katim_ala7zan
18-05-2022 - 03:45 am
السلام عليكم
بداية احب ان اشكر كم جميعا من مشرفين ومن اعضاء لهذه الجهود المبذوله لإنجاح هذا المنتدى
بالنسبة لي انا ان شاء الله زواجي بعد شهر ونص بتاريخ 26/7/2007
وانا مسافر لماليزيا ان شاء الله بتاريخ 28/7/2007 والعوده في 22/8/2007 وعندي حجز انتظار بتاريخ 16/8/2007
وتبون الصدق ماعندي الا الدجه ولا ادري وش الطبخه ولا اعرف وين اروح ووين اجي واي فندق احجز ولا اي مدينه اروح يعني بالعربي ميح ولا شي اعرفه جاهل بمعنى كلمة جاهل بهذيك الديره
طبعا قريت كذا تقرير بهالمنتدى وتعرفت على بعض المعلومات عن ماليزيا بس المشكله تختلف الاراء من عضوا لعضوا اخر فياليت تفزعون معي يالربع وتقولون وش اسوي ولكم جزيل الشكر والامتنان والتقدير ...
1- اي المدن مناسبه لشهر العسل (الطبيعه , كثرة الاماكن الترفيهية , الهدوء)
2- أي الفنادق افضل (الخدمة , النظافة , الجوده) طبعا 4 نجوم وفوق او اقول لكم خلوها خمس انجوم كم شهر عسل بنعيشه
3- بالنسبة للطيران الداخلي اي الطيران افضل ؟
4- هل يوجد مكاتب جيده لحجز وترتيب الرحله يعني اخذ البكج منهم ؟ طبعا انا من اهل الرياض
بارك الله لك وبارك عليك وجمع بينكما في خير.
أخي الكريم ، ليتك تطلع على بعض المواضيع السابقة للأعضاء ، مثل رحلة أبو لينا وغيرها.
لأنهم سيختصرون عليك كثيراً من الجهد.