مرحبا
سكنت فيه شهر اكتوبر الي راح خذيته تقريبا 850 ريال لليله
اللوبي عادي واقل من عادي الغرفه حلوه الصراحه وكبيره ومريحه
مقابل ماكدونالدز وقريب من كل شي من وجهه نظري الفندق حلو لاكن مايسوى 1200ريال
بس وش تسوي توكل على الله بحكم انها سويسرا

يوة اجل مايستاهل 1200 قهر واللة بس حنا حاجزينة بشهر يونيو بادن اللة

ياليت اللي سكنوا يقولون لما تجاربهم

لا تستغرب
عادي جدا
سكنت في زيلامسي السي فيلا مطل على البحيره 1200 ريال ويوم رحت وشفت الفندق حتى 350 مااعطيه
بس يكفي موقعه واطلالته على البحيره
بشكل عام اكثر الفنادق كذا من تجربتي في فنادق 5 نجوم و4
اتمنى من الاعضاء يفيدونك اكثر

مشكور اخوي ياليت الاعضاء يفيدوني

بكل صراحة في شهر 7 ميلادي لا ما يستاهل لأن الجو بيكون حار والتهوية اللي فيه مو كافية
اي شهر غير كذا اقول لك وانت مغمض احجز فيه
بعض الأيام في شهر 7 واول 8 يكون الجو حار لا يطاق في سويسرا
طبعا ماذكر أعلاه من واقع تجارب

يااخوان ياخبراء رشحوا لنا فنادق مكيفة في جنيف وانترلاكن تكون اسعارها معتدله في نصف شهر سبعة او اول شهر ثمانية هجري ساعدونا الله يعطيكم العافية حيث ان التاشيرة تتطلب اثبات السكن

النوروالبلور
عزيزي
السلام عليكم ورحمة الله
بصراحة انا مع الاخ ابو عزيز في حكاية التكييف ( تو جاي من انترلاكن وكنت ساكن فيه من السبت 9 ابريل الى الاربعاء 13 ابريل .. التكييف زيرو وحنا في ابريل وبعد الجو بارد .. لكن الموقع ممتاز جدا .. امامك ماكدونلز .. قريب منك الماغروس وجنبك محطة انترلاكن وست وصراف والمطعم الهندي مو بعيد ..عندهم برياني دجاج روعه .. وسينما حليوة .. يعني الموقع خطير .. الغرفة وسيعة جدا ومناسبة و النت مجاني والفطور مو ذاك الزود وكان ايجاره بالنسبه لي 190 فرنك بالليله وهذا السعر الى 30 ابريل وبس وبعدها يرتفع الى 250 فرنك .. )

اشكركم اخواني على المشاركة اولا اخي ابو عزيز للاسف انا اكدنا الحجز مع المكتب بس حنا سفرنا بادن اللة شهر 6 ميلادي مو سبعة يعني انشاللة يكون الجو ابرد والا وش رايك اخوي ------ اخي مدمن روما شكرا على المداخلة