ALI2011
بالنسبة للدفع في الفنادق والله يااخوان محتار مدري عن طريق الفيزا ولا كاش
انا حجزت من موقع booking والفيزا الراجحي تسوق مسبقة الدفع مافيهارصيد
ميزانية الفنادق 5750 رنجت هل اضع كامل المبلغ في الفيزا وكم بيكون فرق العمله عند السحب
او اخذ المبلغ معي وادفع كاش بس اخاف يلغون الحجز اذا ماحصلوا مبلغ يغطي في الفيزا
تحملوني شوي هذي اول سفره واخاف تفشل دعواتكم
الافضل يا الغالي اشحنها وسدد من الفيزا ابرك من الكاش يثقل ولو افترضنا انسرقت مصيبه

ياهلا والله بأخوي الغالي ( ALI2011 )
مساك الله بالخير يالغالي... وأسأل الله أن يوفقك لكل خير في الدنيا والآخرة ....
أنا مثلك حجوزاتي من ( بوكينق ) وبطاقتي ( تسوق الراجحي مسبقة الدفع ) ... شفت كيف القلوب عند بعض
وهناك نوعين من الحجوزات يالغالي أنتبه لها جيدآ :
1) دفع فوري غير مسترد ... لازم تكون البطاقة فيها مبلغ الحجز بالكامل لتتم العملية ويخصم المبلغ فورآ
2) دفع بالفندق عند الوصول ... لايلزم وجود رصيد أبدآ ... وتدفع في الفندق ( كاش أو بالبطاقة )
وإذا كانت حجوزاتك بالطريقة الثانية ( الدفع بالفندق ) ... مايحتاج تشحن بطاقتك وأطمئن حجزك لن يلغى أبدآ ... ليه ؟؟
لأن الفندق ضامن فلوسه إذا لم تحضر ... يأخذون فلوسهم عن طريق شركة ( فيزا ) ...
وفيزا تتفاهم مع البنك اللي تتعامل معاه ( يعني حقهم مايضيع
) فأطمئن مادام حجوزاتك ( ok) لن تلغى بأذن الله
وأنا أشوف أنك تضع كل مبلغ الفنادق ( 5750 رنقت ) في البطاقة وهناك يخصمون منها ... أفضل من حمل المبلغ كله
وأحسب حسابك ... هناك فرق في العمولة بين الرنقت والريال ... يعني ( حط في البطاقة 7000 ريال سعودي )
وافي بزمن جافي

وافي بزمن جافي
بعد اذن صاحب الموضوع يعني اختار دفع عند الوصول
وتكون بطاقتي من قبل فيها فلوس وبكذا اضمن ماراح يسحبونها
ولا يروح الحجز صح كذا
طيب مثلا لو صار شي وانا حاجزة وسحبت عليهم وماجيت وخذوه من فيزا فيزا وش تسوي لي؟؟
وعفوا بطاقة تسوق ذي الاكيد انها حلال
وهل تتطلب حساب بالراجحي؟
وانا اشحنها من حسابي والا من البنك وكيف سدادها يعني فيه مبلغ ادفعه مقابلها ؟؟
والفلوس اللي تنشحن لو مو من حسابي كيف اسدد للبنك ادري سؤال شاطح بس دامها عندك فابيك تفيدنا علشان نطلعها ونعرف وش سالفتها
وشكرا

هلا أختنا ( المشاكسة ) شمووخ ... الله يصلحكِ ... قالبة المنتدى فوق تحت
بطاقة ( تسوق الراجحي ) حلال بأذن الله حسب فتواهم الشرعية ... ولازم يكون عندكِ حساب بالراجحي
ورسوم أصدارها ( 100 ريال ) ... وكل سنة ( 100 ريال ) وهكذا ...
وهي مثل ( بطاقة سوا ) تمامآ ... تشحنين البطاقة بالمبلغ اللي تبيغينه .... عن طريق الهاتف المصرفي أو الصراف
وبخصوص ( السحبة عليهم ) ... ماتقدرين
فلوسهم مضمونةلو ماجيتوا .. يأخذونها من شركة ( فيزا ) ... وفيزا تأخذها من ( البنك ) ... وياويلك من البنك
وافي بزمن جافي

