1. السلام عليكم

السلام عليكم

تنبيه يا جماعه الخير من اللى يبيعون الساعات فى شارع بوكينت بنتانق ( شارع العرب ) اللى متواجدين قدام مطعم الطربوش ومطعم مراكش ومطعم بابل ومطعم ناب الايراني ... تراهم حراميه واى زبون يجي يشتري منهم اذا كاسرهم بالسعر ولا اشتري يضربونه قبل 5 ايام ضربوا واحد سعودي وقدام عائلته واليوم ضربوا واحد اماراتي كمان . وفى حالات ضرب حصلت قبلها فنصيحه لا تقربوا منهم ولا تتكلمون معهم وخصوصا من واقع خبره فى ماليزيا واصحابي عايشين فيها من اكثر من 12 سنه ترا الساعات اللى يبيعونها اسوأ درجه ونوع سيئ جدا جدا جدا واذا مصرين تشترون ساعات مقلده تلقونها فى منطقه تسمى تشاينا تاون فى بسار سيني وفيها الصينيني يبيعون الساعات المقلده اللى هم صنعوها لان الصينيين هم اللى يصنعون مو الماليزيين ..
ونصيحه اخوي اذا ما تبي تشتري لا تجادل الناس وتكاسر وتسوي فاهم قدام المدام عشان عريس وتسوي ان عندك لغه انجليزي ترا الضرب نهايتك او يشتمونك او يتحرشون فيك .. انت سائح خلك سائح وتسلى فى المكان بدون ما تقرب منهم .. انا بنفسي شاهدات 3 حالات ضرب انتهت فى قسم الشرطه والمصيبه ان الشرطه ما تسوي لك شي نهائيا ولا تفيدك .. فلا تخرب سفريتك على شان ساعه قيمتها الحقيقي 20 ريال ..
لذلك جري التنبيه ليتوخى الجميع الحذر وتكون رحلتهم ممتعه ومسليه بدون مشاكل وتكون بها ذكريات جميله ....