1-هل هذي الورقة المستخرجة من جهة المكتب تكون معتمدة عندنا في السعودية؟؟
2- ويش اللي يضمني انها معتمدة ؟؟؟
الورقة يجب ان تُختّم من المصنع .. وان كان المكتب سيخرجها لك فأعتقد والله اعلم ان الختم مزور بمعنى اي ختم صيني يضربه في ورقة تطابق المواصفات ويمشي الحال ..
3- طلب مبلغ 200 دولار لاستخراجها فهل هذا المبلغ معقول؟؟
هذا مجرم !!
0دولار ؟؟ المصنع يستخرجها بلاش ..
بالنسبة لل سي بي ام لا اعرف سعره ولم يسبق لي العمل به لما فيه من ( لخبطه ) وتعقيد ومشاكل ما بعد الوصول لميناء السعودية مع من اشتركت معهم بالكونتينر ..
وبالتوفيق ..

مشكور اخي طير على ردك بس حبيت ابلغك
ان المكتب الا قال انه يستخرج لي الورقة احد المكاتب الموجودة في موضوع المترجمين
وانت تقول انه مجرم لطلبه هذا المبلغ مع اني ( وانت ادرى وثقتي فيك اكبر منه) لاحظت انه رخيص جدا مقارنة بغيره فعندك مثلا قال لي سعر السي بي ام 50 دولار وغيره قال لي 90 دولار فشوف الفرق كيف؟
هذا غير انه قال سعر الكونتينر 20 قدم 2000دولار شامل الاوراق ونسبته الا هي 200 دولار بعد فايش رايك فيه؟؟
وبعدين انا بضاعتي مثل ماقلت اقل من كونتينر فايش تنصحني فيه طالما انك تقول فيها لخبطة ؟؟
شور علي الله يجزاك الجنة

اخي من ناحية شهادة المواصفات. اذا كانت بضاعتك فيها نوع من السوائل او من ادوات الكهرباء كا اللمبات يحتاج الي شهادة تسمى بي Saso ساسو.هذه الشهادة يعترف بها من السعوديه بانا المواد طبقا للمواصفات العالمية.والمكن الذي ذكرته معقول او اغلى. اما اذا كانت شهادة عادية فالمبلغ كثير.

المبلغ مناسب وللمعلومية اغلب المصانع الصغيره ماعندها شهادة مطابقه وبالنسبه للمكتب انتي وش عليك منه اهم شي امورك تمشي حتى لو يجيب الورقه من اي مكان

اخوي حضرمي العابي ليس بها شيء من ادوات الكهرباء ولا سوائل
اخوي عاصي نجد والله احترت بينكم واحد يقول مجرم وواحد يقول كبير وواحد يقول معقول ويش العمل الحين؟؟
بعدين انا ماعلي من المكتب ولا غيره انا المهم عندي ما ادفع الا وانا مستفيدة لاني اخاف ادفع حق الشهادة ويقولون لي في الجمارك بليها واشربي مويتها :112:

شوق200000
اختنا شوق
نصيحتي لك كالاتي
0دولار للمتر مناسبه جدا
2 200 دولار لشهادة المواصفات هذا يعتمد على بضاعتك
فان كانت بضاعتك من صنف واحد يعني شهاده وحدها تكفيها وفي نفس الوقت
تعرفين ان ال200 دولار لاتؤثر على ارباحك فتوكلي على الله بشرط ولاحظي معي جيدا
لايجي بعدين ويقولك فيه طلبات ثانيه مثل ورقة عبور وسعرها 2000 كواي وقيمة اوراق وغيرها طلبات جديده
لان بضاعتك صارت بيده وانتي مظطره للدفع
اكرر
اذا كانت التكاليف فقط سعر الشحن 50دولار شامل اخراج الاوراق و200 دولار ورقة مواصفات
فتوكلي على الله

هلا اخوي ابا جوري والبضاعة مثل ماتفضلت من نوع واحد
وال200 دولار هذي خاصة بالشهادة من دون سعر الشحن الا هو 50 دولار للمتر وهو اعطاني المبلغ الاجمالي للشحن بالاوراق
بس السؤال المهم انا ويش يضمني ان هالشهادة راح تكون معتمدة عندنا هذا اهم شيء؟؟
لاني اخاف ادفع 200 دولار على الشهادة وما تطلع معتمدة يعني كيف اعرف اذا كانت معتمدة ورسمية او لا؟

هذا غير انه قال سعر الكونتينر 20 قدم 2000دولار شامل الاوراق ونسبته الا هي 200 دولار بعد فايش رايك فيه؟؟
ياخذ نسبة من سعر الكونتينر ؟!
النسبة من قيمة البضاعة فقط لا غير ..
بالنسبة لسعر شهادة المواصفات فليس شرط ان يخرجها المصنع سواءاً كبير او صغير
بإمكان المكتب او اي شخص اخذ الابلكيشن او الورقة من الجمارك السعودية واعطائها المصنع لتختيمها
ويبقى تعبئة بيانات عادية جداً مدري ليش معقدين الموضوع ومظهرينها كأنها صك مصنع
المهم الورقة اخراجها مجاني هذا اللي اعرفه وسبق وعملته قبل 20 يوم تقريباً والله اعلم اذا صاروا ياخذون عليها اليومين هذي فلوس او لا ؟!
وما دام مكتبك بيعوضك بطريقة اخرى وهي سعر السي بي ام مو مشكلة
وبالتوفيق لك ..

رقم السفارة في بكين اتصلي ويفيدونك بدل وجع الراس ومايقصرون واسالي عن صيني اسمه داود يتكلم عربي وهوموظف فيها والله يوفقك
01065324825