بقولكم تجربتي البسيطة مع العزب المتطورة ... او اللي ما يحب يشيل اشياء كثيرة معاه بالسفر
بالنسبة لنا ومن صغري ما تستغنى امي عن القهوة العربية بكل سفراتنا
لا بد ان تحضر يوميا
والوالدة ربي يمد في عمرها ما تحب تلقهوة العربية الجاهزة
بشارككم طريقة الوالدة في تحضير القهوة ...
كنا نستخدم الغلاية الكهرباء.. وتطلع دايم زي شغل البيت..
الادوات:
في الكيسة الاولى نحط القهوة المطحونة
في كيسة ثانية الهيل + الزعفران (نطحنهم سوى )
ترمس (دلة)
فناجيل ( ولا تقبل الوالدة ابدا بالورق او البلاستيك لازم الصين )
الطريقة:
على حسب الكمية نحط الماء في الغلاية ،ونخليها تغلي..
اول ما تغلي نحط فيها فنجان من الكيسة الاولى (القهوة)
وهنا الحركة الفنانة
كل ما قربت الموية من الفوران ....... نطفي الغلاية الى ان يرجع الماء الى مستواه ويركد... نكرر العملية كذا مرة(( 5- 7 مرات )) للقهوة الوسط اللي رقم تحميصها واحد ونص ---------- (كل ما كانت القهوة غامقة قلت المرات) ونحط بالترمس الهيل تقريبا 3 ملاعق صغيرة
ثم نطفي الغلاية ونسكب القهوة في الترمس ، ومع التمر الخلاص او الراحة التركية
وبالعافية
يمكن كثيرين يستخدمون هالطريقة بس حبيت انشر طريقة الوالدة ربي يعافيها ويشفيها ،ويطول بعمرها
اتمنى ان الموضوع ينال اعجابكم