احد يقدر يفيدني يا شباب؟
ولا ما عندكم معلومات؟

هلا ابو تراحيب
بخصوص كرسي الاطفال ماعندي خبر عنه
لكن احرص على سيارة ديزل اوفر لك وتكون مع نافيقيشين
عند الاستئجار احرص تكون معك رخصتك المحليه وبطاقة كردت كارد
وبالتوفيق

أبو تراحيب
مرحبا اخويه ..
انا ماعرف عن كرسي الأطفال!! بس تقدر تتصل في europacar اللي عندكم فالبلاد وتسألهم عن كل المعلومات اللي تباها حتى لو ما حجزت عندهم.. لاني انا سويت نفس الشي..
اتصلت وقالولي هالمعلومات ممكن انكم تستفيدون منها:
1) المستاجر لازم يكون فوق ال 25 سنه يقدم معلومات رخصة القياده وجواز السفر
2) يكون عنده بطاقتين كردت كارد تعود لنفس الشخص (ماياخذون منك وحده ومن صاحبك وحده) لازم من نفس الشخص.
3) اتأكد ان التأجير لعدد كيلوات مفتوح مب محدده.
4) لازم تعلمهم بمكان ترجيع السياره ولو كان لنفس الدوله يطلعلك ارخص.
5) املي خزان الوقود قبل ماترجعها ولا بغرمونك.
6) اتأكد من سعر التأجير انه يضم سعر التاكس عشان تعمل حسابك
هذا اللي اللي قالولي اياه Europacar فالامارات
والسموحه

شكراً اخ Boby
و شكراً جزيلاً للأخت أموسه
سوأل آخر:
هل استطيع التنقل بالسياره المستأجره بين دول الاتحاد الاوربي بحريه؟

1-تستطيع التنقل بالسياره بين دول الاتحاد الاوربي
2- التاكد من السياره المستاجره ان لايكون فيها خدوش في البويه وكسر او شطب في القزاز التشيك عليها كانك بتشتريها من الامام والخلف واذا وجداي شي تخبر مسلم السياره لك في المطار مثلا او المكتب ان يوشر على مكان الملاحظات في فاتورة التاجير
3- عمل تامين شامل للسياره المستاجره يضاف مع تكلفة التاجير

مشكور اخوي send على هالتوجيهات القيّمه

اتمنى من عنده خبره يعطينا فكرة عن :
1- طريقه دفع الرسوم بين الدول (تحتاج الخروج من السياره او كباين بالطرق ) وهل اللغه بالأنجليزي للمسارات
2- طريقة الدفع للمواقف (تحتاج كوين عمله معدنيه او ...)
3- Pia التامين ضد الحوادث الشخصيه ماذا يعني وهل التأمين الشامل مكلف وينصح به
4- ان كانت السياره بنزين هل توجد انواع للبنزين او تعبي اي نوع (جلد ماهو جلدك جره على الشوك)
عذرا لكثرة الأسئله ولكن كرم الأخوان طمعنا ولتعم الفائدة للجميع