الحمدالله على سلامتك
وزين صارت 300 كواي وماقصرت على التنبية
كل البنوك لما تستلم منك مبلغ من فئة 100 و50 و20 و10 و5
يقوم الموظف بوظعها على جهاز عد النقود ماعدا فئة 1 كواي
اذا تبي تستلم من البنك لازم يحط لك الفلوس على المكينة لان التزوير
عندهم مره بزيادة وزين مادخلت في متاهات الشرطة
وافلام الصينين والله ماتخلص منهم
ماقصرت على التنبية والله يعوظك يارب
تحياتي

شكرا علي التنبيه و ان شاء الله يعوضك

الله يعوضك خير وفعلا التزوير والنصب في الصين (خصوصا بكين) شي مو طبيعي وعمري ما صادفت مثل الي صادفته في بكين
على العموم حمدالله على السلامة

والله ياجماعه خرعتوني طيب ويش السويه إذا مااعرف اطلع المزور من الصحيح ولا أبو الشباب مايعرف
والمصيبه بنك هذه أكبر طامه

بصراحة ! كرهت الصين!
استغلال! نصب! خداع!
========
منذ أيام عدت من كوانزوا وحصل موقف مع تاكسي عكر مزاجي وخرب طلعاتي!
رجعنا من سوق الشنط بتكاسي على أساس الذهاب للفندق في منطقة شاوبيه ، والتاكسي رأى بطاقة الفندق على أساس الذهاب هناك!
عند الركوب أصر على ركوبي في الخلف مع زوجتي! وسلط طريق طويل وابتعد عن طريق شاوبيه القريب! ( أنا حافظ المكان لأنها السفرة الثانية ، لكن سكتت على اساس يمكن هو يسلك طريق مختصر!)
المهم..
وصلنا مكان وقال يالله انزلوا الفندق قريب من هنا! وأنا صدقت لأني ما أفرق بين التقاطعات! ضننت أننا فعلاً في التقاطع القريب من الفندق!
وقبل النزول دفعت له المبلغ بفئة ال 1 ، المبلغ 15 ، خذ أربعة يوان وقال الباقي مزور!!!
طلعت فئة 1 اخرى أكثر من مرة قال مزور! وبطريقة توحي أنه صادق! على اساس يلمس الورقة ويقول مزورة!
المهم طلعة كل الي عندي فئنات ال 5 ، 10 ، 20 .....كلها يقول مزورة !!! أنا كنت مصدوم معقولة مزورة!
لا ويتفلسف يقولي من وين يايبها!!
وظل يقولي طلع أعلى فئة الي هي ال100يوان ( طبعاً أنا فهمة السالفة وعرفت انه يبغي يرجعلي مزور ) فضليت أقوله ما عندي! وانا عندي الكثير
حاولت أفتح الباب كان مغلق! ( لهذا خلاني أجلس بالخلف)
وبعد جدال ....قلتله ما عندي فلوس يالله روح الشرطة وكررتها أكثر من مرة!
بالنهاية خذ فلوسه وروح....حاولت أصور معلوماته ما لحقت ولا ...والله أبلغ عليه بأي طريقة أقدر عليها!
مشكلتي أطبق المثل الي يقول يا غريب كن أديب لذلك نكون على نياتنا هناك!
طبعاً الشكر لجميع أعضاء المنتدى لأن معلومة الفلوس المزورة من التكاسي عرفتها من هنا في مواضيع سابقه
الخداع يكون البائعين بتبديل بعض الأشياء عند الشراء ...لكن دائماً أكون منتبه لهم
تذكرت....كنت حاط في الفندق تأمين 500 دولار...رجعولي التأمين وأنا فيني شك أنها مزورة! شك بسيط! لأنه طلع الفلوس ورجع دخلها الدرج وطلعتها موظفة ثانية ولما سلموني كانت لهم نظرات وحديث! الله أعلم!
=======
مستغرب من الدولة ليش ما تحاول حل مشكلة العملة المزورة؟؟
============
طبعاً هذه المواقف تكون نادره! لكن لها تأثير على مزاج الشخص!
سفرتي الأولى قبل شهرين لم يحدث فيها أي شيئ يعكر المزاج!