ناندني
09-12-2022 - 08:11 am
السلام عليكم ورحمة الله وبركاته
احدثكم من لنكاوي تحديدا من بلكونه الشاليه المطل عالشاطئ
حبيت اكتب لكم تقرير سريع عن الفندق اللي حجزت فيه من السعوديه عن طريق اسيا ترافل وبحثت عنه تقارير مالقيت للاسف واخذت فيه 5ايام 4ليال ولكن بعد اليوم الاول فيه كنسلت الحجز ونقلت شاليه عالبحر تابعوني 000واولا واخيرا الموضوع وجهة نظر شخصيه ولكن سأضع لكم الصور والمميزات والعيوب والحكم اولا واخيرا لكم
bella vista hotel langkawi
هذي صورة من النت طبعا تخيلته قلعة تاريخية وسط الغابه
فنادق ماليزيا
جينا عند الاستقبال وعطيناها ورقة الحجز وخلصنا وعطتنا المفتاح تلفتنا نبي احد يشيل الشنط للاسف مافي بس من حضنا شناطنا قليل وسألناها سكتت يعني مافي مافي
هنا زوجي يسحب الشناط وهي قدامه تورينا المصعد لان الفندق مفتح من كل مكان
طلعنا المصعد
ولما خرجنا شفنا هالاطلاله طالعت فوق في زيها بكل دور الظاهر انها بلكونه مشتركة لسكان الدور الواحد ههه
مشينا في الممرات بحثا عن غرفتنا 135
لقطات متفرقة من الممرات
لقينا الغرفة واخيرا دخلنا بسم الله
غرفة صغيرة جدا جدا والشباك صغير الظاهر من اول وهله انها نظيفه مافي شي
وهذا الحمام اعزكم الله وبه شطاف
وهنا المروش مافي بانيو
وعلى فكره المروش ضعيف جدا في دفع الماء
الاطلاله مع الشباك الصغير
الفطور الله يديم النعمه والحشرات الصغيرة موزعه على الصحون ههه
بقيت الصحون على ماهي عليه
خلصنا من الصور واعذروني على عدم جودتها لان نصها بالجوال والنص الثاني بكاميرتي وكنت وقتها تعبانه من المطار اير اسيا يجيب المرض راح اذكره بتقريري بعد عودتي لارض الوطن باذن الله
المميزات والعيوب
اطلالته حلوة عالبحر على طول 00ومارحت شاطيه بس مبين من النافذه انه حلو
نوعا ما يعتبر نظيف لو خروج الحشرات الصغيرة من تحت السرير في صباح اليوم التالي ههه
شفت على ورقه معلقة عندهم العاب بحريه اتوقع انها على شايهم بس الشاطي من النافذه هادي ماشفت العاب نهائي الا سفن صغيره
المكيف سبليت وينقط مويه طول الليل المشكله الكهرباء والتلاجه تحته اتصلت عليهم وقلت فيه مشكله وارسلوا لنا مصلح وصلحه ونمنا وفي نص الليل ينقط من جديد انا خفت من الكهارب ههه المهم جبت سله المهملات وحطيته فوق الثلاجه عشان المويه تنقط فيه وقلت بالصباح راح اقولهم غيروا لنا الغرفه
الفطور مو طعم وكمان الحشرات الصغيره عالصحون والعيش وغيره والكراسي مقشرة والحدايد مصديه حقت الدربزان
سعره طيب 160 رينجت لليله
قعدنا فيه ليله وحده ولما رحنا نتمشى عالبحر يبعد عنه 20 دقيقه تقريبا لقينا شاليهات مرصوصه وكلها اوربين ففكرنا نشوف وكذا واحد وسعره طيب لقينا واحد واخذنا ورحنا كنسلنا باقي الايام في بيلا فيستا وقالوا بس تدفعون حق الليله اللي نمتوا فيه اللي هو 160 رينجت فقطوانتهت رحلتنا في بيلا فيستا والحين احنا بالشاليه اللي نقلنا فيه اخذنا 4ايام 3ليال ب480 رينجت فقط لا غير
فاصلة,
الجو مرعب في لنكاوي من يوم وصلنا وهو امطار ورعود وبروق قويه وغيام يعني الجو مشمس بس وقت الظهر والباقي صباح وليل وعصر كله مطر وغيام وهواء ((الناس يشوفوه جو شاعري بس بالنسبة لي مرعب )))
اذا عجبكم موضوعي واستفدتوا منه ارجوا الدعاء لي بظهر الغيب
اختكم ناندي من الاراضي اللنكاوية
00