السلام عليكم ...
أنا لو وزير التعليم .. كان سويت مقابله شخصيه بنفسي لقبول الموضفين ..
أختبر فيهم مهارات حسن التعامل مع المراجع .. ( هذا بالنسبه للموضف الجديد )
أما الموضف القديم .. أمنحه بعثه بتخصص مهارات تهذيب الذات ..
وحسن التعامل مع المراجع .................... يا جماعه تخيلوا ..!!
اليوم دخلت على موضف ... أقسم بالله العلي العظيم أني حسبته من .. ذوي الاحتياجات الخاصه ..
وموضفينه عن طريق إنسان !! .. توقعته أعمي ( إقسم بالله ) .. وقفت قدامه .. وسألته بإحترام ..
عن موضوع تسديد الفيز .. كان يتلفت يمين ويسار .. يفتح ملفات ويقفلها ..
ولا هوب معبرني .. إقسم بالله لو أنه يهودي كان رد علي ! جلس يتلفت يمين ويسار مرة ثانيه ..
أنا قلت بنفسي يمكنه عمى :upset: .. المهم طلعت وأنا موب خاشه براسي سالفة أنه عمي ..
باله كيف يكون عمى وعلى الطاوله أوراق وملفات وكمبيوتر !!!!!
لفيت بالمكاتب اللي حوله ولما دريت أن محد يدري عن سالفه تسديد الفيزا
رجعت لمكتب صاحبنا ووقفت قدامه .. قلت أبي أشوفه هو أعمي ولا أنا يتهيئ لي !!
والله الرجال ما فيه بلا .. بس مدري ليه مستحقر الزوار ..
المشكله لو أنه من حقين البشوت وش يصير بعمره ..:biggrin: ...
المهم يا جماعه زبدة الموضوع ..
أن الوزاره يبيلها شهر ( من أشهر الوزارة طبعا :biggrin: )
على ما يدرون أن فيه مكرمه بخصوص الفيزا ..
وبعدين نصيحه اللي يبي يجي للوزاره يخلي عصبيته في البيت ..
ويوسع صدره على الاخير .. واللي معه ضغط يوكل له هندي :biggrin: ..
على الاقل أبي واحد منهم يقول جانا تعميم بالموضوع .. بس الموضوع تحت التنسيق ... ما حصلت !
الكل ما يدري .............. أشك أنهم مرتبطين بالعالم اللي حنا عايشينه :upset: ...
خساره ضربت هالمشوار