السلام عليكم ورحمه الله وبركاته
في البدايه بفسر لكم العنوان :
بكون معكم صريح أنا ما عمري سافرت للخارج ابدا كل رحلاتي داخليه . ( داخل المملكه ) .
بس الان الامر تغير لاني ما بصير لحالي ( < بيتزوج ) . وأبي تكون فرحتي فرحتين . يعني فرحه العرس
وفرحه السفر . أتوقع بتكون أيام حلوه بالنسبه لي ولها . لكن للاسف ما اعرف شي عن البرتوكولات الي الواحد
لازم يتخذها عشان أموره تمشي خلال الرحله . أيجابيات ممكن موجوده فيني . ممكن أنها بتساعدني ( اللغه ) الانجليزيه طبعا .
بالنسبه لي لغتي الانجليزيه( جيده جدا ) يعني افهم اقدر أوصل الي أبيه وأفهم الناس وش تبي .
السلبيات كثيره لعدم خبرتي في السفر للخارج .
المطلوب :
أبي شوركم لي لاني ابي أتونس وأونس بنت الناس الي من يوم قلت لها أنا بنسافر لماليزيا جتها ( جلطه ) < بسم الله عليها . بس ما صدقت لانها ما عمرها سافرت أبدا لا خارجيا وأتوقع حتى داخليا .
تكفون يا رواد ماليزيا أعتبروني زي أحد من أولادكم . وأمسكوا بيدي . ودلوني
مع العلم أن حتى الجواز ما عندي . بس هذا أمره بسيط .
لكن في أشياء كثيره ما اعرفها مثل من البدايه

• التذاكر ( لاحظت تفاوت في الاسعار من السعوديه ,الاماراتيه , القطريه < لقيتها ارخص شي
• خط السير قريت أراى كثيره .....

بعطيكم أمكانياتي وأبي منكم تسفروني وترجعوني بأرائكم . وأكون لكم من الشاكرين
1- الرحله لشخصين أنا وزوجتي
2- الرحله طبعا على ماليزيا . أن شاء الله
3- الامكانيات من 15 الى 20 الف . شامله التذاكر
تذكروا شي أنه ( شهر عسل ) .............
تحياتي لكم ....