1. عدد الاشخاص (5) كبار، (3) أطفال ، (1) اقل عن سنتين


2. حجزت في فيينا (4) ليالي في فندق لي ميريديان، طبعاً (3) غرف


3. وبعدين راح أرجع لفيينا في فندق (جراند) ما يقارب (8) ليالي........

أخواني أبو مانع وآخر الفرسان شو اخباركم،،، ولو أني حاطه بخاطريه شويه على آخر الفرسان والمشرفين لأنه ولا واحد رد على موضوعي بخصوص السيارة.... المهم هذا برنامجيه السنة ويا ليت لو تعطوني رايكم يا أبو مانع وآخر الفرسان بالنسبة للسعر والرحلة........

عدد الاشخاص (5) كبار، (3) أطفال ، (1) اقل عن سنتين

سعر التذاكر بدرجة رجال أعمال على طيران الإمارات من مكتب بن حرمل عطوني بسعر 6760 درهم للكبار، ومن مكتب السياحة في أبوظبي ما يقارب 7000 درهم يعني تقريبا نفس السعر لو خذته من شركة طيران الإمارات مباشرة.. وللأطفال ما يقارب 5500 درهم ولولدي عطوني 900 درهم....
بالنسبة للفنادق:

حجزت في فيينا (4) ليالي في فندق لي ميريديان، طبعاً (3) غرف

كلكينفورت (2) ليلتين، وراح نطلع من كليكنفورت طبعا وبنروح فينسيا وبنلف داخل المدينة
سالزبورغ(3) ليالي في فندق الشيراتون بس للحين ما حصلوا حجز، فطلبت كراون بلازا لأنه زاخر ما عيبتني غرفه ،، أنا كنت ساكنه السنة اللي طافت في القلعة في سالزبورغ، وهو أغلى فندق أغلى عن زاخر بس بعيد عن السنتر، والأطفال ما راح يرتاحون فيه،، بس فيه فندق جديد في سالزبورغ ما أعرف إذا فتح وإلا لا في السنتر اللي سمعته من (عماد تورز) إنه راح يفتحه في هالصيف

وبعدين راح أرجع لفيينا في فندق (جراند) ما يقارب (8) ليالي........

بالنسبة للسيارة أعرف مصري السنة اللي طافت كان معانا على طول لمدة (4) أيام بس ما أذكر كم خذ منا بالضبط ،، فلما أتصلت له السنة قال لي (450) يورو في اليوم، وقلت له يدور لي سيارة وحدة طبعاً القوانين هناك لا تسمح بأكثر عن 9 أشخاص مع سائق،، وأذكر في سنة من السنوات وقفونا على الحدود ونحنا رايحين على إنسبروك مع أهليه، يتاكدون من عدد الأشخاص... علشان جيه لازم ناخذ سيارتين وأنا موب حابه لان الجماعة اللي معايه حابين نروح بسيارة وحده لأنه أطفال اللي معانا....
شو رايكم بالبرنامج ...... بالنسبة للأسعار بن حرمل عطاني سعر (152) ألف بعد الخصم (118) ألف، لا لمدة (14) ليلة فقط ، وما كانو حاجزين لي في كليكنفورت،،، أما السياحة في ابوظبي عطوني ما يقارب (98) ألف درهم بدون سالزبورغ وكليكنفورت،،، وحالياً عدلت البرنامج كامل وعطيتهم فرصة لين ما يرتبون كل شي ويأكدون على الحجوزات وبيعطوني السعر النهائي.......
يا ريت لو تعرفون سواق عربي وأمين ويعرف بالأماكن السياحية تعطوني رقمه أو أي مكتب سياحي موثوق.
مشكورين .......... و آسفه أني طولت عليكم......