حياك يالغالي .. وبارك الله لك وبارك عليك وجمع بينكما في خير
انت تامر امر .. عين فراش وعين غطا .. امرني بس ؟؟

ابيض وجه , تسلم ولاهان غاليك, ,,
انا زواجي انشاالله في شهر نوفمبر في بداية الشهر , ولكن أفضل التخطيط والتنفيذ قبل الرحله , والسبب أن التخطيط من أهم الاسباب بعد توفيق المولى عز وجل في جعل الرحله لاتُنسى , فما بالك في أول رحله لأول شهر عسل ( يعني النيه موجود لشهر عسل ثاني مع الغاليه نفسها أكيد )
ومالك في طوالها ياذيب ...
في البدايه بالنسبه للحجوزات
الحجز موجود من جده الى باريس والعكس ,,
ومن جده الى فيينا فقط ,,,
المده ان شا الله مابين ال 13 يوم و 16 يوم
اريد زيارة باريس وديزني لاند , واريد زيارة فيينا ومدينه اخرى توصى بها (هادئه )
لااود التنقل بين اكثر من ثلاث مدن ..
في انتظار رأيك ... ونصائحك وتوصياتك بالفنادق المعقوله والنظيفه والسعر المعقول واذا كان هناك باكج معين تنصح به ...
ودي و ورودي

ومن قال يسلم ..
شوف يالغالي .. اذا ما ودك تزيد عن 3 مدن .. والشي الثاني اذا حجزك من باريس ذهاب وعودة .. فاعتقد المسألة راح تكون متعبة شوي اذا كنت برضو بتزور النمسا .. لو سويسرا كان قلت مو مشكلة لانها بين فرنسا والنمسا .. يعني قريبة من فرنسا . بمعنى انو من الصعب عليك تتنقل بين 3 دول او حتى لو بالطيران .. وفي مدة اسبوعين .. يعني انا افضل لك تكون رحلتك الى دولة وحدة .. واذا مصر على الاقل تكون دولتين متجاورتين .. عشان تسهل عليك التنقلات .. وخصوصا انو شهر عسل .. ولكن بغض النظر عن هذا واذا مصر على باريس وديزني ومصر على النمسا .. فعندي لك بعض المشورات .. اولا ليه ماتحاول يكون وصولك الى باريس والعودة من فيينا او العكس .. كذا يصير جدولك بعد باريس تطلع على ميونخ بالطيران ومنها بالقطار على سالزبورق وزيلامسي وبعدها بالقطار على فيينا .. او العكس ..
طبعا كلامي هذا عشان اريحك من العودة مرة ثانية لباريس لانها راح تكون رحلة متعبة .. وانت شهر عسل !!
وفي برنامج ثاني وهو لفرنسا وسويسرا فقط .. ولكن ابي اسمع رايك على كلامي اول ؟؟ وبيينا لقاء غداً باذن الله
تصبح على خير ..

سلم غاليك ,,
الله ينور عليك دنيا واخره ,,,
الصوره وضحت الحين , وسؤال عالطاير ( الفرق في الاسعار في الفنادق بين النمسا وفرنسا عالي ) ؟؟
خلاص تمام كذا , تكون بين فرنسا وسويسرا او فرنسا لوحدها بسبب تخوفي من الاسعار في سويسرا ,,
نلغي النمسا الحين من الخطه مؤقتاً ,,
ونعود لباريس ,,,
وتكلفة الفنادق والمواصلات ,,
في انتظارك غداً ,,,
تلاقي الخير ياغالي ,,

والسلام عليكم ورحمة الله
كيفكم ياخواني وأخواتي؟
عندي سؤال لك ياأبوعبدالاله جزاك الله خير
أنا حجزت بالفنادق على النمسا بالأنترنت
ولما طلبوا مني أدخل رقم السي في سي مالقيت خلف بطاقتي الراجحي أي أرقام لقيت ست أرقام تقريبا تحت الرقم الطويل الي قدام ودخلت اخر ثلاتة أرقام وقالي الموقع حجزك أوكي وارسلوه لي على الايميل
السؤال طال عمرك هل حجزي كذا مضمون؟
وهل المكتب بيوافق يطلع لي تأشيره وأنا ماحجزت فنادق عندهم؟

وعندي سؤال ثاني
السفاره يشترطون عليك تجيب ورقه من الفندق بتأكيد الحجز وأنا للأسف ماأعرف كيف أرسل للفندق
ياريت تقولي كيف؟
شاكرين ومقدرين

الديراويه
ما أقدر أقول ولا كلمة الاستفسار للغالي بيمو

haeel
المعذرة يالغالي .. ما ذكرت الموضوع الى يوم رفعته الاخت اليراويه ..
بالنسبة لرأيك وهو الغاء النمسا هذا يعتمد على رغبتك .. وبالنسبة للاسعار حسب ماسمعت انو فنادق فيينا بالذات غاليه حبتين عن باقي المدن .. وبالنسبة لفرنسا وسويسرا ماعندي ذيك الخبرة الكافيه ,, ماعدا روؤس اقلام اقدر افيدك بها .. ولكن اخوانك في بوابتها بيفيدونك .. واذا بغيت اي مساعده انا جاهز ..
بالتوفيق ..

الديراويه
حياك اختي ..
اختي انا ما ادري اي نوع بطاقتك .. بس الارقام الثلاثة تلقينها خلف البطاقة وتجي بعد الرقم الطويل المشابه للرقم اللي قدام .. وتجي بعده بمسافة رقم او رقمين ,, وهي 3 ارقام .. راجعي موضوعي المثبت حق شرح Booking .. وتلقين صور للبطاقات .. وعموما بما انو ارسلو لك ايميل .. فانتي اتصلي وتاكدي من بياناتك ..
بالنسبة للمكاتب مو شرط يطلبون حجز من عندهم .. اذا معك او هم يسون وهمي .. هم عنهم اسلوبهم الخاص .. وبالنسبة لمراسلة الفنادق في نماذج لو بحثتي بقوقل .. ولكن انصحك عطيها مكتب وادفعي كم قرش زيادة بس ريحي راسك .. وكلها اسبوعين الى 3 والتاشيرة بيدك ..
بالتوفيق ..