إذا عائلة مافيه مشكله حتى لو رجعت ماراح يقولون شي .....
إذا انت عزابي رح بدون وريقة ولا تراخيص ..... ومحد بيلتفتلك ..... ولو ماعندك واسطه ولا معرفه علشان يطلعلك تصريح مالك غير طق التكت وعلى المطار سيده ...
والله يعينك

اخوي من قال عايله عادي انا يوم كنت بالمطار بسافر لتايلند مع العايله طلبوا منا تصاريح و كان معنا و بعد مسويين زحمه.
و بالويك اند الي فات واحنا راجعين من البحرين و موظف الجوازات شاف ختم تايلند مع انه قديم و كنا عايله وقال لنا ترا مشددين هالايام الي على جوازه ختم و قال المفروض اسحب جوازتكم و وضحنا له ان كان معنا تصاريح.
بس اهم شيء قبل ما تخطط بالسفر اسال الجوازت علشان ما يرجعونك او تصير لك مشكله.

حياك الله اخوي ومشكورين على هذا التوضيح ..... لكن وشفيك معصب !!!!
اخي الكريم ...... عائلة قريبة مني الأربعاء الماضي سافرو لتايلند من طريق الرياض وماحد تعرض لهم ولا احد قالهم ثلث الثلاثة كم ......
واخوك اللهو انا مسافر قبل كم شهر ولا أحد قالي شي وبعد سافرت بعدها لدبي ورجعت وبرضه محد قال شي ...... شوف اخوي فيه موضفين يحبون البساطه وماعليهم لأنهم عارفين العائلة ونيتها أما فيه موضفين لو شافك بعد قرن وانت رايح تايلند لكن برضه راسه يابس ياليته بتطبيق القانون أكثر من انه غلاضه ...
اخونا ابوساره لا عنده واسطه ولا شي وهذا الحل ....
وسلامتك اخوي

اخوي يا ماس انا مهوب معصب بس مهوب صح تقول للناس روحوا عادي ويمكن هالشيء يوهقهم
و من يضمن انهم لمن يجون يسافرون ما يجيهم نفس الموظف الي جانا ويرجعهم في المطار بعد ما حجزوا فنادق وتذاكر
واذا كان العوايل عادي كان اعلنوا للناس ولا تعبوا بعض الناس بتصاريح وغيرها
ترا المساله بين السعودية و بانكوك اكبر من عوايل او عزاب
لا تنسى السعوديين الي انقتلوا بالسفاره هناك
والامير السعودي الي انسرق الماسه

ابو ماس !!
تقول قص تذاكرك وعلى المطار ؟؟؟؟؟؟؟؟؟؟؟؟ اشلون
انا ابي احجز على تايلند قال لي موظف الخطوط : سعودي؟ قلت ايه !! قال : دحرجها دحرجها !! يعني ضف وجهك !!!!!!!!!!!!!!!!!!!!!!!
ارجوا الافاده

اخوي fms حياك الله
مهوب صح اقول وش اقول ..... اخوي اتكلم من واقع تجربه انا واحنا هنا نعرض تجاربنا وما مر علينا وللمعلوميه عندي عائلة من اهلنا بيروحون لتايلند وهذا اللي بقولهم واللي قلتلهم وماراح اوهق احد ...... الله يسمحك
ولو تبحث عن مثل هذا الموضوع راح تلاقي أجاباتي كلهاعن هذا الموضوع وقلت واقول اللي مابيهمه الموضوع ولا راح يجب خبر .. يتوكل على الله وماراح ينقطع راسه ...
اخوي سبنتار غريب هالكلام ... اخوي انا حاجز قبل امس لرحلة عائلة لتايلند ولا احد قالي شي ..... المكتب اللي عليه يقصلك والمطار يتفاهمون معك ... وحتى المطار خذلك تذكرة على دبي ولا الكويت ومنها على تايلند .....
وذاا تبي حجز ارسلي على الخاص ونم افا عليك
وياهلا ومسهلا

ابو ماس !!!
حبيب جميع الماسات !! انا اتصلت على الخطوط السعودية نفسهم وقالوا لي هالكلام ( وش جنسيتك ؟ قلت : سعودي ....... قال : ما نحجز للسعوديين على تايلند !! كاسيان سبنتار ..)
الا على طاري الخاص !!!!! وش اخبار عصويد يا مال الماغص !!! وين تبخر ولا قالنا ؟؟؟؟؟؟؟؟؟؟

ذهبت الى تايلند ثلاث مرات بدون تصريح والامور على مايرام.
اظن انهم يطالعون هيئة الشخص او وظيفته لكن اللي حصل هو التالي لم يوقفني احد ولم يسئلني احد.

1. 1 . يحق لمن لدية سجل تجاري ، السفر لتايلند بغرض التجارة والتوريد .

