السلام عليكم ورحمة الله وبركاته،،
اخواني انا قدمت حجز فنادق عن طريق وكالة الفرسان ودفعت عربون 500 ريال بالبداية
المهم انا عطيتهم هالبرنامج الي سبق وكتبته في المنتدى
https://artravelers.com
وقالوا لي بنتصل عليك بعد يومين علشان نعلمك اذا كان فيه شي شاغر ولا لا (هالكلام بتاريخ 28-7) قبل اسبوع تقريبا
وراحت ثلاث ايام ولا ردوا علي رحت لهم قالي الموظف الي انا متابع معه لسا تعال بكرا واجيهم من بكرا ويقولي تعال بكرا واقوله كل يوم بجيك تقولي بكرا ؟ اذا منتم مخلصين رجعوا لي العربون احجز من وكالة ثانية
قالي عطني يومين وبعدها اذا ماجاك رد اسحب فلوسك!!
طبعا الرحلة ببداية سبتمبر..
الشي الي مخليني استعجل اني ما اضمن لو تأخرت الوكالة اكثر من اسبوع ممكن يصير بداية سبتمبر كله مزحوم ولا فيه شي شاغر..
عندي كم استفسار اتمنى الاقي له جواب عندكم..
هل الحجز ياخذ كل هالوقت حتى تتأكد بس اذا كان فيه بالفنادق شي شاغر ولا لا ؟
ووش تنصحوني بوكالة سفر غير الفرسان او اسرع من الفرسان بحجز الفنادق؟
واذا صارت وكالات السفر تتأخر هل تنصحوني بموقع مضمون على الانترنت اقدر احجز فنادق ماليزيا عن طريقه؟
اشكر لكم تعاونكم وسرعة استجابتكم دائما
يعطيكم العافية