حياك الله اخوي وبالتوفيق ان شاءالله والف مبروك مقدماً ...
اخوي والله تايلند ما اعتقد حلوه حق شهر العسل واذا تبي ديره لشهر العسل وبنفس الوقت موب غاليه شوفلك ماليزيا طبعاً الكل رايح لماليزيا بس تستاهل والله ..
وهذا من رأيي

مرحبا
اخوي مغادر العزوبيه نعم تايلند تصلح لشهر العسل لان فيها الاماكن السياحيه و المناظر الطبيعيه و الرحلات الممتعه مثل الرحلات البحريه و رحلات السفاري و الجزر المتعدده مثل krabi هذي الجزيره تصلح لشهر العسل مناظر طبيعيه في قمة الروعه من البحر و من البر و المنتجعات و الاسعار معقوله

شكراً أخي ياماس على الرد و الله يبارك فيك ....
بس سؤال ليه تايلاند ما تصلح لشهر العسل ....
أنا من جد أفكر في زيارة اندونيسيا، تايلاند و ماليزيا خلال 25 يوم .....
وش رايك؟؟؟؟؟؟؟؟؟؟

أخوي ولد أحمد ... أشكرك على الرد .... وما رأيك في الفكرة السابقة ... مع أني لم أزر شرق آسيا من قبل!!!
أرجو المساعدة

والله شوفي اخوي ... الأخ ولد احمد بحكم رحلاته الكثيره لتايلند راح يكون اخبر مني بكل تأكيد ..
لكن انا قلت اللي قلته بحكم انه شهر عسل موب اي شهر يعني فيه الأستقرارية والرومانسية ... موب شهر سياحة يعني لسى ما أخذتو على بعض يبيلكم مكان فيه هدوئ أكثر من يكون فيه صخب ... تايلند يبيلها حركه ويبيلها موانه بين بعض موب كل واحد يستحي من الثاني ومتى يآخذ على الوضع ...
اخوي شهر عسل وبتدور كل هذه الدول صعبه شوي والسبب ...
ماليزيا يبيلها سفره بروحها وكذا الحال اندونيسيا وتايلند ... لان كل دولة لها طابعها الخاص وكل مدينة في كل دولة لها ميزتها الجميلة ...
فمثلاً تايلند فهناك بوكيت وشانق ماي وغيرها .. ماليزيا كوالا - لنكاوي - بينانق - جينتنق - الكاميرون .... اندونيسيا جاكرتا - باندونق - بالي - بونتشاك ...
بامل انك فهمت المقصد وتراني خبرتي سفره وحده وموب شي في تايلند ومعنا اخوه ماشاءالله خبرتهم كبيره وكبيره جداً ,,,
لكن قلت اللي قلته كرأي
تحية وتقدير

اخوي مغادر العزوبيه كلام اخونا ya-mas صحيح بحكم لم تخذو على بعض بس الرحله لابد و ان يكون فيها شي من الفكاهه و المتعه واذا الواحد بيكون يالس في المنتجع او الفندق وكله سوالف ورومنسيه الواحد 3الى4 ايام اشوى اشوى بيمل ولو يكون يتمشون على البحر او اي مكان لا بد من الرحلات بس يجب ان تنسق الرحلات بين الرحله البسيطه و الرحله الثقيله مثل الرحله الي من الصباح الى المغرب يعني يبغيلك يوم ترجع من الرحله البسيطه وترتاح من تعب الرحله قبل المغرب تعمل جو رومنسي الى ........ ؟واذا بغيت الجزر اتراه الجزيره الي قلتلك اياها ما فيها عرب انا ماشفت ولا عربي في هذي الجزيره كلاها اجانب اوروبين و اذا انته حاب انك اتروح بوكت لا تروح بتنج بيتش لانه زحمه اختار مكان غير و اجر سياره لان التكسي غالي اشوى وما ابغي اطيل عليك والا اذا بتكلم ما بنخلص عن تايلند وال........

ياهلا بمغادر العزوبية
إن شاء الله كلنا وراك بنغادر العزوبية (( بس قول آمين ))
اخوي تايلاند بلد فيها كل مايخطر على بالك من طبيعة خلابة واسعار متواضعة ..
وشهر العسل يحتاج لفنادق عالية المستوى + مناطق سياحية طبيعية خلابة ( شواطئ رائعة نظيفة + جبال خضراء + مدينة الزهور + شلالات طبيعية خلابة )) وكل هذا ستجده في تايلاند .
ومثل ماقال اخونا ولد احمد جزيرة كرابي رائعة جدا ومافيها زحمة مثل جزيرة بوكيت .. واذا اردت ان تقضي فترة في جزيرة بوكيت فانصحك بشاطئ ( كامالا ) لما يمتاز به من هدوء و نظافة اكثر من اي شاطئ اخر .
وعليك بفندق دوسيت لاجونا .. رائع
الله يوفقك و يسهل عليك امورك ..
الباتشينو

ياماس مشكور على الرد ...
ومشكور على الاقتراحات ...
بس وش رايك في زيارة عدة دول أول على الأقل دولتين ........ وشو أحسن دولتين لو خيَرت لقضاء شهر العسل فيهما...
الحمد لله احنا ماخذين على بعض زين و ماباقي الا شوي ميانه و خلاص !!!! ......
أحب الأماكن اللي فيها حياه متنوعة ... الطبيعة .. الأسواق .. الفنادق الراقية .. الحدائق .. الأماكن الغريبة ....... وغيرها ...
كنت أفكر في زيارة بعض الدول الأوروبية بس بعض الشباب قالوا لي إنه شرق آسيا أحلى و أرخص بكثير .... وش رايكم؟
أخي الغالي $$ ولد احمد $$ ...
اشكرك على الرد ... معلومات جداً قيمه ...
أطلب رأيك ومشورتك ..... وربك كريم ...
وش رايك في تايلند و محطة ثانية معاها؟؟؟؟؟
أخي العزيز الباتشينو .....
شكراً لك و عقبالك ان شاء الله ....
معلومات مشجعة جداً اشكرك عليها ....
أتمنى منك معلومات أخرى عن تايلاند .... وكم هي التكلفة التقريبية لقضاء 10 أيام فيها لو سكنت في فندق راقي وتجولت في معظم الأماكن ...
أشكركم مرة أخرى ...... وسؤال آخر .... بالنسبة الى الإزدحام الشديد في نهاية شهر 6 وبداية شهر 7 متى تنصحونني بإتخاذ القرار و حجز تذاكر السفر علما انه يمكنني السفر من الدمام، البحرين، قطر أو دبي.
مشكورين .......

مرحبتين اخوي اولا مبروك والله يوفقك بزواجك
ثانيا...انا من وجهت نظري وانا بتكلم لك من سابق تجربه في ما ليزيا وفي تايلند
بصراحه لشهر عسل ما ليزيا افضل بكثير من ناحيه الطبيعه والنظافه والجو واكثر اماكن وارقى بكثير
تايلند حلوه بس يبيلها سفره سياحه مو شهر عسل واذا تبي دولتين نصيحه روح ماليزيا وسنغافورا
هذي الدوله شي مو طبيعي وصدقني بتدعي لي. واي خدمه انا حاضره

السلام عليكم
ياهلا فيك اخوي مغادر ....
اخوي اذا بتختار دولتين متجاورتين ... فأنصحك بماليزيا ومن تقدر تزور تايلند " جزيرة بوكت " فقط من طريق جزيرة بيننانق ...
او كما قالت أختي البرنسيسة ماليزيا وسنغافوره ....