- )************************************************* ************(
اذا ذهبت إلى بتايا أهم شي تسكن بمنطقة العرب اذا تبي جيرانك سعودين فأسكن بفندق اسمه (رايت سبووت ) شاليهات ارضية وفية غرف فوق احسن غرفة 402 فيها جاكوزي وفيه شقه تحتوي على 3 غرف سعره تقريباً 60 ريال افضل الغرف الي فوق جديدة
فيه فندق أسمه vc حلو بس مشكلته مزحوم بالمره وإزعاج 0 حسب تجربتي الشخصيه سكنت في أربع فنادق حسيت انه الهادي فيها والزين فندق اسمه grand hotel قراند هوتيل اهم شي اسكن بالإدوار العليا فيه من السادس وفوق لأن موقعه حلو بالمره ويطلع على البحر سعره تقريباً 65 ريال
)************************************************* ************(
بالنسبه وقت الظهريه والعصرية رح لمكان اسمه بتايا بارك مسابح حلوه احرص على الروحه يوم الأحد لأنه مزحوم وفيه برج مرتفع بالمره تطلع له بالتلفريك وتنزل منه بعده طرق عن طريق الاصنصير او عن طريق مربوط بحبل وتنزل معلق على ارتفاع 200 متر جربها تراه احساس حلو بالمره والشاطي الي بجنب بتايا بارك حلو بالمره
بالنسبه للأسواق رح العصر تمشى في سوق رويال لأنه فيه مطاعم وملاهي وسينما فيه سوق ثاني اسمه البقسي بجانب شارع 2
اذا بغيت المساج رح لمحل اسمه سبايدي مساج بين شارع 1 و 2 كانك داخل فندق 5 نجوم
افضل شارع فيه اسمه شارع ووكنق ستريت أو كما يسمونه العرب شارع جهنم يسكر بعد الساعه 7 مساءاً ويتحول لشارع مشي ممنوع دخول السيارات
المطاعم العربيه : كثيره الحلو فيها ابو عبدالله وابو سارة وابو نواس - ارزة لبنان - ابو النور وغيرها اهم شي لاتسافر الا حجزك العوده اوكي لأن مكاتبهم بدائية بالحجوزات ويطفشونك واذا بغيت تأكد حجزك اول ماتجي لبتايا روح لمكتب حجوزات تحصله بجانب فندق في سي بجانب مطعم عربي نسيت اسمه عطهم التذاكر وخذ إيصال بعد مايتأكد حجزك تعطيهم 15 ريال وفيه مكتب بعد بشارع وكنق ستريت بجانب مكتب صرافة .
اذا اشتهيت شاورما عندك عربيه شاورما رهيبه بالمره قدام فندق في سي واحرص على شرب عصير الكوكتيل معها عندهم العصير يجنن ثانياً تحصل لك شايب وعجوز عندهم مطبق بالموز يجنن واخيراً يا شباب ابتعدوا عن المحرامات وخصوصاً البنات .
