أبو ثابت
28-05-2022 - 03:00 am
السلام عليكم ورحمة الله وبركاته..
قبل يومين انتهيت من اجراءات الحجوزات في ماليزيا من فنادق الى تذاكر كل شي تمام الحمدلله
وقبلها بثلاث اسابيع طلّعت لي جواز جديد ومشت اموري تمام الحمدلله ماخذت اكثر من يوم واحد
ويوم جيت بعدها باسبوع بطلع جواز للمعزبة قالوا لازم تاخذ موعد لأن الجوازات الجديدة خلصت!!
اخذت موعد بعدها باسبوعين..
وجيت اليوم مبسوط بالموعد بخلص هم الجواز وانتظر 3 ساعات ونصف حتى جا دوري
وبعد دقيقتين من تدقيق موظف الجوازات قال البنت هذي مسجلة في النظام على جواز امها بس مو مسجل انها داخل السعودية!!
قلت كيف ووشلون؟
قال عام 1414 (رقم مميز) طالعة مع اهلها للامارات بس مو مسجل بالنظام انها دخلت للسعودية!!!!!
قلت اجل كيف مسجل امها بالنظام دخلت والبنت مرافقة بنفس الجواز ولا تم تسجيلها؟؟؟
قال مادري والله بس حل هالمشكلة لازم تجيب الجواز القديم اللي راحوا فيه للامارات ونطلع لك خطاب تسجيل دخول للسعودية ونعدل المعلومة في النظام!!
وجاوبته بان الجواز هذا منتهي من 10 سنوات تقريبا وضايع..
(قال باسلوب كانه متشفي من ضياع الجواز) اجل نسوي مع صاحبة الجواز تحقيق وننشر اعلان بالجريدة بعد شهرين نطلع جواز ثاني وقتها نطلع للمضافين جوازات مستقلة...
ودخلت على مدير عام الجوازات وقال نفس الكلام لازم تجيب الجواز القديم علشان نتأكد ان البنت داخل السعودية فعلاً.
تخيلوا غلطة موظف الجوازات في المطار قبل 11 سنة تسببت في مشكلة لي الآن ممكن تحرمني من السفر والتمتع بشهر العسل
وش ذنبي انا اذا موظفهم غلط قبل 11 سنة...
حسبي الله ونعم الوكيل بس...
كتبت هالقصة وانا اقول بنفسي لعلها ان شاء الله خيرة .. ويمكن احدكم هنا مر بنفس هالتجربة ووجد مخرج ربما ان شاء الله يفيدنا بمثل هالموقف..
تحياتي للجميع
لكن تذكر إن شاء الله تكون خيرة لك ولزوجتك إن شاء الله ...