أخوي أبو سارة
صباح الخير .
الله يحفظك ، ويخليلك سارة ، ويحفظها من العين
السفر لتايلند ، تم تشديد إجراءات السفر لها ليس بسبب ( عزاب ، عوائل ) المسئلة أكبر من ذلك بكثير .
هل إذا كنت عازب وسافرت لتايلند هناك محظور ؟ وهل إذا كنت برفقة عائلة ، ليس هناك مشكلة ؟
هذا الكلام ممكن ينطبق على الدخول لمنتزة السويدي مثلا ، أو ملاهي عالم الطفل ، أو حتى ملاهي عتيقة .
أخواني الأفاضل :
لا أستهزء أو أستهتر ، حاشى لله . فأنتم أكبر من ذلك بكثير .
ولكن البعض يتكلم كأنة خبير ومنظر في هذا الجانب . وهو بالفعل ليس كذلك ، ولم يسافر لتايلند ولا لغيرها ، ولكن حب المشاركة ... الخ .
أخوي أبو سارة .
ولا يهونون الأخوان جميعا .
التشديد على السفر لتايلند ، موضوع سياسي بالدرجة الأولى ، وكما قال أخونا fms ، قتل موظفي السفارة ، والألماس ... الخ .
عند السفر لتايلند ينبغي عليك إجراء الازم وهو على النحو التالي :

1 . يحق لمن لدية سجل تجاري ، السفر لتايلند بغرض التجارة والتوريد .

2 . يحق لمن يعمل لدى مؤسسة تجارية متخصصة في الإستيراد ، ويعمل كمندوب أو مورد مبيعات ، السفر لتايلند بتفويض من صاحب المؤسسة ، ومصدق ذلك من الغرفة التجارية .
لدى مراجعتك للسفارة التايلندية للسؤال عن التأشيرة أو غير ذلك ، يتم الترحيب بك أكبر ترحيب ، وبنفس بشوشة ، وهذا هو المنظر السائد في تايلند ، لإن الحكومة التايلندية خاطبت المواطنين التايلنديين بوجوب الابتسامة في وجه السائح الأجنبي ، ومن يخالف ذلك ، يعرض نفسة للمخالفة ، وهذا أكبر دليل على أن تايلند من أجمل بلدان اسيا والعالم من ناحية السياحة .
بإختصار : لا تعرض نفسك لمواقف أنت في غنى عنها ، وخللك نظامي ، والمملكة شددت في السفر لتايلند ، أولا لمعاقية الحكومة التايلندية من اخذ حصتها من كعكة السياح السعوديين المشهود لهم بالصرف والبذخ بعنف شديد....
وحسب المعلومات التي جاءت من مصادر مؤكدة توكد أن توتر العلاقات كان بسبب :
1 . قامت جهة مجهولة بإغتيال مجموعة من موظفي السفارة السعودية في بانكوك ، ورأت الحكومة السعودية تساهل من السلطات التايلندية ، ولم تبذل أي جهد في القبض على الجناة .
وفي وقت قريب ، ومبادرة من الحكومة التايلندية كتحسين للصورة السابقة عنها لدى الحكومة السعودية ، أعلنت أنها توصلت للجناة ، وأنهم سيقدمون للمحاكمة ...
2 . السبب الأخر ، وهو أن أحد الرعايا التايلنديين يعمل في احد قصور الامراء الكبار ، والكبار جدا في مدينة الرياض وقبل مغادرته لتايلند سرق مجموعة مجوهرات زوجه هذا الأمير ، والتي قدرت قيمتها بحوالي 21 مليون دولار أو ريال ، لا أعلم ولكن الرقم هو 21 مليون !!!!!! وغادر بها المملكة لتايلند ، وبعد التحري والبحث ، عن طريق الشرطة الدولية ( الأنتربول ) لم تتجاوب الحكومة التايلندية مع ذلك ، وتجاهلت الموضوع بالكامل . وبعد مرور الوقت ، رأت الحكومة التايلندية تحسين صورتها لدى الحكومة السعودية لأسباب تقدم ذكرها ... ، وأعلنت الحكومة التايلندية القبض على السارق ، وأن المجوهرات سترجع قريبا . وبالفعل أرجعت الحكومة التايلندية المجوهرات ، وبعد وصولها للمملكة تم إكتشاف أن المجوهرات أرجع منها حوالي 50 % فقط ، وأن نسبة 30 % منها مزور ... .
المعلومات أعلاه وخصوصا السبب الثاني أخذ من إذاعة لندن .
هذا وأعيد وأكرر أن مملكة تايلند من أروع دول العالم سياحيا وهي مكتملة البنية التحتية من ( فنادق ، طرق ، مواصلات , أتصالات ، مطارات ... ) مناظر طبيعية إعتدال الاسعار ....
أخوكم المخلص / الدي جي مناحي