فيه الأوت لت تبع محلات ( انوتا )
في مجمع الكويت ماجيك ..
جنب مانقو و قبال الكوفي شوب ..
طول السنه ديسكاوند و خذت منهم تنوره ب دينار واحد ( :

هلا اخوي عن محل البواقي عندك ( سوق السالمية الأحمر فيه محلات للجواتى من ناين ويست واللدو ) تلقي بواقي وبعد فيه عندك محل بالصالحية فوق الميزانين محل ملابس كلة ماركات (ماكس مارا ،،، وغيرها من ماركات ) وبعد نفس المكان بالصالحية في محل اسمة ( لقطة ) عن البواقي ( فيلا مودا ) عندك في محلهم بسوق الديرة ( المباركية ) مقابل سوق الحريم وخلف مؤسسة البترول ،،، اوكي
و إي بعد في منطقة الضجيج فيه محل اسمة ( سيرز ) وايد كبير فيه تحصل بواقي من ماركات الامريكية وكذلك الاوربية والله انشالله عاد اكون قد وفيت و كفيت ،،،،

بالنسبة للآوت لت التابع لفيلا مودا موجود بفيلا مودا المنطقة الحرة يعني بنفس المبني بالطابق الثالث وفي بالآوت ستور ...اسألي الموظفين ويدلونك
موفقة

الخوات لمونه العسوله وكويتيه وافتخر ماقصرو
بالاضافه للمحلات المذكوره لاتحاتي الكويت حاليا كلهاسيل وين ماتتمشا مسوين سيل
الماركات ان بغيت للكبار فيلا مودا الرئيسي الموجود بشويخ المنطقه الحره تقدر تصعد فوق الوير هاوس وتحصل شغلات حلوه
وتقدر تروح الاوت ليت مالهم بالفروانيه
وفي فرع ثالث يديد صوب الكوت والمنشر (مارحتله لي الحين بس قالولي عنه)
ملابس الاطفال عند لغز الاطفال زهار بالسالميه
ومحلات الرايه مو اوت ليت بس اسعارهم زينه ويسون سيل
وانصحك روح الافنيوز
وفي بيوت تبيع ماركات بالنسبه لنا في شغلات لقطه ،واقصد نسائيه مثلا بوتيك غرب مشرف
وبوتيك قرطبه
يبعون ابواك نسائيه وساعات ماركات بسيطه مثل روكو باروكو ولورا بياجوتي في بوتيك غرب مشرف
وشيلات (طرحات) مارات عالميه مثل فندي وموسكينو وفالنتينو بالبيبتين
ويفرق عن فولار بالسعر تقريا 10 دينانير وااذا سوو خصم يفرق وايد
بالاضافه الي هالمحلين في بمجمع دانا سنتر محل اسمه الملكه ستايل يبيع شيلات ماركات عالميه فندي كفالي موسكينو ايس بيرغ وهلم جر باسعار معقوله تفرق عن فولار ويمه علي طول محل يبيع جواتي نسائيه اعزكم الله اسعاره جدا معقوله واهو اوت ليت لماركات بعد (جياننيني فيري وغيرها)