(( مسائكم ياسمين دمشقي ))
اخوي
هلا بك
اقرب واحسن حي هو الزاهرة القديمة
حي ما يسكنه إلا العوائل
واذا وصلت له ابحث عن شقق بنفس الشارع الرئيسي
وسترى السيارات العائلية الخليجية بكثرة فيه
واذا العائلة تبي تتسوق او تتمشون
وراء هذا الحي فيه مخيم اليرموك وبه اسواق ومحلات نوعآ ما ارخص من غيرهم
لكن الزبداني افضل من ناحية الجو والهوايات بس اغلى بالأسعار
واتمنى لكم رحلة ممتعة وموفقة

أخوي الذيب الشمالي, شاكر ومقدر أجابتك السريعة
بس, هل حي الزاهرة قريب من المسجد الاموي, أقدر اروح من الحي للمسجد مشي
أما التسوق فأنا والعائلة الكريمة محنا من عشاقه

العفو
ما سويت شيء
اذا تهون وتحبون وما عندكم مشكلة بالمشي فهو قريب

خوي سعد شاكر مرورك
أخوي الذيب الشمالي كيف الوصول لحي الزاهرة, هل فيه لوحات تدل على الحي أول ما اوصل وكم كيلو يبعد عن المسجد الاموي

اخوي
ما فيه لوحات للحي إلا اذا جيت تقريبآ بأوله فيه لوحة صغيرة
ويمكن تعدي من عندها وما تشوفها
لكن راح اعطيك اول الخيط وانت امسكه ولا يفلت منك
اذا جيت لسوق الحميدية
يعني انت واقف عند الإشارة اللي عند السوق
واقف والسوق يكون مثلآ على يسارك
ولعت الإشارة خضراء تطلع سيدا وهالطريق طبعآ بس رايح
واذا انت واقف عند الإشارة والسوق قدامك تروح يمين
المهم تمشي مع هالعالم اللي ماشية يجيك جامع الدرويشية على يمينك
تمشي تجيك محلات النحاسيات وأصلآ هالطريق ما فيه لفات
تمشي وتعدي من تحت قوس لما تجيك إشارة تروح فيك انت واللي عندها يمين
بعدها لا تبعد وقف واسأل وستجد من يدلك
اما الجامع بالنسبة لي ما هو بعيد
ومسافته صراحة ما ادري كم ويمكن 3 او 4 كيلو ويمكن اقل او اكثر
بس ألحين انت نبهتني لنقطة انك ممكن ما تدل لأن اللي ما يعرفه زين يمكن يضيع لأن فيه شوارع فرعية
لكن ممكن بتكسي دقائق مو اكثر وانتم عنده

هلا فيك اخوي ,,,
افضل انك تسكن في الصالحيه فنادق نظيفه وقريبه من المنطقة التاريخيه
بالنسبه لبيروت يوم واحد ما تكفيها اقل شئ يومين ...