1. اذاى معاج طفل رضيع


2. الغيار له والحليب الخاص له ومعلبات الاغ7ذيه الخاصه للاطفال


3. حقيبه ظهر لاغراض الطفل مطاره للماء للطفل

ويه وايد اشياء اول شي

اذاى معاج طفل رضيع

الغيار له والحليب الخاص له ومعلبات الاغ7ذيه الخاصه للاطفال

وملابس قطنيه وادول وشراب للحراره وو لحافخاص له منشفه خاصه له طبعا هناك الجو حار ورطب ماعليكي بيقولون مطر اي نعم بس الجو مشمس وحار ورطب يعني بالمختصر المفيد ةملابس خفيفه وقطنيه للطلعات والرحلات لكم انتم جميعا مع الاطفال ولكن لابد من البجامات الملابس ام كم طويل للاطفال للنوم بيكون التكيف عالي وبرد على الاطفال انتبهي هذا داخل الفندق وليس خارج الفندق عشان لاتستانسين
ومن ثم بتكلم عن نفسي الاشياء الدائمه معي فكل السفرات
كريم الواقي من الشمس لي واذا معكي اطفال بعد لهم
الشاي والنسكافيه والقهوه السريعه واشوية سكر والعلب الصغار حليب
انواع مختلفه للاجبان والشوربه شبيه الاندومي السريعه
اذا تبون القيمر والمربى العسل هناك متوفر انا اخذ معاي لبنه وزعتر وانواع مختلفه جبن والشوربه والشابوره والخبز وهناك عندهم توست وصمون مدور والفرنسي عجيب احب اشتري بس حق اول يومين لازم معاج توست وخبز
طبعا الحذاء الرياضي وانتو بكرامه لازم لزوم المشي اللي هناك واريح للكبير والصغير
وشاحن النقال والكاميره واذا معاكم رااجل على قولت الاخوان المصريين رجاله مكينة الحلاقه مع الشاحن لانه هناك بصراحه الصالونات تخرع
والصابون والشامبو وسالف الحمام للسباحه عاد اهو هناك كل شي متوفروماتحاتين بس اول يومين لا بد يكون عندج باحجام صغيره اخذي وهناك اشتري عليهم منتجات عجيبه

حقيبه ظهر لاغراض الطفل مطاره للماء للطفل

انا اخذ عطري الشخصي وشرف للفراش خفيف ومنشفه خاصه لي وكريمات الخاصه وبنطرون بنطلون الجنز 2 واسود قطن وقمصان وبلايز قطن وكم شورت وبرمودا وبلايز حفر وكم قصير للرجاله اللي معاكم لان الجو هناك مايساعد الواحد يلبس جنز بس احنا البنات لابد اريح وعملي وكد
وكم لفه والحذاء العجيب ومرافقي بكل سفرياتي الرياضي الاصلي والعملي والمريح وكم نوع من انواع الكاكاوات اللي مالي غنى عنهم في اول ايام سفري وبعدين اشتري واعبي العربانه من هناك
مكواه اوتي صغير غلايه ماي صغيرونه
شاحن البي اس بي اللي يبي ياخذ وياه شاحن الكاميرات الصور والفيديو حقيبه صغيره تنشال حق الفلوس على الرقبه او الصدر تنشال وهناك تنباع بكل مكان
واذا تذكرت شي راح اقول

ماشاء الله عليج ليمونة
قدها و قدود
و الله كنت متوقعة انج اول وحده اتردين..........دائما في الطليعة
و على سالفة الحر
عندي كم قميص من الكويت يايبتهم " اتعرفينهم بعد مايحتاي اقول لج" طوال و صيفين .......بس حرهم مابيي نفس البحرين و الكويت
و بنتي اقول ابي اودي لها عربة "قاري" عشان لاتتعب و تصمني بالحمال " عمرها 3 سنين و نص"
و اني بودي معاي واقي شمس و لبنتي بعد......" هاي بقته من عندج قايلة في تقريرج عنه خ"
و بودي معاي 8 اقمصه و 5 بانطلونات و 2 جوتي رياضه.........ينفعون لو وايد؟؟
سوالف باجي الكريمات اليومية ........ضروري حتى لو خذوهم من عندي برد اشتري " خخ"

أهم شيء عربة للطفل ،، حتى لو كان عمره 6 سنين
التقيل ثم التقليل بشكل كبير فالملابس
أنا بسافر مع اهلي شهر تقريبا ،، ومعاي اطفال ،، لكن الملابس ،، كل واحد 3 بدل فقط لا غير
لأنه الواحد لازم بيشترى من هناك وبيلبس ،، فليش اشيل كم هائل من الملابس ،، ومن ثم ارجعه للبلاد مثل ما هو ،، وهذه تحدث كثيرا
طبعا لازم تشدين حيلج فالغسيل ،، وهذا شيء عادي وطبيعي فالسفر
محاولة التقليل من الاحذية واخذ ملابس تركب على حذاء واحد
مثلا للاطفال ،، حاولى تاخذين ملابس تركب على صندل معين ولكل الملابس ،، وليس أخذ بوت وصندل وزنوبه و و و و و و
وكلها لأستخدام مرة واحده ..
التقليل ،، التقليل ،، التقليل ،، التقليل ،، التقليل
رحلة موفقة ،،،

كلمة حق يعطيج الف عافية
على سالفة الغسيل
اني قلت بغسل الاشياء الظرورية بس .........متى بنروح الرحلات و متى بنرجع ؟؟ ..........بناخذ وقت وايد
و خبرج الجينزات ماينغسلون باليد

سنابل المنامة
لا تحاولين
الغسيل وراج وراج
عادي ما فيها شيء ،،، الغسيل خليه بشكل شبه يومي وفي اخر الليل أو وقت الظهر ،، وليس بالضرورة غسل كل الملابس
الامور تترتب
بالتوفيق ...

كلمة حق يعطيج العافية و الله
عيل دام جي
لازم اودي معاي ........عدة الغسيل.......... خ

يا قلبي يا سنابل لا شكر على واجب وهذا رد جميل للمنتدى وبالنسبه للغسيل ما يحتاج تاخذين العدة معاج كل شي هناك متوفر من توصلين وترتاحين تروحوين للكارفور وتشترين كل اللي تبينه كل شي هناك متوفر اعيد للمليون وجوده عاليه ويا حلات الكومفورت اللي ريحته قويه وحلوه
وبالنسبه للعربه من دون تفكير هذي اول ما تكونين مفكره فيها
وجوتييالرياضه وانتي بكرامه واحد يكفي وان صار شي واخترب وما اعتقد يخترب اذا اصلي هناك اشتري وبالنسبه للقمصان كافي والجينز كافي والكريمات مهمه ومن توصلين هناك اشتري بخاخ الباعوض ياقلبي لج ولابو العيال وللطفل
واشتري الطاسه الكبيره احنا انسميه طشت للغسيل ينباع في كارفور وبقسي
وشاكره لج

بقول لج
وين اتنشرون الثياب
" يعني مانرتاح من الخدمة اشوي " خ
بالنسبة للكريمات شنو اودي
خذيت لي واقي شمس لي و لبنتي و خذيت كريم يدين و ارايل
شنو بعد اخذ