شموخ
مو إنتِ اللي تختاري طريقة الدفع لا .. حسب الفندق لما تجي تحجزي تلاقي مكتوب الدفع مقدما أم عند الدخول للفندق
فيه فنادق كذا وفنادق كذا يعني 90% من الفنادق الدفع عند الدخول والباقي دفع مقدم غالبا لما يكون فيه عرض مخفض
فيزا أول شيء تطالب بنكك اللي أعطاك الفيزا بالسداد من حسابك وإذا سحبتي حتى على البنك يقدمون عليك شكوى عندهم محامين
بطاقة فيزا الراجحي وبطاقة الأهلي مسبقة الدفع نعم حلال لأنها تخلو من الشرط الربوي
كل البطاقات لما تسحب على المكشوف (يعني تكون بطاقتك مافيها رصيد) بعد شهر يطالبوك بالسداد
ولو تأخرت يحسبون عليك فوائد (وهذا حرام) أما هذي البطاقا ماتقدر تسحب منها على المكشوف إذا فيها رصيد
تشتغل ما فيها رصيد ما تشتغل .. عرفتي الفرق؟! وهذي حلت أزمة كبيرة جدا جزاهم الله خير
بطاقة قيزا الراجحي لازم يكون عندك حساب في الراجحي ويطلعوها لك مقابل 100 ريال رسوم لمرة واحدة وتأخذيها في نفس اليوم بعدين تشحنيها عن طريق الدخول لحسابك في الراجحي من خلال الإنترنت وتحولين من حسابك الجاري ‘لى حساب البطاقة بكل سهولة
بطاةق الأهلى مو لازم يكون عندك حساب في الأهلي لو عندك حساب أفضل علشان تسهل عملية الشحن بالتحويل بنفس طريقة الراجحي
وإذا ماعندك حساب معناته كل مرة تبغي تشحني البطاقة تروحي البنك وتودعي فلوس كاش في حساب البطاقة.
ووه تعبتيني أصابعي تكسرت من الكتابة ياشمووخ وأنتِ أصلاً عندك حساب في الأهلي وحساب في الراجحي

بعد إذنكم معليش على المداخله بس حبيت اعرف يعني عند حجز الفندق من النت وحجزت واخترت الدفع عند الدخول طيب
مثلا على قوله الاخت شموخ غيرت كيف ينخصم من البطاقة ولا يكون قبلها حاطه رقمها في الحجز معليش على الدوخه
هدي كولها بس بصراحة اول مره احجز عن طريق النت

ابويزوني
بالنسبه لطريقة الدفع وقت الحجز مو انت اللي تختارها علي حسب شروط الفندق
او الموقع اللي تحجز منه يعني إذا الحجز عادي مافيه عروض بعض المواقع يخلون الدفع بالفندق
اما لو كان فيه عرض علي الغرفه فيتم خصم المبلغ وقت الحجز ولا يسترد
ووقت الحجز يوضحون شروط الدفع بعضهم يطلبها قبل الوصول بثلاثه ايام يحجزون علي المبلغ
في الفيزا بس مايسحبونه ولم تصل الفندق وقت الخروج يخيرونك إذا تبي تدفع كاش او فيزا
إذا كاش خلاص يفكون الحجز اللي سووه علي المبلغ قبل الوصول بثلاثه ايام ويرجع في بطاقتك بعد اسبوعين تقريبا
وهذي الطريقه لو يشترطون المبلغ قبل الوصول بثلاثه ايام يرسلون لك ايميل انه لازم يكون المبلغ
متوفر ويعطونك وقت او يلغي الحجز
وفيه طريقه او احد الشروط يقولك عادي متي جيت يعني وقت الدخول تشيك إن في الإستقبال
يخيرونك هل تريد المبلغ من الفيزا او كاش إذا من الفيزا يحجزون المبلغ إلي وقت الخروج ثم يسحبونه
او تدفع كاش ولا يحجزون شي
فالأمر اولا واخيرا يعتمد علي الشروط وقت الحجز

مشكور اخوي zazaz على التوضيح

وافي بزمن جافي
هلا بآخوي وافي بزمن جافي اشكرك من اعماق قلبي الله يجزاك الجنه ريحتنا واجد
انا حجزي الثاني الدفع في الفندق وشكلي باحط كل مبلغ الفنادق في الفيزا
والله يسهل لك السفره الجايه