معقول محد سافر برا الى سوريا؟؟

خيو عبدالعزيز
اول باشتان
يا هلا ومرحبا فيك
سعداء بإنظمامك
ثاني باشتان
طريق حائل الجوف
المسافة تقريبا 335 كم
ومن مفرق الجوف إلى الحديثة تقريبا 300 كم
مميزاته
سريع وثلاث مسارات ولمن يريد السفر للأردن وسوريا يختصر عليه الكثير
عيوبه
انه مقطعة وما عليه ولا محطة ولم يفتتح رسمي ولا زالت الشركات تعمل عليه وهذا سبب بعض الحوادث وخاصة في الليل
.. الله يحفظكم ويحفظ جميع المسافرين ..
السياج الحامي على الجانبين لم يكتمل بعد
لا يوجد مركز لأمن الطرق
واللي قال لك انه فيه نقطة ما تقدر تمشي عليها إلا بسيارة دفع رباعي ما عنده سالفة او علمه قديم
اذكر فيه تحويلة وما اعلم هي خلصت وإلا لا
ثالث باشتان
انت اذا وصلت حائل على خير
عبي وفلل السيارة بنزين وخذ ما تحتاجه من ماء واكل وغيره
وفيه بقالة صغيرة على يمين الطريق تقريبا في منتصف المسافة بس لا تعتمد عليها ممكن تكون مقفلة او ما تلاقي اللي تبيه
والأفضل انك تمشيه بالنهار وخاصة انه اول مرة تمشي عليه
وبعدها تطلع على طريق الجوف الحديثة
رابع باشتان
الأفضل اذا وصلت الحديثة آخر الليل انك تريح بإستراحة الفهد او الشهيلي او لقاء
او اذا وصلت الحديثة اول الليل ممكن تواصل وتدخل الأردن
واول مدينة تقابلك بعد الجمرك هي مدينة الأزرق
اذا تبي تسكن بفندق فيها فندق الأزرق
واول ما تدخل هالمدينة فيه مجموعة مطاعم منها مطعم ابو زياد
عنده غرف صغيرة ومكيفة بإمكانك انك تنام فيها والصباح رباح
يعني منها انت ترتاح وتريح سيارتك
ولا يأخذون منك إلا حق الطلب اللي تطلبه سواء عشاء او فطور
وانصحك انك تنام خفيف والصباح تطلب محموس لحم على كيفك بس خلهم يكثرون البصل شوي
وفيه فندق عند الجمرك السوري
فندق التاج بالحدود السورية قبل الجوازات بأمتار فوق السوق الحرة
لكن انا ما انصحك فيه لأنك وقتها تكون وصلت وما يبقى عن الشام إلا 120 كلم
خامس باشتان
تعبي سيارتك بنزين وتفللها من الحديثة قبل تطلع وهذا راح يكفيك لو تبي تروح لحمص
نصيحة اخوية الطريق من جمرك العمري الأردني إلى المفرق اللي يوديك لسوريا
لا تمشيه بالليل وخاصة اذا معك عائلة
الدخول لأي بلد بالنهار افضل بكثير من الليل
سادس باشتان
اذا دخلت الأردن لا تسرع ترى فيه نقاط تفتيش ورادار سرعة يعني سرعتك لا تتعدى 90 كم
ومن يوقفونه مسرع يخلونه يدفع المخالفة فوري وكاش عندهم
واذا ما معه فلوس اردنية يأخذون اوراقه ويقولون له روح اصرف وتعال ادفع
لذلك احتياطا ومن جمرك العمري اصرف لو 300 ريال وممكن تحتاج شيء على الطريق يكون معك صرف
سابع باشتان
التربتك
يقولون ان سعره نزل شوي ووصل إلى 300 ريال ... لمدة سنة او 15 سفرة
وممكن تقصه من الرياض او من المكاتب اللي بجمرك الحديثة
ثامن باشتان
رسوم دخول السيارة في الحدود الاردنية 9.5 دينار اي ما يعادل 55 ريال سعودي
الرسوم في سوريا اذا معك تربتك
0ريال مع 500 ليرة
واذا ما معك تدفع زيادة
تاسع باشتان
نعم الطريق داخل الأراضي الأردنية صعب شوي
مكسر وفيه حفر وضيق وعليه زحمة شاحنات
لذلك الأفضل تمشي عليه بالنهار
عاشر باشتان
اتمنى لكم رحلة ممتعة وموفقة

شكرا يا اخي الذيب الشمالي
والله ما قصر
واشهد انك ذيب
اخر سؤال
كم كيلومتر الرحلة كاملة من الرياض
اخوك عبدالعزيز

ReservoiR
ردا على سؤالك وتعقيبا لكلام اخي وحبيبي امير بوابة سوريا الذيب الشمالي
من حائل للجوف إلى الحديثة الى بداية دمشق: 335+300+ 200 كلم من الحديثة لدمشق = 835 كلم
ان شالله اكون افدتك بس كم من الرياض لحائل ؟؟؟؟؟؟؟؟؟؟؟؟؟؟؟؟؟؟؟

هلا بك خيو اشرف
تسلملي
من الرياض الى القصيم 320 كم والقصيم الى حائل 240كم

الذيب الشمالي
بيض الله وجهك يا الذيب يعني المجموع 1395 كلم ورحلة موفقة يارب

ماشالله عليكم
هذي المعلومة اللي كنت ابغاها بالضبط
بيض الله وجيهكم

ReservoiR
وجهك ابيض واجبنا ياغلاهم

الله يوفقك ويسهل دربك
تروح وترجع بالسلامه