الفندق 3 نجوم...حليل وهاديء وخدمته طيبة وفيه من غرفه مكيفة .
وموقعه قريب من البحيرة والسوق ومركز مانور التجاري. وقريب منه محل شاورما تركي ، ومطعم هندي.
الفندق فيه مواقع بس قد تكون محدودة ويبيلك تشيك مع الفندق من الحين،
بالاضافة الى ان خلف الفندق فيه موقف عام بفلوس طبعا لكن غير آمنة 100%.

لاهنت اخوي saudturki2000 وانعم الله عليك
دامه على قولتك حليل ( يمشي الحال) اجل شكلي بعتمده وعلى الله , ياخوك والله دخت , حنا (شباب) انا وصديقي ناوين نروح كذا دوله اوربيه وهذه اول مره نورح لاوربا قلنا نبي نضبط كل شي قبل السفر , بس والله ان تضبيط البرنامج حق السفر ماهو شي بسيط , لكن بمساعدتك ومساعدة الاخوان بالمنتدى كل شي يبي يهون باذن الله .
انا ان شاء الله حصلت التذاكر لانها اول شي لازم الواحد يسوييه , وتقريبا وزعت الايام لك دوله , والحين باقي الفنادق .
عاد شفت ان فدق كرستال زين ويمشي الحال قلت ابي اسال اعضاء المنتدى عنه ليكون فيه عيب قوي , لكن دامك ما تذمه شكلي بعتمده , وبروح الحين ساحة الاسفسارات واسال عن فندق جايزلي بانترلاكن.
وشكراا جزيلا

ترددت قبل ان اسال عن فندق انترلاكن بساحة الاستفسارات , قلت خل استفساراتي بمكان واحد عشان ما اكون مزعج .
شرايكم بفندق Merkur Restaurant And Hotel Interlaken في انترلاكن ؟