حياك الله اخوي واتمنى لك التوفيق في حياتك الزوجية القادمة
في نظري لو تقدر تزيد ليله او ليلتين عشان تستمتع اكثر ترى التنقلات بين ثلاث دول صعبه شوي او تستغني عن دوله وتكتفي بدولتين فقط
افضل مخطط في نظري
فينا 4 ليالي
زيلامسي 4 ليالي
انترلاكن 5 ليالي
باريس 4 ليالي ومنها تزور ديزني في نفس اليوم وترجع

• * يرجى ملاحظة التالي

1) المسافة مابين فينا وزيلامسي اربع ساعات ونصف (اسرع قطار) و البقية خمس ساعات واكثر
2) المسافة مابين زيلامسي وانترلاكن ثمان ساعات ونصف مع تغيير قطارين في انسبروك النمساوية وزيورخ السويسرية
3) المسافة مابين انترلاكن و باريس ست ساعات ونصف مع تغيير قطار في بازل السويسرية او جنيف السويسرية
لو قررت تختار دولتين وهي سويسرا و النمسا يصير المخطط التالي
فينا 3 ليالي
زيلامسي 4 ليالي
سالزبورج 3 ليالي
انترلاكن 5 ليالي
جنيف (زيورخ) ليلتين و العودة منها الى ارض الوطن
ولو حبيت تستغني عن النمسا وتروح سويسرا وفرنسا يصير المخطط
باريس 5 ليالي
مونترو 5 ليالي
انترلاكن 5 ليالي
زيورخ (جنيف) ليلتين و العودة منها الى ارض الوطن

• * الجو في شهر مايو معتدل مائل للبرودة واحسن مافيه ماراح تحصلون زحمة

اذا قررت قرار نهائي على المخطط نقدر نختار السكن على حسب ميزانيتك
موفق ان شاءالله

لا لا ما انصحك بانترلاكن انصحك اب لوغانو جنب انترلاكن صج صج شغل عدل وارقى واحلى من انترلاكن لاني مجرب انترلاكن كلها هنود ما راح تعجبك ما جنك باوروبا بس لوغانو شغل عدل وهذي نصيحتي وجدول اللي قبلي العضو حلو ويعطيك العافيه

الله يعطيكم العافيه ,,, ومشكور اخوي ,, (( حدي مصر )) على الجدوال ومشكور ((النمسا )) على شورك ,, فا قررت
انشالله بين النمسا وسويسرا
لانه قالولي فرنسا مو ذاك الزود ,, فا انشالله 8 ايام النسما وسويسرا 8ايام

KWT-TOURIST
اذا 8 ليالي النمسا و8 ليالي سويسرا انسب مخطط التالي
فينا 4 ليالي
زيلامسي 4 ليالي
انترلاكن 5 ليالي
جنيف 3 ليالي
افضل الفنادق في كل مدينة مذكوره
فينا : الميرديان و الماريوت
زيلامسي : السي فيلا و الجراند
انترلاكن : المتروبول و كريبس
جنيف : بريستول و الوارويك ( اهل سويسرا اخبر بفنادقها )
موفق ان شاءالله

مشكور اخوي (( حدي مصر )) بس جنيف و انترلاكن جنه راحت عليهم انا شفت الدليل
السياحي في اماكن اكثر واحلى على ما اعتقد .... والله يجزاك الف خيير

KWT-TOURIST
شوف جنيف مو ذاك الزود وسبب اختياري لها لسببين الاول انها محطة انطلاق للمدن الفرنسيه القريبه مثل انسي وايفيان وشامونية و السبب الثاني عشان المطار وترجع منها لبلدك
اتفق معك ان سويسرا فيها مناطق جدا حلوه مثل مونترو و لوزيرن وزيرمات ولوقانو وغيرهم بس انترلاكن تبقى الافضل فيهم اولا لموقعها الاستراتيجي في وسط سويسرا وتستطيع منها ان تنتقل لاغلب مدن سويسرا القريبه و العوده في نفس اليوم ويكفيها وجود قمة الجنقفرو و توسطها لبحيرتي برينز وثون ,,,, وجهة نظر انترلاكن اولا (اهم شي) و البقيه تاتي بعدها
موفق ان شاء الله

مشكور اخوي على تواصلك و معلوماتك وانشالله الله يوفق ويسهل وانشالله مفكر اجر سيارة بس هل اني اجرها
من مطار فيينا وردها بزيورخ او اجر سيارة بكل ديرة عشان تكلفتها لا تصير عالية واتنقل بقطار ,, من النمسا لي سويسرا