اختي كثيره هي الصفحات التي فتحتيها وما اعرف على اي واحد انجاوب .. ارجو الالتزام بصفحه واحده حتى لا نتشتت معاج ..
الفندقين عاديين جدا .. شوفي هذوله
Hotel Astoria
Best Western Hotel Beethoven
Best Western Premier Schlosshotel Römischer Kaiser
Hotel Capricorno
هذا بقلب شارع الماريا هلفر .. وكيلوين عن ساحة استيفنز
Hotel Kummer
نرجع الى ساحة استيفنز هذا
Austria Trend Hotel Ananas
هذا اعتقد بيناسبكم سعره
Holiday Inn Vienna City
وهذا خطوتين وانتي بساحة استيفنز وبيناسبكم سعره
Mercure Wien Zentrum
اعتقد اني ذكرت من قبل لكم فندق اوربا وهم باركنق
تحياتي

اولا اسفه اخوي لانو فتحت اكثر من صفحه بس هذا كلو من تعبي لانو مااحد يعطيني الرد الكامل,, اني وي يعطيك الف عافيه لانو عطيتني الرد الكامل و الف شكر لك و للكل,,

الله يوفقج .. خبريني شنو اخترتي
تحياتي

اسفه لانو اتأخر بالرد..ومشكور اخوي علي ع اهتمامك..موفق..
و الله بعد للان مابعد رسيت على خيار .. لانو بعدني مسترغبه من نقطه ماتوضحت في كل الفنادق المطروحه في الويب سايت تبع البوكنج و اللي هي كيف يكون نظام الغرفه اللي راح احجزها راح تكون عباره عن غرفه او غرفتين او كيف؟؟ الويب سايت يكتفي بس بالسعر ..الموقع..الخدمات الاضافيه اللي يقدمها الفندق..عدد الغرف المتوفره للحجز..اما كم غرفة داخل الشقه او الغرفه اللي ححجزها بعدها مأرقتني حبتين..فياليت اللي عنده خبر يفيدني..

اختي ببوكنق كل شيئ واضح بارك الله فيج ...
انتي تبحثين عن فندق وله شقه ..

و الله يالغالي ياريت تكون شقه لانه احنا عبارهعن ست اشخاص ..
و بالنسبه لبوكنج اللي من جد وترني رجعت له ميت مره ومو مبين اللي تقولون عنه انو عدد الغرف..
ومشكور لاهتمامك اخوي..

انزين انت شنوتبي تعرف ...؟؟
وبعيدن هذي الفنادق ممك تأخذ غرفتين ثلاثيه لكم
او تشوف رابط الشقق بفينا هنا
https://artravelers.com/p/re/345912

و الله اللي انا ابغى شي جدا سهل و بسيط بس بلشت احس انه اصعب من الصعب من كثر مالبكتكم معاي و من ورى بوكنج العزيز..اخوي عارفه انو البوكنج فيه و مو مشكله طريقة الحجز و لا انو ارسى على فندق او شقه معينه المشكله انو لما الاقي المطلوب و اشوف الخدمات اللي يقدمها الفندق الاقي كل شي تمام وميه ع ميه..و عارفه انو ممكن احجز غرفتين او ثلاث..بس انا مو جابه فكرة الغرف و الظاهر انه كل الفنادق هناك ع هالنظام..و الاغرب انو فيه فنادق يكون عدد الافراد المسموح فيها يوصل لست اشخاص مع انه هو عباره عن غرفه واحده بس فهذا اللي مستغربه منه انو معقوله غرفه و تستوعب ست اشخاص؟؟او المقصود سويت بس هما يكتبوا غرفه؟؟و اذا الوضع ماشي كذا كيف اتأكد من الموضوع؟؟
و الله ريح راسك راح تتعب معي و مع العزيز بوكنج..

شكلك اخوي علي حسيت انو معي حق و الموضوع يحير؟؟ صح معي حق بتساؤلي و لا انا مو قادره افهم؟؟