حدد مدينة الإقلاع والمدة اللي بتجلسها وإن شاء الله الأعضاء ما راح يقصروا

هلا بالغالي (حلمي بعيد )
أسأل الله أن يوفقك لكل خير في الدنيا والآخرة ... وأن يكتب لكم رحلة موفقة للساحرة ماليزيا ..
أسعار التذاكر تختلف يالغالي من طيران لآخر ... والخطوط السعودية عندهم عروض ( 1500 ريال ) للشخص ..
لكن عيب الخطوط السعودية هو التلاعب بالمواعيد وعدم أحترام العملاء بصراحة ...
# أتوقع بأذن الله سعر التذاكر لن يتجاوز ( 7500 ريال ) لكم جميعآ ( بالغين وطفلين ) ...
# أسعار الفنادق الأقتصادية النظيفة الأربع نجوم بحدود ( 400 ريال) .. وإذا بغيت أفخم السعر راح يرتفع طبعآ
# أنصحك بقضاء الفترة كلها في ماليزيا ... لاتنسى بأن الراحة في التنقلات والتقليل منها من عوامل نجاح الرحلة
# مبلغ ( 25000 ريال ) كافي بأذن الله تعالى للرحلة كاملة ( تذاكر دولية وداخلية وفنادق ومصروف يومي ) وكل شيء
# إذا بغيت نرتب لك برنامج ( أبشر بعزك ) عطنا عدد الأيام اللي راح تقضيها هناك ... ومايهمك أبد
وافي بزمن جافي

بسم الله الرحمن الرحيم
بما ان معك اطفال اخي انصحك بالسكن في الصن واي او البراميد لاقون
عشان الالعاب المائية ويستمتعون الاطفال فيها
ثانيا اختيار الخطوط حاول تسأل عن ارخص خطوط وتحجز عليها
وانصحك بعدم السفر على الخطوط السعودية صح انها دايركت بس
راح يكون فيه تاخير كالعاده
انصحك بالخطوط السيرلانكية
ترانزيت 40 دقيقة في سيرلانكا وتوقيتهم بالثانيه ا نا جربتها وهي حلوه وخدمتهم متواضعه
والطيارة كبيره واسعه من جوا
بس فيه عيب بالعوده ترانزيت غير معلن في سنغافوار لمدة 1.30 ساعه ونصف
الجدول اللي انصحك فيه كالاتي:
سلانجور يومين فندق براميد لاقون او الصن واي
ثلاث ايام لنكاوي فندق الويستن او بلانجي بيتش او برجيا او لنكاوي لاقون (رخيص)
اربع ايام بيننق فندق بارك رويال
ست ايام كوالا فندق دورست ريجنسي او رويال شولان او مليا
ويمكنك خلال اقامتك بكوالا زيارة جنتنق مدينة الالعاب والاستمتاع بالجو البارد هناك
مايحتاج تسكن فيها رح لها بالباص او تاكسي واقعد فيها كل النهار وبعيدين ارجع في المساء لكوالا
واي خدمة تحت امرك موفق خير ان شاء الله

مشكورين يالغالين علي الردود وبحط لكم الجدول باذن الله وانتم رتبولي الرحلة من ناحية الفنادق والتنزهات انا جمعت شوي معلومات والباقي عليكم بس اهم شي تكون الفنادق نظيفة وسعرها مايزيد عن 300 رنقت عشان اضبط الميزانية بين الدولتين
الرحلة مدتها تقريبا17 يوم بين ماليزيا واندونسيا
ومدينة الاقلاع الرياض
ماليزيا 10 ايام والباقي باندونسيا
والجدول كتالي 1- يومين سيلانجور فندق امباير صوبانج -اطلعت علي تقرير اخوي وافي بزمن جافي الله يجزاة خير
2-بينانج يومين واحترت بين اربعة -فندق فلامنجو-- وفندق شانجريلا -- فندق براديس-- فندق بافيو بيتش
3- كوالا خمس ايام - والفنادق رويال شولان -- اسكوت -- بارك رويال -- ميليا -- دورست رجنسي -- تايمز سكوير
4- يوم واحد جنتق
وش رايكم انتم بالجدول ورشحولي افضل الفنادق
واعذروني اذا ثقلت عليكم يالاخوان بالاسئلة ماتقصرون

أهلأ أخوي الغالي ( حلمي بعيد )
جدولك بصراحة ممتاز ورائع ... وأقترح عليك أن يكون بهذا الترتيب :
يومين سلانجور ... فندق أمباير ( فندق وافي
)
يومين بينانغ ... فندق الفلامنجو
يومين جنتنغ ... فندق الفيرست وورلد ( غرفة وورلد كلوب )
أربعة أيام كوالالمبور ... فندق الدورسيت ريجنسي

• بأذن الله تعالى الجدول بهذا الشكل مريح في التنقلات
• من كوالا إلى بينانغ ( طيران AIR ASIA )
• من بينانغ إلى جنتنغ ( باص نايس لكوالا ... ومن كوالا تاكسي لجنتنغ ) والمسألة كلها خمس ساعات فقط ...
• أدعوك لمتابعة تقريري عن باصات ( نايس ) وإن شاء الله يفيدك

https://artravelers.com/p/re/502470
وافي بزمن جافي

السلام عليكم اخوي وافي يعطيك العافية وماقصرت ممكن ترسلي اميلك على الخاص ابي اخذ منك استفسارات على الاميل معك اخوك ابو رتال

ياهلا والله بالغالي أخوي الحبيب ( أبو رتال )
لنا الشرف والله يالغالي بالتواصل معك ... ولكن يمنع منعآ باتآ وضع الإيميلات والأرقام الشخصية حسب تعليمات المنتدى
ولكن أنا راح أكلم الأخوان المشرفين ( يرسلون ) لك إيميلي الخاص
وافي بزمن جافي

بالنسبه لي من تجربه لطيرآن..
الخطوط الجوية العربية..
أنا مجربتها ورايحه فيها ل ماليزيآ..
لآ تأخير ولا شئ..
قالوآ لنآ الوقت الفلآني تمشي الطيآره..
وصدق مشت..
و أسعارهآ ارخص من غيرهآ

يعطيك الف عافية اخوي وافي واعذرني علي الاحراج وانا في انتظارك