جاي سورن ) راح تكلفك الرحلة مبالغ كبيره وكانك مسافر اروبا .
اما اذا العكس وهو توخي الحذر و عدم الصرف فيما لا تحتاج له فانصحك ان تاخذ معك 2000 دولار وراح تكفيك باذن الله تعالى .
وانا حاضر لأي سؤال او اي معلومه تجهلها عن تايلاند ..
اخوك آل باتشينو

الله يعطيك العافيه اخوي ال باتشينو على ردك وعلى هالمعلومات ..
وفيت وكفيت وماقصرت انت وباقي الاخوان والاخوات اللي ردوا

السلام عليكم
0دولار سعر ممتاز جدا وراح تلاقي فنادق 5 * بهذا السعر
بخصوص الحجاب عادي مثل ما قال اخوي الباشينو خل تاخذ راحتها وشي عادي
الفندق اللي اشار اليه الاخ الباشينو اللي في بانكوك ممتاز وملاصق لأفضل سوق في بانكوك وهو mbk
اما في بوكت فيه فندق الهوليدي ان ممتاز وفي منطقة الباتونج بيش بس اعتقد فيه مبني جديد ومبنى قديم اختار الجديد منهم.
بخصوص الصرف
اعتقد افضل لك الدولارات
احنا ودينا دولارات و ترفل شيك
مشكلة الترفل شيك لهم اجراءات معقدة شوي مثل لازم يطلبون جواز سفرك
يعني لو احتجت وانت بالسوق حط في بالك ان جواز سفرك لازم يكون بجيبك
وبعدين ياخذون على ما اعتقد مبلغ معين عند صرف اي شيك سياحي
0دولار ميزانية للسفر
راح تكفيك ان شاء الله

1. تفضل البرنامج وان شاء الله ترتاح


2. وبعدين توصل بانكوك وانت امريح قبلها بليله في الجزيره في السمويه قصدي


3. لو جاك اي احد يعرض عليك الماس وايقولك شوف شوف شوف ولاكانك اتشوفه


4. وسعر صرف ال 100 دولار هو 4200 بات يعني بتحس بالرخص


5. وبخصوص المطاعم بتحصلها قريبه من فندقك واسعارها مناسبه جدا

khalid15
اسف للتاخير في الرد والله اني مشغول على قولتهم على قدم وساق وارجوا ان تعذرني في عدم الرد السريع
مقدر اشوف احد محتاج وانا عندي واقصر ما اني مار مرور سرع
خذ البرنامج الي انشالله بيخليك تستانس في شهر العسل الله يجعله عليك شهر عسل ماينتهي
تقريبا رحلتك بتكون 15 يوم الى 20 يوم وهذا الوقت ممتاز لشهر العسل
اولا بخصوص الارشادات عن تايلند فهي موجوده عندك والصور وكل شي عن المجمعات التجاريه كلها موجوده في المنتدى ((((لعلمك بانه شهر العسل بزواجي كان في تايلند

تفضل البرنامج وان شاء الله ترتاح

اول يوم وصولتاخذ مرسيدس من المطار الى فندق جي دبليو ماريوت اتريح من طول الطريق وافضل الحجز المبكر من بلادك او من اهناك تقريبا من 100 الى 120 دولار بس تاكد انه فندق راح ترتاح فيه الى ابعد ماتتصور واتمنه انك اتبلغ مكتب الحجز انه يذكرلك في الرساله المرسله لحجز الفندق بانك ستسكن بالفندق ليله وانت بشهر العسل
الذها ب للمطار بعد ما تقوم من النوم وطبعا براحتك يعني لو قلنه بتقوم الساعه 12 الظهر تعمل شيك اوت
وتطلب سياره اجره وعلى المطار بتقول الحين بل بل بل بدون حجز بقولك ايه عادي بتحصل حجز وانت تضحك بعد
اتقول حق صاحب التكسي ودني المطار وقوله الطيران التايلندي الداخلي
او ماتوصل المطار خذلك جاري لحمل الشناط يعني هلب يور سلف بيجونك مندوبين شغالين في المطار
الي تابعين حق شركات السياحه سو نفسك انك خبره في البلاد او اذا قالك هاي قوله هاي وكانك ماتشوفه
ادخل المطار وعلى يدك اليمين بتحصل كونتر خاص لاصدار التذاكر الداخليه احجز كلاتي
4 ليالي بوكيت و 3 ليالي سمويه يعني فرضنا فرضا تاريخ 1 بوكيت لمده 4 ليالي وبعدين الذهاب من مطار بوكيت الى سمويه بتاريخ 5 ومن مطار سمويه تاريخ 9 الى بانكوك التذكره بتطلع عليك ارخص لانك حاجز لوجهتين

