ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
white angel
02-06-2022 - 08:34 pm
السلام عليكم ورحمة الله وبركاته
كيف الحال..؟؟
وكيف السفر معاكم
طبعا بدخل في الموضوع على طول
اول شي قررنا نسافر لماليزيا في اقل من سبوع
يعني تحولت السفره من النمسا الى ماليزيا علشان الظروف
بس المشكله ان ماعندي خلفيه ابد في ماليزيا
حتى اسماء المناطق مو معروفه
الطيران انشالله بيكون على طيران الخليج
ومدة السفر 20 يوم
بليز عطوني برنامج بالتفصيل الممل
كيف التنقلات
و افضل الاماكن في كل منطقة
بصراحة مااعرف شي
واذا فيه شركات في ماليزيا مضمونه اقدر احجز فيها عن طريق الانترنت يكون افضل تنظم لي برنامج كامل للتنقلات والسياحة
الرحلة ل5 كبار و طفل
الوالد والوالده و 2 بنات كبار(انا واختي ) و ولد 12 سنه وطفل 9 سنوات
بليز لاتبخلون علي بالمساعده
لاتخلوني ابغى يتم السفر والحجز في هذا الاسبوع وعلى سبوع الجاي السفر
الاهل معتمدين على في هالسفره


التعليقات (6)
سوسو الصغيرة
سوسو الصغيرة
هلا اختي " white angle"
حاولي تشوفين مواضيع الاخوان في التقارير المصورة و اكتبي الاماكنو المطاعم اللي يروحونها في ورقة جانبية بتطلع اللسته عندج كثيرة ....
و مكاتب السياحة ما تقصر تسألينها عن اي شي ما بيقصرون معاج...
تروحين و ترجعين بالسلامة إن شاء الله ...
انا سفري بيكون على 20/8/2007 ( يعني اخر الصيفية )
شكرا

aidrsss
aidrsss
"الاهل معتمدين على في هالسفره"
و ان شاء الله انت قدها و نص
اول 3 ايام في ولاية سيلاجور (تقريبا نفس كوالالمبور العاصمة)
الفندق هو:
صنوي بيراميدز
ثلاث او غرفتين متصلتين
اليوم الرابع (طيران الى جزيرة بينانغ )
و الاقامه فيها لمدة 5 ايام
الفندق المقترح (باي فيو بيج)
ثلاث او غرفتين متصلتين
اليوم التاسع (بالفيري و الى جزيرة لانكاوي)
و الاقامه فيها لمدة ثلاث ايام
الفندق المقترح
لانغاوي لاغون
ثلاث او غرفتين متصلتين
اليوم الثاني عشر (طيران الى كوالالمبور)
الاقامه فيها لمدة 8 ايام الباقية
الفندق المقترح
شقق سوكاسا او ميكاسا
ثلاث او غرفتين
البرامج الي ممكن تعملوها في الرحلة ممكن تلاقيها بسهولة في المنتدى و ارشح موضوع الاخ الماهري
اما الحجز فنعم يوجد هنا في ماليزيا عدد من المكاتب الماليزية الي ممكن تحجز عن طريقهم
كذلك يمكنك من التواصل المباشر مع الفندق او عن طريق موقع (http://www.asiatravel.com )
و دمتم

مسافر مختب
مسافر مختب
السلام عليكم
بالنسبه للشركه اللي تحجزين فيها على النت مافيه افضل من اسيا ترافل..
http://www.asiatravel.com
وبالنسبه للبرنامج..
شوفي هالرابط..
ولاتنسين تدعين للي مسويه.. وللي دلتس عليه وماراح تحتاجين احد يخطط اي شي..
https://artravelers.com
تحياتي لك
اختك مسافر مختب

الرايق_2009
الرايق_2009
اي نعم يا white angel
عليك بالملف الي ارسلته مسافر مختب
من جد رهيب.. انا اول مره راح اروح هناك شهر عسل.. و معتمد 100% علي الملف
نتمنى لكم التوفيق

ابوعبداللطيف
ابوعبداللطيف
عندك موقع ممتاز لحجز الفنادق http://www.passionasia.com
اما عن باقي تنقلاتك واماكن السياحة فعندك تقرير ابو ليان او التقارير المثبتة

white angel
white angel
مشكورين جميعكم على الرد
بالنسبه لموضوع الاخ الماهري
موجود عندي وبدأت اقرأ فيه
بس المشكله مو على الفنادق الحجز مافيه اسهل منه على النت هو والطيران
بس المشكله على الاماكن السياحية
كيف الجدول اليومي يكون
وكيف نضمن لو رحنا لمكان مايكون مقفل والا مخلصه التذاكر
اول مره نسافر لدوله غير الدول العربية
ومانبغى نتوهق مع الصغار وتعرفون العايله
ومشكورين مره ثانيه


خصم يصل إلى 25%