وعليكم السلام ورحمة الله وبركاته
بالنسبة لاندونيسيا فتحتاج فيزا وهي لسفرة واحدة .....وعلى حسب اخر الاخبار اللي سمعناها انه الفيزا صارت عندهم في المطار اول ما توصل يعني ما تحتاج تراجع السفاره او القنصلية....وبرضو لو تتأكد يكون افضل.
اذا الرحلة 15 يوم فانا انصحك تقضيها في ماليزيا.
اذا كانت عشرين يوم فلا بأس انت تقضي نصف المده في ماليزيا والنصف الاخر في اندونيسيا.
واذا رحت في البداية لماليزيا ثم لاندونيسيا فيفضل ان تكون الرجعة من اندونيسيا ...لكي ترتاح من كثر النزلة والطلعة.
فلوسك خذها دولارات واصرف من البلد اللي انت فيه.
بالنسبة لمعلومات عن السياحة في كلا البلدين.....بالنسبة لماليزيا فهناك مواضيع مثبتة ...راح تجد فيها اجابات شافية ولا تنسى ان تتطلع على رحلات الاعضاء السابقة.
بالنسبة لاندونيسيا فتفضل وزرنا في البوابة هناك وستجد ما يسرك بأذن الله.

مشكور اخوي على الرد بس بصراحه هاذي اول سفره لي وبصراحه ابي استمتع فيها
انا لو على كلامك مشيت من السعوديه الى ماليزيا وبعدين رجعت من اندونيسيا راح تكلفني اكثر في التذاكر
وهل تنصح اخوي اني احجز من هنا على فندق واحد ولا عدت فنادق
واذا بروح لاندونيسيا وشلون اخلي الوضع يعني احجز على ماليزيا في فنادق لكامل الرحله ولا احجز الايام الي بقضيها يعني على سبيل المثال
بسافر لماليزيا وبقضي فيها خمس ايام وبعدين بروح لاندونيسيا خمس ايام او سبعه وبعدين ارجع طبعاً الى الحين ماقررت كم بقضي من يوم في ماليزيا ولا اندونيسيا يعني اذا جاز لي الجو في ماليزيا راح طول فيها ويمكن بعد اندونسيا نفس الشي
يعني حجوزات الفنادق لو ابي احجز كيف
انا قريت من مشاركات الاعضاء انه لو تحجز الفنادق الي بتروح لها من ديرتك يوكون فيه فرق في السعر كبير
وبصراحه انا محتار يعني مادري احجز على الفنادق من هنا لمدت الرحله بكذا حرام بيكون راح علي كم يوم حجز وانا مو في الفندق واخاف اسافر واجز كم يوم واذا ابي امدد يزود علي السعر
ارجو افادتي في هاذا الموضوع

الأخ وليد
الصيف الماضي كان لي نفس التجربة وكانت ممتعة لاني شفت فيها ماليزيا الغالية واندونيسيا وكانت الرحلة عن طريق الخطوط الماليزية لأنها الأفضل ورايي انك تروح اندونيسيا أول شي يعني لازم تمر على كوالالمبور وتجلس حوالي ساعتين وتقلع منها إلى جاكرتا والعودة إلى كوالالمبور مرة ثانية وراح تكون التذكرة أرخص من الخطوط الإندونيسية والسعودية بكثير .
أما بخصوص الفيزا فاعتباراً من 1 أغسطس راح تكون من المطار لكن أنا أشوف ان حسن تاخذها من السفارة أو القنصلية .
واتمنى لك اجازة سعيدة
ابو سعد

يعطيك العافية اخوي ابو سعود
انا بصراحه اليوم مريت على مكتب خدمات عامة قالي ان الفيزا للسعوديين الغوها من الشهر هاذا
مادري كلامه صحيح ولا لا
وبعدين مافهمت عليك كيف الخطوط الماليزيه قصدك اذا وصلت ماليزيا اطلع على الخطوط الماليزيه او اروح من السعوديه على الخطوط الماليزيه وبنسبه لتنسيق بين حجوز الفنادق في ماليزيا واندونيسيا وتذاكر السفر بين ماليزي واندونيسيا كيف
يعني اخاف احجز من هنا على اندونيسيا على فنادق واتفاجاْ بعدم وجود رحله في اليوم الي حجزت فيه وكذا بكون لازم اطلع من الفندق الي انا فيه في ماليزيا ومافيه رحله على اندونييا يعني بجلس كذا
ياليت تفيدوني في النقطه هاذي يعني ابي انسق الرحله من هنا ولا تنسيق من ماليزيا احسن يعني هل في فارق في السعر انا الي اعرفه ان لو حجزت السعوديه قبل ماتطلع بيكون ارخص
ارجو الافاده من اهل الخبره

أنا رحت قبل سنتين الى ماليزيا واندونيسيا على طيران الامارات عن طريق دبي وسعر التذكرة 2600ريال
اتمنى لك رحلة موفقة

طيب اخواني تنصحوني اروح لاندونيسيا ومن هناك اطلع لماليزيا
وياليت تفيدوني عن افضل طريقه للانتقال بين اندونيسيا وماليزيا
طبعا في الراحه والنظافه والسعر

اخ وليد انا قصدي انك تروح عن طريق الخطوط الماليزية لانها تتميز عن الجارودة والسعودية برخص السعر وتكون وجهتك الأولى اندونيسيا وطبيعي الماليزية لازم تمر كوالالمبور وتغير الطائرة ومباشرة بعدها تقلع منها إلى جاكرتا وتكون ماليزيا محطتك الثانية وهذا أفضل وأريح وبالنسبة للفنادق في ماليزيا انا اشوف انك تحجز من السعودية وبالنسبة لجاكرتا مكتب كاها يوفر عليك اذا بغيت التوفير لان اسعاره تختلف عن المكاتب اللي عندنا لكن دامك بتروح ماليزيا اجحز فنادق اندونيسيا وريح نفسك واهم شي تخطط للرحلة بشكل جيد عشان ترتاح .
وشكر
ابو سعد