نعم توجد سيارات لموزين من مطار البحرين الى مكان ماتبي في السعوديه وتوجد سيارات تأجير من المطار وكل شي موجود تبغي بسائق او بدون سائق انا افضل تأخذها بسائق وعندك مكتب هانكو لتأجير السيارات عنده فرع في المطار وفرع في الخبر .
والاوراق المطلوبه : رخصة القياده والفيزا كارد اهم حاجه لتأجير السيارات
اما عن الشقق عليك بفندق الليت سويت بالقرب من مجمع البحرين ومجمع السيف او شقق اليت رقم : 5 في الجفير شقق عائليه
اما عن الاسواق اسواق البحرين تسكر الساعه 10 مساء اما الخبر تسكر الساعه 12 منتصف الليل وافضل مكان للتسوق في الخبر شارع سويكت ومجمع الخبر مول وفي شارع الكورنيش مجمع سوق الجمعه هذا المجمع مشحون فساتين زفاف وسهرات واسعاره جدا ممتازه ومجمع الراشد ومجمع الضهران
واي استفسار ارسل لي على الخاص وانا تحت امرك :36_1_11: كل شي ولا اهل الدوحه

علبة فكس
مرحبا ياخي /
ما قصرت ياغالي ، وجزاك الله خير ،،

علبة فكس
مرحبا ياخي /
ما قصرت ياغالي ، وجزاك الله خير ،،

..

.

• .

:

رجل شرقي
أبوريم حياك الله بديرتك ، ولو تسٌير علينا بالرياض ماهي شينة ، وترى شفت موضوعك عن الأسواق ترى الرياض مليانه اسواق وحوسه حقت الحريم يعني كذا

اخوي رجل شرقي في البحرين عندهم صحف خاصه بالأعلانات
بتلقى فيها اشخاص كثير يعرضون خدماتهم للتوصيل للخبر ومناطق المملكه
ممكن تكون اسعارهم ارخص من الشركات
وبالنسبه للأسواق في البحرين السيف والدانه اظن شغالين طول اليوم
اما العالي والشيراتون من 9 الى 12:30 وبعدها يسكرون فتره استراحه الظهر ويفتحون العصر
نفس الشي غالبيه اسواق الخبر اذا مو كلها
يسكرون مع اذان الظهر ويفتحون 4 ويسكرون على 11
طبعا المحلات هي اللي تسكر اما المجمعات ابوابها مفتوحه من 9 الصباح الى 11 بالليل
وحياك الله يارب تنبسطوون

عباس الأبيض
هلا والله بالغالي :
يشهد الله ان لك معزه خاصة بالنفس ، انت واخوي الهدار والدار .
ادامكم الله وابقاكم ،،
الرياض بصراحه ما قد جيتها ، والله يكتب لنا سفره لها باذن الله .
والمشكله ماني دليله في الرياض ، ولا معي خريطه تدليني الاماكن والشوارع .
بس ان شاء الله ازورها .
وهالمره خليها على الخبر والدمام والبحرين .
تحياتي
والله يفرح قلبك مثل ما فرحت قلبي بمشاركتك .
اخوك
رجل شرقي
الدوحة