اول شي السلام عليكم ورحمه الله وبركاته ..
صباح الخير ومساه ..
من واقع قرار وليد اللحظة ... في اول شهر سبعه بحثنا قرار .. اننا ممكن نصيف بامريكا هالصيفيه .. وللحق تحمسنا للفكره (انتي هين متحمسه قاضيه .. بس انتس اشتغلتي ع الباقين تقل ابليس :d )
فكان لازم نطلع الفيز بسرعه فيما لو اننا قررنا ننفذ القرار ...
وبسرعه حفرت النت .. ادور عن (كيف ووين ووش المطلوب) :d ولقيت الي ابيه كله .. هنا الله لايخليكم ولا يخلي عنكم .. :d فمن باب رد الجميل .. قررت اكتب هالموضوع علني اجد من افيده .. زي ما استفدت ..
فبسم الله ..
اول شي الموعد
شريت اليوزر كبدايه ورحت اشيك ع المواعيد .. لقيتها طبعا بعيده بعد مهول بالذات .. مواعيد قنصليه الظهران مافيه الا بعد سنه قدام .. وقنصليه الرياض .. ع امتداد اربع شهور قدام ..
وسمعت عن امكانية حجز موعد قريب .. في حال احد حذف موعده قبل الموعد بكم يوم .. فجندت نفسي لهالشغله .. ووزعت العايله .. ع ثلاث يوزرات .. كل اثنين بيوزر ..
امي واختي سوا ... اخوي واختي سوا .... وانا بما اني الي شقيت في السالفه كلها فدللت روحي .. بيوزر لي لحالي