وانا انتظر بعد وين الخبراء

السلام عليكم ...
مشكورين على هالفكرة الجيدة .. ويسعدني أكون أول واحد يرد ...
الجو اليوم غائم .. درجة الحرارة الصراحة ماشفتها في التمبرتشر .. بس أتوقع حول 20 ...
اللبس عادي تي شيرت ... وجاكيت ..
بس داخل السوق أو الأماكن المغلقة حر شوي .. والجاكيت ماله داعي ...
في سوق الساعات اليوم كان حر وشغلوا المكيفات الباردة على الساعة 2 بعد الظهر ..
وبعد في سوق الشنط حر .. خصوصا الممرات الصغيرة ..
الحين الساعة 7 ونص المسا .. وكأن الجو أبرد شوي .. بس بكل الأحوال مو أقل من 18 درجة .. والله العالم ..
عموما إن شاء الله .. أنا طالع أتعشى بعد شوي .. وإذا فيه تغير يستاهل علمتكم ...

ماهو على كيفك أنا عد بأردههه
ماعليش لكن إكمالا لما بأه أخوي رحلة الشتاء الجو في الليل قريب من المعتدل يعني الجاكيت فوق البدلة نص كم يفي بالغرض لكن متوقع بكرة والخميس والجمعة برد وعواصف رعدية والله يستر

alssagar
السلام عليكم .. وصبحكم الله بالخير ..
أصبحنا وأصبح الملك لله ..
ياخوي وبعدين معاك ؟ ترا من اليوم بابطل ادخل المنتدى الصبح ..
أمس الأكل مدري وش فيه ... واليوم برد وعواصف رعدية ..
المهم الحين 7 ونص الصبح .. واناظر من الدريشة اشوف الجو صحو ... وشمس بعد ..
بس درجة الحرارة مادري عنها من الغرفة ...
إنما يظهر إن الجو معتدل .. أشوف الناس لبسهم عادي بل البعض خفيف ..
وإذا كان هناك جديد في حالة الجو إن شاء الله نخبركم ..
بس عاد لاتتعودون علي .. رحلتي الليلة بإذن الله ..
يعني يحتاج من يحمل الراية ...
راجع .. لربعي وديرتي ...
راجع لشوقي ودنيتي ...
إن شاء الله ...

طاب مسائكم .. ( طبعا بتوقيت جوانزو ) ..
الساعة الآن تشير إلى الواحدة والنصف بعد الظهر ..
(( ماتلاحظون كل نشراتي الجوية الساعة كذا ونص ؟ .. صاير نشرة mbc ))
والجو صحو .. إلى غائم جزئيا .. ( الشمس تروح وتجي )
درجة الحرارة ماني متأكد منها .. ( معد نشرات جوية بمستقبل واعد )
والسبب مافي تمبريتشر عندهم .. صرافاتهم مافيها ... وتكاسيهم مكسرة ..
ولكن أتوقعها في حدود ال23 درجة مئوية ..
يعني الجو دافي للي ملابسه خفيفة .. وفي الظل الجو طراوة ..
أما اللي مثلي صدق التقارير المغرضة اللي تقول برد وعواصف رعدية ... فقد قعد بها ..
لأني لبست الجاكيت وبلشت به .. أثقل من المشتريات ..
التكاسي مشغلين المكيفات ومقفلين الدرايش ..
هذا كل مالدينا حتى الآن ..
أعود وألقاكم على رأس الساعة .. إن الله يسر وكان فيه وقت ..
وأتمنى من بقية المراسلين التقاط المايك لأني الليلة إن شاء الله مغادر ...

افضل موقع متابعه ودقيق لحد 90% لدرجات الحراره هو
http://weather.china.org.cn/arabic/index_c.html
اظغط على كوانزو ( Guangzhou ) تظهر صفحه جديده فيها درجات الحراره لثلاثة ايام / اليوم وبكره وبعده مع حالة الجو مشمس او غائم

اتمنا من الاخوه عند المشاركة في حالة الطقس ان يذكرو التاريخ والشهر ولكم منا جزيل الشكر

yob
السلام عليكم ...
تاريخ المشاركة موجود من ضمن عناصرها ولاحاجة لذكره فيها .. وحتى وقتها ...
للتوضيح وشكرا ..