ألف شكر لك على طرح تجربتك
ومبروك التأشيرة

طيب وشلون اخذ الموعد ؟ حنا نبي نطلع تاشيره وش نسوي

انت من الرياض ؟؟ يعني ماتطول اذا كنا برياض ؟

الله يبارك فيك اخوي وسيم
بالنسبة لسؤال الاخت سارة
نعم انا بالرياض
وبتتبع خطوات تعبئة الابلكيشن بتجيك صفحة اختيار الموعد
وتختار الموعد المناسب لك

والله مقابلتهم تخوف ..
اخاف نتعرف بشي ما عملناه ..
===
الف مبروك ع التأشيرة ..
رحلة سعيدة ان شاء الله

مبروك حصولك على التأشيرة
رحلة موفقة

1. الله يجزاكم خير ويفقكم


2. اخذت معي للمقابلة


3. وصف السفارة :

الله يجزاكم خير ويفقكم

اخذت معي للمقابلة

• صفحة الموعد ( تتطبعها بعد اختيار موعدك ).
• الابلكيشن اللي عبيته بالنت ( ما يفرق ملون والا عادي ).
• خطاب تعريف من العمل.
• كشف حساب لثلاثة أشهر (45ريال) + شهادة بنكية بتاريخ افتتاح الحساب وآخر رصيد (50ريال) " مصرف الراجحي "
• ايصالات التأشيرة من " بنك سامبا " قيمة التأشيرة الواحدة (608ريال) مهما كان السن.
• حجوزات الفنادق من بوكينج ( لم تتطلب في المقابلة ).
• تذاكر الطيران ( لم تتطلب في المقابلة ).
• صورتين مقاس 5*5 سم ( هم طلبوا واحدة وفي المقابلة ما طلبوها نهائياً ).
• مبلغ (65ريال) رسوم (FedEx) لجميع الجوازات ( لكل طلب 65 ريال مهما كانت عدد الجوازات ).

وصف السفارة :

بالنسبة لي دخلت مع طريق عبدالله بن حذافة السهمي اول دوار(Circlre 7) تركته الدوار الثاني (Circlre 8) رحت يمين جاني دوار (Circlre 4) رحت يسار بعدها جاني دوار (Circlre 3) رحت يسار وبعدها يجيك دوار(Circlre 9) طلعت طوالي جتني المواقف على يساري انزل واتجه لمدخل السفارة من جهة الشارع يجيك المدخل على يمينك يأخذون منك ورقة الموعد والأجهزة اللي معك ومفاتيح الريموت ويعطونك ورقة حمراء صغيرة لمتعلقاتك اللي عندهم بعدها تدخل من الباب اللي يمين الشباك تمر على جهاز كشف المعادن بعدها اتجه يمين للدخول للمبنى يقابلك موظف جالس على مكتب صغير وقدامه لاب توب يحط على جوازك ورقة صغيرة فيها بار كود يخص طلبك ويعطيك رقم انتظار اتركه على يمينك وادخل مع الباب الاول يمين وانتظر رقمك وفي هذه الصالة يتم التأكد من أوراقك وفرز المهم منها بعدين اطلع من هذه الصالة واتجه يمين وأجلس بالاستراحة لإنتظار مقابلة القنصل وهي الفيصل في التقديم ويقولك اذا كان طلبك مقبول والا لا بعد مايسئلك كم سؤال صراحة مقابلتي الحمد لله ما تجاوزت 3 اسئلة لكن اسمع الشبابيك اللي جمبي اسئلة تفصيلية بعدها خل الموظف الاول ( أبو لاب توب ) اللي قابلته اول شيء على يسارك وابتل يجيك مكتب (FedEx) على يسارك تحدد لهم عنوان الفيدكس القريب منك ويأخذون (65ريال) لداخل الرياض و(125ريال) لخارجها وبعدها اجلس طقطق اصابعك الين تجيك رسالة فيدكس لاستلام الجوازات منهم ... وبالتوفيق.
ملاحظة : إذا كنت تجيد الانجليزية يمكنك اجراء المقابلة بشكل اسرع لأن القناصل بعضهم ما يتكلم عربي.

مبروك التأشيرة , والله يوفقك اخوي , , ,

waleed8818
الله يبارك فيك اخوي waleed
وما نستغني عن النصائح