نشر في ماليزيا

تحذير عاجل جدا لجميع عملاء بنك الراجحي

sweet home

12-12-2022 - 10:23 pm

السلام عليكم ورحمة الله وبركاته يا اخوان اللي مسافر برا السعودية ينتبه من بنك الراجحي لانه اثنين من اقربائي واحد في ماليزيا وواحد في بريطانيا وقفوا عليهم بطاقة الصراف والطامة الكبرى مايقدرون يدخلون على حساباتهم سواء من النت او من الهاتف المصرفي فالرجاء الإنتباه ومراجعة البنك قبل السفر

التعليقات (9)

المسافر دوما

13-12-2022 - 12:59 am

لا شك ان هناك اسباب لتوقيف البطاقة ولكل شيء سبب ومراجعة البنك قبل السفر يجنب المتاعب بعد السفر

dr.keif

13-12-2022 - 02:00 am

اخوي نظام بنك الراجحي الجديد وكاتبينه هنا الاعضاء قبل فترة انه لازم تكلم الهاتف المصرفي وتخبرهم انك بتسافر برا لمدة كذا وراح تمشي امورك لانه اذا ماكلمت بعد اول عملية توقف بطاقتك .الصراحة اشوفها حركة غبيه جدا منهم وفيها احراج كبير اذا كنت محتاج فلوس ضروري
لكن هذه من اقل مشاكل الراجحي البنك بدا ينخفض اهتمامه بالعملاء بكل شي مو بهذي بس

puzz

13-12-2022 - 03:01 am

من ناحيتي اشوفها امان اكثر
وش المشكلة طالما انك تكلمهم وتخبرهم وتصير امورك تمام
اتوقع القصد من هذا كله هو السرقات وهالسوالف

123man

13-12-2022 - 04:02 am

جزاكم الله خير على التنبيه،، الغريب اني كلمتهم اليوم ،، وكأنهم ما يدرون عن موضوع تقفيل البطاقات نهائياً
للأسف شكلهم بيورطوننا والله
كيف بطاقات بنك الانماء ، هل عندهم نفس النظام؟

Usas

13-12-2022 - 05:03 am

puzz
اذا كان الهدف السرقات فليش هو البنك الوحيد اللي مسوي هالحركة !!
ثم سالفة اني ابلغهم مسبقا يذكروني بالعسكري اذا حاب يسافر للخارج ياخذ تصريح من جهة عمله

dds_mohammad

13-12-2022 - 06:04 am

123man
سالت بنك الانماء من يومين فقط واكدولي انو البطاقة ماتوقف ابدا في الخارج
وتكلفة السحب النقدي 5 ريال ونصف عن كل عملية سحب

رائد بومريم

13-12-2022 - 07:05 am

السلام عليكم ورحمة الله وبركاته
يااخي هذا صحيح اهتمام من البنك
بس البنك هم يرسل رسايل على كل عملية تصير على حسابك
يعني اذا صارت اي عمليه على حسابك بتجيك رساله وبتبلغهم اني ماسويت هذي العمليه ووقفوا الحساب
او انك من الاول مبلغهم ان بطاقتك مسروقه
بس انك تجي قبل تروح لازم تبلغهم ماحبيتها ذا الحركه
انا ماقلت لاهلي ولا اخوياي اجي اقولكم
بس اتوقع انهم مسوين هذا النظام لانه صاير شي لاأحد ما
الله يستر
وشكرا للتنبيه

الربيش

13-12-2022 - 08:06 am

اتصلت على مصرف الراجحي اليوم وقال ماتتوقف البطاقة الا اذا تم ملاحظة عليها
انت تكون مسروقه وتم التبليغ او تكون تمت في بلد غير مصرح السفر له
او تتم فيها حركه مشبوهه
فقط
اما انك تتصل عليه قال هذا لم يتم التوجيه لنا فيه

أبوجاد

13-12-2022 - 09:07 am

بنك الراجحي من أسوأ البنوك أنا أيضاً دقيت عليه اليوم وقال إذا سافرت ووصلت ماليزيا دق على خدمة العملاء وهو يرفع لك طلب عشان تفعيل بطاقة الصراف خارج المملكة
معناته خدمة العملاء كل واحد في وادي، ماعندهم آلية أو أن البنك مسكين مايقدر يعطيهم دورات وتكون كلمتهم وحدة

ماليزيا المسافرون العرب

تحذير عاجل جدا لجميع عملاء بنك الراجحي