نزواني
10-10-2022 - 11:44 pm
السلام عليكم ورحمة الله وبركاته
تحية طيبة لهذا المنتدى الراقي تحية تملأها الحب ل مسؤولين و أعضاء المنتدى المخلصين
هذي أول مشاركة لي بعدما كنت متابع فقط
وبصراحة حبيت أشكر بو ناصر أعجبت بكل شي فيك ربي يحفظك لاهلك ان شاء الله
موضوعي بأذن الواحد الاحد ناوي أسافر شهر العسل طبعا هذي اول سفرة لي بره عمان هع هع
متحمس الشيخ
تاريخ الوصول بأذن الله لمطار كوالامبور 14 -1-2012
تاريخ المغادرة بأذن الله 27-1--2012
الخطة المبدئية سلانجور 2 صن واي لاجون
لنكاوي 3 ويستن لنكاوي بس أحسه غالي في شهر واحد
بيننج 3 بارك رويال
والباقي كوالامبور تتخللها زيارة جنتنج هايلاند والعودة في نفس اليوم وحاب فندق دورست
1- أيش رأيكم في الخطة مالتي ؟؟
2- لاحظت تتكرر الحدائق مثل الفراشات والطيور ألخ وين الانسب لاني بجد متلخبط علي الامر ؟؟
3- اذا ممكن تعطوني التنقلات السهلة لي بناءا على الخطة ؟؟
4- تسوق الهدايا حاط في بالي أخر الايام أيش رأيكم أحبابي وين أفضل مجمعات مناسبه الاسعار ؟؟
لعيت واجد يكفي والسلام أحلى ختام
عني بخبرتي البسيطة .
اختيار الفنادق حلو ومناسب طبا ويستن لانكاوي هو اصلا سعره غالي مع انك بعيد عن اعياد الميلاد بس هو سعره كذا بس اللي نزلوا فيه يمدحونه كثير .
انا جربت الشيراتون كان حلو ومناسب .
جدولك والخطة اشوفها رائعة .
مع ان كثيرين يفضلون دائما الترتيب بين المدن يكون : سلانقور - بينانق - لانكاوي - كوالا
وانت مقدم لانكاوي على بينانق .
التنقلات بيكون من سلانقور لبينانج عن طريق الباص وباصاتهم حلوة
من بينانج الى لانكاوي بالفيري او العبارة تحجهزها اول ماتوصل بينانج وحلوة
من لانكاوي الى كوالا عن طريق الطيران الداخلي عندهم سواء اير اسيا او خطوطهم الماليزية ..
التسوق والهدايا اتوقع ماتقدر تحكمه اخر الايام او اولها . يمكن وانت ماشي بشارع العرب تلقى شيئ يعجب ام العيال بتاخذه . يعني لاتخصص ايام معينة للهدايا تمشى واللي يعجبك خذه ولو خليته اخر الايام ماراح يفرق كثير ..
بالنسبة للحدائق وتنوعها . ماحد يقدر يقلك روح ذي او روح ذيك . انت من تحدد بالاخير حديقة فراشات يعني بتروح مكان كلها فراشات حديقة طيور بتروح مكان كله طيور . حديقة حيوانات جميع انواع الحيوانات. والوررد كلها ورود
وبالتالي انت شو مودك شو تبغى تشوف وشو يعجبك .
افدتك بما اعرفه ولكن فيه من هم اخبر مني بيعطونك اكيد تفاصيل اكثر .
بالتوفيق ..