أخي المسافرالفنادق اللي اخترتها انا مجربة فندقين منهم قبل سنتين تقريبا ..
و هما بان باسفيك و هوليدي فيلا لنكاوي و في نظري ان اختيارك موفق ..
و الفندقين ممتازين .. لكن ترى بان باسفيك ما يقع على شارعنا المزعوم على قولة الشعيبي .. تاخذ تاكسي ب 4 رينجت تقريبا 5 دقايق و انتا واصل لشارعنا المزعوم أو البرجين التوأم .. بس ترا قدامه مول كبير أنا بالمرة عجبني و كانت الأسعار فيه حلوة ..
فندق بي فيو في بينانج خبيرنا الشعيبي يمدح فيه و هو على قوله حبيب البه .. و هو قريب من السوق الليلي .. يعني توكل على الله ..
أما بالنسبة لفندق أوانا قولف في جنتنغ أعتقد و الله أعلم إنه بعيد شوية عن مجموعة الفنادق و لو تاخذ نيو وورلد فندق 4 نجوم و هو يطل على الملاهي على طول ..
تمنياتي لك بالتوفيق إن شاء الله ..

سلام
حياك الله اخوينا المسافر777
وترى خالتي ردت احلى رد وماقصرت بيض الله وجهها .
فنادقك بين 4-5 نجوم وكلها جميلة ... اوانا نظيفة وفخمة
وهادئة لكن ما عجبنيش ولو تاخذ جنتنغ هوتيل او ريسورت
او فيرست وورلد يكون افضل للموقع رغم انهم اقل منه في المستوى
ماعدا جنتنغ .
لكن صراحة فنادقك حلوة وراح تنبسط فيها بأذن الله .
توكل على الله وخبرنا بكم حتأخذ هذا العرض ومن وين
وحسبوها لك بكم مع التذاكر
موفق اخوي بأذن الله ورحلة سعيدة والسلام عليكم

يعطيك ربي الف عافية على هذي الردود اللي ترد الروح ..
بصراحة ارتحت كثير وتطمنت اكثر بعد ردودكم اختي العربية والغالي الشعيبي ..
بالنسبة لسؤالك اخوي الشعيبي ..
تذاكر الطيران
القطرية 2950 ريال + الطيران الداخلي
الباكيج يضم : الفنادق + توصيلة من المطار للفندق + جولتين سياحيتين مع الجروب السياحي
السعر : 2110 ريال
المكتب هو : مكتب الشافعي للسفر والسياحة الواقع في مدينة سيهات
سؤال الكم ياخبراء .. " الله يعطيكم العافية " ..
احنا برنامج رحلتنا كالتالي :
كوالالمبور - 6 ليالي
بينينج - 3 ليالي
لنكاوي - ليلتان
جنتينغ - ليلة واحدة
علما بأن التنقل بين هذه المناطق بالطيران الداخلي ..
هل تنصحونا باستخدام وسيلة الطيران في التنقل بين جميع هذه المناطق .. او هناك مناطق يفضل التنقل بينها بالباصات او السيارة او السفن .. ؟
تحياتي لكم ..

أفضّل تخلي كوالمبور الى الآخر وتلغي المبيت في جنتغ وتبدلها لكاميرون هاي لاند ، فتصبح كالأتي :
بينينج - 3 ليالي
لنكاوي - ليلتان
كاميرون - ليلة واحدة
كوالالمبور - 6 ليالي تستطيع تروح جنتغ بالسيارة من الصبح الى المساء والطريق بالسيارة يتغرق 3 ساعات . وجنتغ مجرد مدينة ألعاب درجة أولى .
أما المواصلات بين المدن الأفضل بالطائرة فهي رخيصة ما عدا جنتغ وكاميرون ما أعتقد فيهما مطار .

