حياك الله أخي الكريم ...
مكاتب إيجار السيارات كثيرة ومتعددة في المطار .... الأفضل انك تتصل عليهم وتتاكد من السعر وتحجز السيارة إذا متوفرة في الفترة المطلوبة ...
عندك:
بدجت: 0097317321268 رقم مكتب المطار
أوسكار: 0097317321313 مكتب المطار
هيرتز: 0097317321358 مكتب المطار
وان شاء الله تحصل اللي تبغيه

الغالية
مشكوره يا الغاليه ماقصرتي كفيتي وفيتي:

جاسم صبحك الله بالخير
مكاتب المطار مجربه شخصيا وخصوصا السيارات الفاخرة
وارقام المكاتب اللى ذكرتها الغالية فوق هى مختصة بمكاتب ايجار سيارات صغيرة وغير فاخرة
واذا انت من اللى يدورون اللكزس لاتتعب نفسك
ان حبيت تلقا ارخص الاسعار والوان متعددة عليك بمكتب الخليج اللى بين سينابون والسوبرماركت اللى بالمطار
واللى يكون الوحيد اللى على يمينك لما توصل صالة القدوم وباقي المكاتب على يسارك
اللكزس s 460 l يوميته 130 ويوصل فيك ل110 دينار على حسب اذا كنت زبون وعلى حسب عدد الايام
والوانه متوفرة الزيتي الابيض الاسود
اللكزتس 460 الشورت يوميته 120 ويوصل فيك 100 وعندهم واحد ابيض جديد يطرح الطير من السما
واللى بالمحل شقرديه لافيزا ولاهم يحزنون
التامين ارقد امن خاصة فى البحرين النظام عندهم ايزي
رحلة موفقة وحياك

aburakan
مشكور اخوي aburakan وماقصرة والله وردك صراحه ريحتني خليتني اعرف حسبتي على السياره انا كنت معطيها اكثر من جذي يعني لو اني رايح وماشفت ردك الحلو كنت حاسبلها 250 دينار اليوم يعني لو يقولي 200 راح استانس بس الحمدلله اني شفت ردك بارك الله فيك