السلام عليكم ورحمة الله ..
اليوم رحت لمكتب الفيفا وقدمت اوراقي للفيزا الكندية.. وللفائدة العابرة .. وعشان الكل يعرف ..تشتمل على :
1- جواز سفري الاصلي.
2- صورتين شخصية ( واحتياط عطيتهم 3 ).
4- خطاب قبول من المدرسة.
5- آخر شهادة حصلت عليها.
6- خطاب من شركة ابوي كتعريف له ( انا رايح على حساب الشركة ) مع تصديق من الغرفة التجارية.
7- خطاب من ابوي انه يتكفل بالمصاريف والدعثه كلها.
8- صورة جواز سفر ابوي ( صفحة 1 و 3 ).
9- صورة بطاقة احواله.
10- كشف حساب بنكي لأبوي ( واحتياطاً جبت كشف حسابه الخاص وكشف حساب الشركة بالانجليزي ).
11- شيك مصرفي بقيمة 75 دولار كندي باسم THE GENERAL RECEIVER FOR CANADA.
وعبّيت الفورم .. قال ابو هنّود بعد 15 يوم نرد لك خبر اذا قبلوك ولا لا .. لكن الجواز مايجي الا بعد 20 يوم وفوق ..
ومازلت متخوّف إن السفارة ترفض الطلب
دعواتكم ..
ملاحظة: وانا عند المكتب اليوم الصباح وصلهم بريد من السفارة الكندية بخصوص اللي بيدرسون 6 شهور ومافوق .. اتوقع انه نظام جديد ياليت اللي بيدرس 6 شهور وفوق يتأكد من هالموضوع .. انا بغى يطيح قلبي قلت عسى مهب خطاب اغلااق السفارة او ايقاف استقبال الفيز !! بس ربكم ستر