الله يسلمك اخوي المسافر777
وترى عرضك سعره ماشاء الله جميل والله يسعدكم
وترى بالنسبة للتنقل تراها تابعة لرصة مناطقك ..يعني
لو عرفنا رصة مناطقك النهائية وقتها نعرف الطريقة
المثلى للوصول ...نفرض انه رصتك مثل ماذكرتها مع
اني انا عن نفسيس واعوذ بالله من كلمة انا افضل انه
لنكاوي تتقدم على بينانغ لاجل بعد بينانغ تمسك الخط البري
لين اخر رحلتكم ...لين ان خليت لنكاوي بعد بينانغ اجل لابد
ترجع لمطار كوالا لاجل تتوجه بعدها لجنتنغ وهناك حل اخر
وهو انك تاخذ فيري لبينانغ او كوالا قدح وبعدها تكمل بر
لجنتنغ ....لكن الافضل طيران في حالتك ...يصير :
كوالا - بينانغ (سيارة) لاجل تشوف الخط مع انه تقدر بطيارة
والسيارة في حدود 450 ريال .
بينانغ-لنكاوي (طيارة) تقدر بالفيري ولكن ترى دوار البحر
مش سهل ...وناس يقولون انها بسيطة وهذه ترجع للشخص .
لنكاوي-جنتنغ (طيارة) وبعدها (سيارة) طيارة لمطار العاصمة
وبعدها سيارة جنتنغ لانه جنتنغ مالها مطار وتراها قريبة من العاصمة .
جنتنغ - كوالا (سيارة) ومالها حل اخر الا الباص .
والسيارة افضل و100 و100 وشوية .
موفق بأذن الله ورحلة سعيدة والسلام عليكم

عزيزي المسافر
اولا تروح وترجع بالسلامة
انا توني راجع من ماليزيا وجربت فندقين من الفنادق اللي انت مختارها
اولا في لنكاوي سكنت في هوليدي فيلا .. ورغم بساطة الاثاث الا ان الفندق كان جميل جداا .. لكن احرص ان تكون الغرفة مطلة على المسبح لآن المنظر على المسبح والبحر رائع جدا .. والفندق مليء بالعرب .. وفي الفندق مسئولة العلاقات العامة مغربية واسمها ضحى وللحق في انسانه متعاونة لابعد حد.
في بينانغ سكنت في فندق بي فيو بيتش وايضا كانت الغرفة مطلة على المسبح والبحر والمنظر رائع جدا .. لذلك احرص على ان تكون الغرف مطلة اطلالة مباشرة على البحر لكي تسمتع ... والفندق كبير جدا وممتليء وفيه امكن خاصة بالاطفال للعب ... لكن احرص من الذين يوجرون القوارب والباراشوت تراهم نصابين يعني يدبلوون السعر ...
اتمنى انك تستمتع في رحلتك وبالتوفيق

اشكر لكم جميعا سرعة الرد .. وربي يعطيكم الف عافية ..
وياريت بس اضع برنامج للاماكل اللي اروحها في كل يوم من الرحلة .. بمساعدتكم يالطيبين
لكي يكون برنامج متكامل والكامل وجهه عز وجل ..
علما بأن رحلتنا ثنين عزابية .. وليست عائلية
انتظر مشورتكم ..
تحياتي مليون

وبالنسبة للمواصلات والروحات والجيات .. ياريت تدلوني على سواق محترم ويكون مضمون ماينصب علينا ..
ونروح ونجي معاه يكون افضل ..
وعساكم عالقوة

الأخ الكريم المسافر 777
السلام عليكم ورحمة الله وبركاته
ارجو التأكد جيدا من العرض المقدم من وكالة الشافعي , فقد تم تقديم نفس العرض لي ولكن بإضافة جولات سياحية يومية طوال ال 15 يوم
اضغط على الرابط
http://www.alshafai.com/ar/show.php?show=2004/book/page11.php5
وكما تلاحظ االعرض شامل رحلة سياحية يومية وبنفس السعر ( 2110 ريال )
تحياتي