وبعدين توصل بانكوك وانت امريح قبلها بليله في الجزيره في السمويه قصدي

واول ماتوصل مطار بانكوك بتنزل المطار الداخلي وتحجز كلاتي 3 ليالي شنغ ماي ومن مطار شنغ ماي الى مطار شنغ لاي الى بانكوك واتخلي اخر يومين السكن في نفس الفندق الي سكنت فيه اول ماوصلت الي هو جي دبليو ماريوت
الحين بنجي على اسامي الفنادق يامعرس
الفندق الي بتتعامل معاه في بانكوك فقط هو فندق جي دبليو ماريوت
في بوكيت اول ماتوصل تاخذ تكسي وتقوله باتونج بيتش وهو شاطئ اسمه باتونج واتقوله فندق
هوريزون وهذا رابط بنت البحرين الله ايخليها لمجهودها الرائع بتحصل الصور الخاصه للجزيره والغرف في نفس الفندق https://artravelers.com
وهذا بعد فندق ثاني https://artravelers.com وانت وراحتك شوف الفنادق في الجزيره وايد حلوه بتعجبك
وانت براحتك في الجزيره عندك المناطق الحلوه كلها موجوده في الرابط الي حطيته لك
بعد ال 4 ايام واذا تبي اتمدد في بوكيت لانها تستاهل فانا انصحك بذلك
وعقب ماتخلص من بوكيت تركب الطياره على جزيره سمويه على نفس الحجز الي عندك في التذكره
يعني مافي الغاء للتذكره من عندهم وتقدر اتغير براحتك
بخصوص الفنادق في السمويه حدث ولاحرج اسعار حلوه فنادق نظيفه وماراح اتضيع في اي شي اهناك لقرب الفنادق من بعضها يعني بخليلك الاختيار لك في اخيار الفندق بتقول صعبه بقولك خلاص انت خبره
الحين جاتك من بوكيت ولتعم الفائده يوجد فندق جميل في سمويه اسمه اماري واتر جيت
بس انا ابغيك انت اتشوف براحتك لانك بتروح شهر العسل الي انت تتمناه
بعد ماتخلص من السمويه وترجع بانكوك وتتجه الى شنغ ماي وشنغ لاي بتحصل فنادق وايد حلوه في المنطقتين طبعا الحجز بيكون شنغ ماي 3 ايام وبعدين شنغ لاي 3 ايام وبعدين عوده لبانكوك
وتقدر اتمدد اهناك براحتك
نصائح لك خاصه وللقارئ عامه
لاتشيل معاك الي المبلغ الي تحتاجه
انصحك بالدولار وطريقة الصرف وانت خارج الفندق وايد صرافين مكاتبهم على الشارع وهي واضحه واسئل والف واحد راح ايدلك

لو جاك اي احد يعرض عليك الماس وايقولك شوف شوف شوف ولاكانك اتشوفه

ولا انصحك تشتري هدايه من اي مكان في الجزر لانه اسعارهم اشوي غاليه عن بانكوك يعني خل المشتريات اخر ايام انتهاء رحلتك من بانكوك يعني اخر 4 ايام وبتحصل في هذا الرابط اسماء الاسواق في بانكوك https://artravelers.com
الاماكن الهامه في جزيره بوكيت والي انا اعتقد بل ااؤكد بانك لو رحت بوكيت ومارحت لها كانت مارحت بوكيت وهي الفنتازيا وجزيرة بيبي ايلاند وبخصوص طريقة الحجز والاسعار ماراح اتحصل احلى ولا احسن من الحجز من داخل فندق هوريزون بتحصل مكتب حجوزات للمناطق السياحيه داخل بوكيت
ومكتبهم ملاصق للرسبشن بنفس الفندق
الاخ الغالي لا تستحي ولا اتخاف من اي شي الفلوس افلوسك يعني كاسر في الاسعار عادي
سواء في فنادق او في اسواق لا اتخليهم يلعبون عليك بالعربي
الرحلات الداخليه لو نويت انك تطلع مع زوجتك داخل بوكيت المشاوير ماتتعدى 800 بات اذا ماكانت 500 بات بلاضافه مع انتظار التكسي لك لا تنسى انه السعر شامل انتظار التكسي لك
وقوله روحه ورده يعني
بخصوص الاماكن السياحيه في باقي الاماكن الي ذكرتها لك اكتشفها انت لانها سهله جدا

وسعر صرف ال 100 دولار هو 4200 بات يعني بتحس بالرخص

وبخصوص المطاعم بتحصلها قريبه من فندقك واسعارها مناسبه جدا

مدري اقولك نظامها والى اخليها لك مفاجئه يله بقطع عليك نصها واكتشف نصها الوجبات الي في المطاعم الي على الشاطئ القريب من الفندق عباره عن احواض كثيره امام المطاعم بها كل انواع السمك والروبيان وبتشوفه حي وانت تختار ابنفسك وتختار طريقة الطهي تبيه بفلفل او مقلي او مشوي انت وراحتك وكثر من السي فود لانه لذيذ جدا
بخصوص المالديف ما انصحك لانها غاليه والي بتشوفه اهناك ما اعتقد انه احلى من بوكيت لانك بتكون مرتبط بمواعيد معينه لاني الي سمعته انه مافي مكان الواحد يروح له بعد الساعه 10 مساء اما بوكيت 24 ساعه بتحصل كل شي متوفر
وبخصوص الحجاب عادي جدا جدا جدا مافي اي شي ولاتنسى انك بتكون في بوكيت وبوكيت فيها نسبه عاليه من المسلمين
واي سؤال انا حاضر لك ولاي احد من الاخوان خبره يالغالي 14 سفره الى تايلند مابين الشهر والشهرين
مع الاهل لا اتحاتي

الف الف شكر بصراحه وفيتوا وكفيتوا الله يعطيكم العافيه
لكن استفسار اخير لو سمحتوا؟؟ فيه واحد من الزملاء يقول لي ان هالايام في تايلاند فيه مرض منتشر بس مدري وش يصير؟؟ صحيح هالكلام والالا؟؟ وكذلك يقولون انهم يضايقون المسلمين في هالفتره؟؟
مدري هالكلام صحيح والا اتوكل على الله واسافر؟؟؟