يارجال مادامك مو متحمس لا تروح
أهم شي النفسية تكون تمام
ارجع لندن ترا أحسن

من لندن لدبي قويه جداً
وصعب نحمسك لان مافي وجه للمقارنه
دبي لها جو غير
ولندن غير

ياعمي رووح وغير جو والله دبي حلوه كثيير

لا لا لاتروح دبي
خل دبي للناس العادية

والله ياخوي لف على التقارير وشوفهم يمكن تتحمس

شوف ع حسب المزااج..
بس من ناحيه الجو لندن احلى..
رحله موفقه..

عيل كيف بتروح لها وانت مب متحمس ؟
خصوصا انها اول سفرة لدولة عربية مثل ما قلت
ما اخترتها الا لأن في شي مميز
شكرا

كل عام وانت بخير
تقدر تاخذ لفه علي التقارير
لندن تعتبر عن متحف مفتوح
وهي عباره عن عاصمه ثقافيه تجاريه
فنادقها قديمه جدا"
وفيها شارع الاجور رود ملى بالمحلات العربيه اللي يبعون ويشترون في العرب انفسهم وللاسف وصلو قيمة الايجارات هناك الي الفين بوند في الاسبوع , ورفعو قيمة الاكل في المطاعم العربيه الي مئات البوندانت (وهو شي اقل من عادي)
وفيها الاكسفورد رود شارع جميل ملئ ب ارقي الماركات التجاريه
الغلا الفاحش الغير مبرر في كل شي
اما دبي مدينه عصريه حديثه فيها ارقي المنتجعات والفنادق وواحد منهم المونارك وبتشوفه في عينك
الاتلانتس الاعجوبه الثانيه في العالم لهذى الشركه العملاقه
وفي دبي اللي ارقي من ارقي مول في العالم دبي مول والامارات مول والفسيتفال سيتي و مردف سيتي سنتر
في دبي ما فيه محل ياخذ منك ريال زياده كل شي منيو وسعر محدد
في دبي كل ريال تصرفه راح تحس انك صارفه في محله وتسمتع فيه وفي محله
اما لندن مهما صرفت ماراح تحس ان اللي صرفته يستحق الخدمه المقدمه لك - وتحس انه في غير محله
مدينة دبي هي مدينه خمس نجوم وهذا ما لن تجده في لندن