اخوي(ابو ديفد) هذ المنتدى للعرب المسافرون اعتقد انت خواجه او غير النك نيم 000 امزح معك يا اخي لاتعصب علي 000 شكلك في الرحله تبي تنزل في فيينا وترجع من زيورخ او جنيف ولا انا غلطان؟ لانه اذا كان هذا قرارك اول تأكد من امكانات الطيران بهذه الطريقه

اخي العزيز ابوديفيد السلام عليكم ورحمة الله وبركاته
ويسعدنا تواجدكم العطر ومشاركة اخوانكم استفساراتكم وتجاربكم ايضاً
بالنسبة للبرنامج :
فينا - زيلامسي - جنيف - زيورخ - انترلكن
صعبه جدا زيلامسي وجنيف !
زيلامسي وبعدها اقترح تستريح في انسبروك ليلتين ثم زيوريخ ثم جنيف
وبالنسبة لسعر الماريوت فهو جيد
اما القراند فمبالغ فيه !
تحياتي

هلا بالمزيد يالله حيه
ابوديفيد قاله لي واحد من الشباب يوم قلتله والله
هالسسنه ناوي اغزي اوربا قال تكفى لا تخلينا يابوديفيد
قلت ابوديفيد ابوديفيد ليش لا
نجي لوجهة نظرك
انا مظبط اموري على القطرية ولله الحمد الوصول الى فينا
والاقلاع من جنيف
الف شكر على وجودك العبق
آخر الفرسان
هلا وغلا وربي منور اخوي
آآآآآآآآآآآ سف جدا على الخطاء غير المقصود بخصوص الدعاية
المجانيه للمكتب المذكور والله راحت عن بالي .
بعدين اخوي انت فهمتني غلط الترتيب الي انا حاطه كان عشوائي
انا كنت ابيكم ترتبولي سير الرحله تكون البداية فينا والنهاية
جنيف ..
شف فيه واحد قال هذا الترتيب الصحيح
فينا - زيلامسي - زيورخ - انترلكن - جنيف
اذا كان ترتيبه صحيح ياليت فضلا لا امر تحطولي المسافات بين كل
مدينه والاخرى .
بالنسبة لقراند اخوي كم سعره الغير مبالغ فيه عشان اشوفلي كم مكتب ثاني
وهل هو يستااهل اني اسكن فيه ؟؟
الف شكر للجميع

اخوي ابو ديفد
فيينا ----- زيلامسي 377 كم
زيلامسي--- زيوريخ 430 كم
زيوريخ -- انترلاكن 124 كم
انترلاكن-- جنيف 211 كم
وكل المعلومات من هالرابط
http://www.viamichelin.co.uk/viamich...ng_directions

جزاك الله خير اخوي المزيد
وبالنسبة للمدة بالقطار
فيينا ----- زيلامسي 4ساعات وثلث
زيلامسي--- زيوريخ 5 ساعات ونصف الى 6 ساعات حسب جدول القطار
زيوريخ -- انترلاكن ساعتين و 45 دقيقة
انترلاكن-- جنيف ساعتين و 45دقيقة تقريبا
والقراند -زيلامسي ماسمعت ان سعره وصل لفوق الألف الا اذا كانت الغرفة ثلاثية
قارن بين اسعار المكاتب السياحية
تحياتي

المزيد
الله لايهينك والله مااقصرت ورايتك بيضا
الف الف الف شكر لك يالغالي
اخر الفرسان
مدري وش اقولك بس احرجتني بطيبك وتفاعلك
بس عندي سؤال صغنون .. ادري ثقلت بس تحملنا مالنا الا الله ثم انت
بالنسبه للقطارا من فينا الى زيلامسي ومن زيلامسي الى زيورخ
درجه اولى كم سعره؟ ... وهل اقدر احجز التذاكر من السعوديه عن طريق مكاتب
السياحه ؟؟ وبعدين اخوي الشنط لها محلات مخصصه بالقطارات ولا اشيلها
معي بالكابينه؟ .. وبعدين اذا جينا نبدل القطار يقولي واحد انو معك وقت محدد
وقصير عشان تركب القطار الثاني وكان يقترح علي اخفف من الشنط وش رايك
انت خصوصا واني مظطر اشيل معي كم شنطه لانو اغراضي كثيره ..
الله لايهينك اخوي ياليت تجاوب على كل النقاط والله العظيم يهمني راايك
واكثر الي تقوله راح اطبقه .

ابوديفيد
أسمح لي ابو داوود===> ((ديفيد = داوود ))
ابو مشاري أمون عليه
القطار بين فيينا وزيلامسي 46يورو وتحجزها من محطة القطار ما تاخذ منك شي
أسهل شي بالنمسا القطارات انصحك خذها من هناك ما عندك مشكلة
ترى محطة القطار صغيرة مو كبيرة بدون مبالغه المسافة بين بوابة دخول المحطه وبين القطار 50 متر تقريباً .
الشنط حسب ما أذكر, لها مكان مخصص بس الشنط الكبيرة ما اعتقد تقدر تشيلها فوق من حجمها لكن المكان وسيع
بالنسبة اذا جيت تبدل القطار , صدقني الموضوع سهل مو لهالدرجه معقد .
أصلا القطارات جنب بعض مع ذلك انا برضو انصحك خفف الشناط مهما كان
وابو مشاري يبي يرد عليك ان شاء الله يأكد لك المعلومة
لكن بسألك يا ابو داوود
بكم حصلت التذكرة عالقطرية , وانت من اي بلد طالع هل من الرياض ؟ او وين ؟

هلا والله وغلا بخالد
من جد اخوي حضورك حلو زي روحك
قريتلك موضوع بصفحة الاستفسارات بس مدري
قديم ولا جديد ( يعني سافرت ولالا؟؟) وكان برنامجك
نفس برنامجي الي مخطط له .
طبعا هذا برنامجي
يومين فينا
5ايام زيلامسي
يومين زيورخ
5 انترلكن
يومين جنيف
بالنسبة للقطريه . السعر الي اخذته 5600 للشخصين
الرياض الدوحه فينا ومن ثم جنيف الدوحه الرياض
بانتظار اخوي ااخر الفرسان حتى يفيدنا
عن القطارات ترى ةوالله شايل همها خصوصا الحجز

ابوديفيد
لا والله لسا توني اخطط واصطدمت بحجز الخطوط
كنت مخطط على الخطوط السعودية من الرياض الى فيينا والعودة جنيف الرياض بس انصدمت بسعرها الخيالي عند تغيير الوجهه
اجل تنصحني بالخطوط القطرية ؟
وكم مدة الانتظار بالمطار ؟